تعالوا أعلمكم وش تسوو إذا رايحين تخطبون لا تفشلونا

جبت لكم بعض النصائح لاخواننا الشباب


عشان اذا خطبوا لايفشلونا


اذا خطبت وش تسوي ... انا اقولك...


أولا:اياني واياك تحلق مره ويصير وجهك املط تقول لاحسته بقره. ترى البنات يموتون في شي اسمه سكسوكه.


·ثانيا: في اليوم اللي بتقابلها فيه لا تروح تسهر مع الشباب ثم تغمض عيونك كأنها زر بالطو... ارقد من بعد العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.


· ثالثا: كثر من مشاهده الافلام المصريه القديمه وواحفظ منهم كم كلمه وشوي حركات وغمزات..
ويالله عساك بس تذوب البنت.. مع اني ما ظنيته.


رابعا: رح لحلاق صاحي يعدل في خشتك شوي واهم شي الصنفره والقناع وان وجهك ناشف ادهن وجهك بفازلين.



خامسا : قصص اظافرك زين وابردها لا تمخش بنت الناس.


سادسا: يجب ان يكون الثوب مكويا جيدا وخاليا من الكرمشة ومرزام الشماغ مضبوطا وانتبه للعقال ان لا يكون مائلا.



سابعا: لا تلبس شبشب وانما البس جزمة وشراب. وقبل الخروج لمع جزمتك جيدا حتى تكون أنيق.


ثامنا: لا تروح لها فاضي ياابو اشباب, خذ معك ورده

واذا كانت البنت قرويه خذ معك تنكة تمر سكري والا راس غنمة لتكسب ودها وتقدير امها.


تاسعا: وانت عند البنت خلك ثقيل لا تتهبل ولكن ذا ما يمنع من شوي من الرومانسيه
كأن تقمعها مع راسها لتعبر عن اعجابك بخفه دمها.



عاشرا: لا تنتقدها كثيرا كأن تقول : " انك متينة يا بعد مصراني" والا " ماهذه الخلاقين ياطحالي من وين مجمعتهم" .
واكتف بالتلميح للاشياء التي تعجبك كأن تقول " ياحبي للتسريحة" " يازين الفستان الاحمر".
وبين لها انك خااااااااااااااااااااق عليها


احدى عشر : لا تطول القعده عندها ولا تكثر الزيارات علشان يتقطع قلب البنت وتشتاق لك.
يعني اكتف بمره وحده في اليوم والليله.


اثنى عشر: اثبت رجولتك بعد ان تطلع من عندها وذلك بأن ترجم شباك غرفتها بالحصى واذا طلت شغل سيارتك وفحط وارسم ( قلب ) على الزفلت وبعدين روح.


ثلاثه عشر : واذا وصلت بيتكم رح لغرفتك وصك الباب زين وسد الفتحه اللي من تحت بفوطه و خرق القفل بمنديل
عشان محد يتسمع او يتلقف في فتحة اخرى
واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها..هاه وش رايكم بالاساليب

طبقوها وعطوني النتايج خخخخخخخخخخخخخ

---

juhg,h Hugl;l ,a js,, Y`h vhdpdk jo'f,k gh jtag,kh

ان شاء الله اذا رحت اخطب اطبقها
بس لسع بدري
انت اوول طبقها وقلنا وش صار معك
اذا نفعت معك
انااسوويها بعدك لوووول

يسلموو يويو ربي يعطيك العاافيية ..

درر يا هوه درر

بس جرب اول وعطنا النتايج


ويا ريت اذا فيه واحد مجرب يقول لنا

بنجررررررررررررب بس لاتنكبنا

يعطيـــــــك العفيه