الدوسري لو ينتفض في مهاده* * *هزّ الارآضي،كيف عاد الرجاجيل!؟

السلام عليكم ورحمة الله وبركاته

أرحّب بكم كلٍ باسمه بكفّ أسمى التقدير وأرقى الاحترام

هذه مصافحتي الأولى في هذا الصرح الشامخ

*

ذعذع نسيم القاف وارسل بـراده

وغرد على غصن القصيد البلابيل

في منتدى بـدران كسّـر شـداده

ونزّل حموله عقب طرد الحماميـل

والكيف تبخص طبخته من قنـاده

ولاخير في رجلٍ لبوسه سماليـل

اشرب بكفّك خـلّ عنـك الربـاده

هماجهـا ولا قـراح الشهالـيـل

منّي سـلام وفيـه سكّـر زيـاده

للشايخين الشامخيـن المشاكيـل

سـلام منّـي وافتخـار وإشـاده

باهل الشجاعه والكرم والمعاميـل

على الدواسـر قاضبيـن الريـاده

اهل الرماح اللعط واهل المصاقيـل

من كادهم مايهتنـي فـي رقـاده

واللّي يصادقهم كفـوه الغرابيـل

الدوسري لو ينتفض فـي مهـاده

هزّ الاراضي/كيف عاد الرجاجيل!؟

ويوم النهايب عند الاعراب عـاده

من قسمنا خذنا جزيل المحاصيـل

منّا مره من دون جيـش ورفـاده

ردّت الجيـش وناهبينـه مكابيـل

واللّي ودا جـاره وحقّـق مـراده

منّا/ ومنّـا خازميـن المجاهيـل

لو عدّ راع العـدّ يعجـز عـداده

تقضي رقومه والفعايـل مباتيـل

ولو سوّوا اهل الفيل للشّر اعـاده

من ظنّكم يوقف ويهزم هل الفيل؟؟

سـؤال مايحتـاج ردّ وشـهـاده

ياقف له اللّي يطوّعـون العياييـل

أولاد زايـد طالبيـن الشـهـاده

الموت لو يقبـل يجونـه مقابيـل

بعون الله المعبود ناصـر عبـاده

اللّي رماهـم بالطيـور الابابيـل

على العدو مافيه رفـق وهـواده

وعلى الرفيق اشجار وردٍ مظاليـل

أهل النخل واهل الابل في حمـاده

واهل الصلاه الثلث الآخر من الليل

واهل البحر والبرّ واهـل العمـاده

في كلّ فنّ وعندهـم لـه تحاليـل

واللّي هجدنـا سايقتـه القـراده

يبشر بشيٍّ مابعد سمـع أو قيـل

ويوم ابو تركي هجمته مع هجاده

حنّا معه قلـبٍ وقالـب وتفعيـل

تاريخ يشهد والرمي مـن زنـاده

وهرجٍ بلا ثبتان منطـق مهابيـل

درع الوطن حنّـا وحنّـا عمـاده

من دون هضـمٍ للقبايـل وتبديـل

بقيـادة آل سعـود نعـم القيـاده

ملوك الزمن ترجح بكلّ المكاييـل

من عهد ابو تركي ونشوة جـواده

إلين ابو متعب ذرى الشعب والجيل

لنا علـى كـلّ المواقـف جـلاده

مثل الجبال النايفـات المجازيـل

ومن لافرق بين السمـاد وزبـاده

تاريخنا ينبيـه جملـه وتفصيـل

هذي اشاره والقلـم مـع مـداده

يكلّ ماوفى رملـةٍ مـن غراميـل

الهرج تظهر زبدتـه فـي سـداده

وغير الثقه تلقى على نبرته ميـل

وصلّوا عدد نبت الزمان وجـراده

على النبي وآله نجـوم وقناديـل

وصحبه ومن يتبع هداه ورشـاده

ماغنّت الورقا على شاطي النيـل

*

وسلامتكم

لعيوون الدواااسر

اارجو التقييم

---

hg],svd g, dkjtq td lih]i* * *i.~ hghvNqdK;dt uh] hgv[h[dg!?

[align=center]
ونعم والله في الدواسر كلهم
تقبل مروري البسيط
ملاك الورد
[/align]

ابدااااع يسلموو مثل مااقاالت ملاااك الورد النعم بالدواسر كلهم...

المشاركة الأصلية كتبت بواسطة ملاك الورد

[align=center]
ونعم والله في الدواسر كلهم
تقبل مروري البسيط
ملاك الورد
[/align]

ونعم فيك
و مشكوره على الرد