:: أنا لا يموت أبي ::

أماتَ أبوكَ ؟

ضلالٌ . أنا لا يموتُ أبي

ففي البيتِ منهُ

روائحُ ربٍّ .. وذِكرى نبي

هُنا ركنُهُ .. تلكَ أشياؤهُ

تَفَتَّقُ عن ألفِ غُصنٍ صبي

جريدتُهُ . ذكره . مُتَّكاهُ

كأنَّ أبي ـ بعدُ ـ لم يذهَبِ ..

أبيات للشاعر .. نزار القباني ..

قريتها ف رمضان .. بكتني كثير .. هزت احساسي بشكل ما توقعته .. و السبب

.. بابا صالح ..

اسمحوا لي اعطيكم نبذه مختصره عنه ..

بو بدر او بابا صالح مثل ما كل اهلنا ينادونه .. زوج اختي الكبيره .. و هو مربيني بعد ما توفت امي و انا عمري سنتين ..

و ابوي الله يطول لي بعمره موجود الحمد لله .. بس بابا صالح .. غييير ..

أطيب انسان ع وجه الكره الارضيه .. دائما مبتسم مع ان الدنيا لعبت فيه و ورته الويل .. عمره ما شكى ..

من ثلاث سنين .. كان عامل بربيكيو ف بيتهم .. وعازمنا كلنا و مجهز كل شي من المشاوي و الفحم و حتى عامل ديكور ف حديقة بيتهم خاص حق هالعزيمه ..

و فجأه .. جاني تيلفون و انا أبدل ملابسي عسب اروح العزيمه .. بابا صالح تعبان وايد ..

( كيف كان امس ف بيتنا للأسف ما شفته .. من ساعتين كان بخير و مجهز كل شي .)

كلها اسئله دارت ف راسي .. ما لقيت لها جواب

و للاسف ما لحقت عليه .. كان الموت اسرع مني ..

شفته ملفوف بملايه بيضا .. ع سرير الاسعاف ..

المهم بدون الدخول ف التفاصيل .. ما اريد اغثكم اكثر

بعد ما قريت الابيات ..

جمعت كم غرض من اغراضه الخاصه .. و صورت هالصوره .. اتمنى تعجبكم .. رايكم يهمني ..

يابــوي / قلبي عقــب فرقـــآك مجـروح "
وبــدآخلي ســـدد لـي { الوقــت .. جــرحــه } ’’

مـرت / ثـلآث سنين صعبه على الروح "
خــذت من عيــون { الزمــن ألـف .. فرحـه } ’’

كـل / اللـذي حـولي سكــت مآبقــى بـوح "
شـي ٍ فضيـع { ويصعــب اليــوم .. شـرحه } ’’

يآمــآ / على ذكـــرآك روحـي بكـت نوح "
ماغــآب لك طــآري { ولـك دوم .. لمـــحه } ’’

نظـآرتــك / طـآقيتــك / صوت مبحـوح "
ومصحفْـك / طيْـب الذكر / وهناك .. سبحه } ’’

كلْ شيْ / يخصك صآر له بالحشى روح "
كيــف وغيآبــك { يدمـي القلـــب .. جــرحـه } ’’

عقــب الثـلاث / وكـــل شــي ٍبكـى نـوح "
يســرق مـن عيــون { الـزمـن ألــف .. فرحه } ’’

أبيات خاصه لـ بابا صالح من الشاعر .. ماجد الزهراني

السموحه ع الاطاله

---

:: Hkh gh dl,j Hfd ::

ما شاء الله ما ادري الكميرا اللي مضبطه الصوره ولا تنسيقك للأشيا هو اللي مضبط الصوره
ننتظر جديد دائما ..رحمه الله واسكنه فسيح جنانه ..
وجبر كسركم لفقده ..

[align=right]الله يرحمه ويعوضه الجنة
[/align]

المشاركة الأصلية كتبت بواسطة البحر الازرق

ما شاء الله ما ادري الكميرا اللي مضبطه الصوره ولا تنسيقك للأشيا هو اللي مضبط الصوره
ننتظر جديد دائما ..رحمه الله واسكنه فسيح جنانه ..
وجبر كسركم لفقده ..

آمــيــــــــن يــا رب .. يــزاك الله خـير ..


تـسـلـم اخـويــه .. و اتــوقـع الإثـنـيـن ..


نــورت .. ربي يـحـفـظـك