انا ما ادري اش محرق رزك انت واياها؟؟
واذا ضربته يعني؟
مافيها شي عادي الورع اصلا ما يفهم الا لغة الضرب
وما ينفع معاه الاحترام ابدا لانه سفيه وعقله ناقص......هههههههه
حتى لما قصت لسانه ما غلطت تلاقيه قال كلام قلة ادب والا شي
.
.
وعلى طاري الضرب بقلكم سالفة

هذا انا من كم يوم مداوم في طواريء مستشفى الملك فيصل التخصصي من الساعه 12 بالليل الى الساعه 8 بالصباح
وانت واياها يااما نايمين يااما جالسين تتفرجون على الدراما الرمضانيه

يلا ما علينا

المهم جات الممرضة وقالت لي انه فيه حالة جديدة دخلوها لسرير رقم 30
قلت اوكي
ورحت اشوف الحالة
لقيت العائلة كلها ماشالله موجودة
طفل جالس على السرير
الام والاب جالسين على كراسي جنبه والاخ الاكبر واقف
لما استئذنت ودخلت عليهم الاب قام واقف وقدم لي الكرسي ويقلي اتفضل يا دكتور وانا ارد عليه لا لا شكرا خليك مستريح يابو فهد
والتفت على الاخ الاكبر وقلت له ادري انه انت اكبر لكن ما اتشرفت باسمك وما اعرف الا فهد لان اسمه مكتوب في الورقة

المهم التفت على فهد والقيت عليه نظرة اوليه وشفته وضعه زين يبتسم وجالس بدون الام او كتمه او حتى كحه ماشالله
قلت له خير يا فهد تشكي من ايش

ابوه قاطعنا مباشرة وقال انا اقلك يا دكتور...
فهد هذا جاني وهو مكتوم ويكح ويقلي انه مو راضي يتنفس وقلت له روح ريح على سريرك
وبعدها بربع ساعه شفته يلعب في الحوووش قمت ضربته هو وامه
شوف امه هذي الجالسة حتى هي ضربتها والله

واطالع في الام بطرف عيني واشوفها منزله عينها في الارض

انا من كلام الاب عرفت اني واقف قدام رجل عظيم

قلت له طيب انت يظهر لما ضربته عالجت الكتمه الي كانت عنده لانه يبدو لي الحين انه مو مكتوم ابدا ماشالله وحتى تركيز الاوكسجين في الدم 99 % ماشالله وطبعا هذا ما يمنع اننا نفحصه سريريا ونشوف
واثناء الفحص جلست اسالهم عن باقي اعراض امراض الجهاز التنفسي اذا لاحظوها عليه عشان استثني ازمة الربو والتهاب الصدر على الاقل

فحصته وتبين لي ان تنفسه طبيعي و حتى ما عنده جفاف والحمد لله( لان الجفاف هو اخطر شي في الاطفال)

قمت سالت فهد نفسه :
فهد انت ما قلت لي تشكي من ايش الحين بالظبط؟؟؟واش الي خلاك تيجي الطواريء؟؟؟
التفت على ابوه بعدين رجع التفت علي وقال:
من بعد اذن ابوي انا بقلك السالفة من اولها!!!

انا استغربت بقوة ورجعت اناظر في الملف لا يكون عمره مو 9 لا يكون عمره 19 وانا ما انتبهت
لكن فعلا طلع عمره 9
قلت له اتفضل
قال انا حسيت بكتمه وقلت لابوي
وقال لي ارتاح
لكنها ماكانت كتمه قوية واقدر العب وانا احب اللعب
وشافني وانا العب وضربني وبعدها الكتمه زادت وقالوا خلاص يبون يودوني للمستشفى
وبالطريق سبحان الله اتحسنت وراحت الكتمه

.
.
ماعليكم من باقي التفاصيل
لان الزبدة فهد نفسه واسلوبه في الكلام.... والنعم فيه وفي ابوه الي رباه
ما نقص منه شي لما ضربه ولا بينفعه لو كان يدلعه
لما اتكلم تحسينه رجال صدق مع انه صغير
الله يخلف على بزراننا بس
وعلى فكرة ترى عائلته قبيله من اكبر واعرق القبائل في الجنوب

وترى مرت علي قصص كثيرة عن اطفال ثانين جايين الطواريء لكن اهلهم مدلعينهم وربي تنصدمون قد ايش الدلع مصيبه

عذرا للاطاله