احذر عدوكـ ....!!

قصيدة احذر عدوكـ !!!

للأميــر خالد الفيصل


..... احذر عدوّك" ..كلٍ يعوّد لاصل جدّه ومرباه......

كلٍ يعوّد لاصل جدّه ومرباه=راعي الشرف يشرف والانذال يهبون

..الفْرع من عوده شرابه ومسقاه=والحنظلة مرّه ولو تشرب مزون

..الطّيب كايد والمناعير تقواه=والهون هيّن تدنع النفس وتهون

ناسٍ على كسب المراجل مضرّاه=وناسٍ على كسب الفشيلة يضرّون

..هذا على وضح النقا كل ممشاه=وهذا الى شافوه ربعه يصدون

..لا تامن الخوّان لو زخرف حكاه=من خان بك مرّه يبي باكر يخون

..وافطن ترى زول الرّجاجيل توّاه=كم واحدٍ يعجبك زوله وهو دون

يا طيّب الشارات من يوم منشاه=احذر عدوّك لايغدرك على هون

..ترى عدوك غايته فيك ومناه=يزرع بصدرك من قنا رمحه طعون

..والّلي رضع لبوة عدوّك توقّاه=الجرو ولد اللبوة الّلي تعرفون

..للطّير يالصقّار بالرّيش مغواه=الجاهل الّلي باكثر الريش مفتون

..للحُر والشبوط ماكر ومجناه =والفرق بالافعال لو هُم يطيرون

---

hp`v u],;J >>>>!!

ابياااات روووعه يالغلااا
يعطيك الف الف عاافيه ع الطرح
وودي

[align=center]
سلمتي اميرة على المرور الرائع
لاعدمناك
[/align]

[align=center]
دائماااااااا مبدعه

ابيات جمليه

وخاصه هذا

ناسٍ على كسب المراجل مضرّاه=وناسٍ على كسب الفشيلة يضرّون

تسلم يمينك
=
[/align]