تبي تعرف ! وش ؟ على الفرقا مصبرني

الصوره اللي ( بجوالي ) تعذبني
ياكثر ماجيت ابمسحها ! واخليها
ياللي جفيت وجفاك المر .. ذابحني
عقبك وجيه البشر .. ماني بدانيها


من يوم حبك .. غزى القلب وتملكني
قطعت كل العلاقات وطواريها


اقرى رسايلك ودموعي تسابقني
وارد ! واقرى الرسايل .. واحتفظ فيها


انت آخر انسان هاقي منه يصدمني
والظاهر ان هقوتي بانت مواريها


لو الوصايا ليا احتديت ! تنفعني
ياكثر ناس ٍ على ذودي بوصيها


ليت الفرح ( بنك ) لاجيته يسلفني
واقاصده ( راحتي ) وحقوقه اوفيها


من كثر ماكنت ! جارحني وظالمني
قمت اعزل جروحك بقلبي واسميها


تدري وش اللي يبكيني ويضحكني
انك محامي قضيتنا وقاضيها


تدري متاك ؟ تعرف قدري وتفقدني
لارخصت نفسك ,, لشخص ٍ مايراعيها


بكره الا هملوك الناس تذكرني
وتقول عزاه : عيني من يداريها ؟


مدام غيري ؟ على قلبك مشاركني
وش هو له ؟ اعلق الأمال وابنيها


يكفيني انك رحلت ومنت عايفني
هذا عزا النفس من كثرة بلاويها


اهديتك : دموع من طعنتك تحرقني
وانت اللي تستاهل الدنيا ومافيها


واهديتني جرح .. موجعني ؟وعاجبني؟؟
لن الهدايا على مقدارمهديها


صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليها


مفضوح ؟ راع الهيام .. ونظرته !! تغني
ملامحه واضحه ! , في وجهه راعيها


لكل داء ٍ دوا .. لو هو متعبني
إلا محبتك ؟ .. أعيت من يداويها


ان قلت : علمني انسى ؟ لاتعلمني
دنياي لامن نسيتك ويش تاليها


فارقتني وضحكتك عيت تفارقني
والله يلعن ابو الفرقا وطاريها


مقدر !! أفكر بغيرك ؟ .. وانت عارفني
عشان حاجه ؟ بقلبي .. مقدر !! أخفيها


اخاف لاحبني غيرك ؟ .. وعاشرني
يشوف صورتك في عيني ويوحيها


نشدت عنك ؟ وسمعت اللي يفرحني
وارتاح صدري من هموم ٍ يحاتيها



تبي تعرف ! وش ؟ على الفرقا مصبرني
انك بخير .. وحياتك مهتني فيها



من يوم ماغبت ! والوحده تعذبني
اقرى ( رسايلك ) في حرقه والاحيها



اشوف ( صورتك ) .. ودموعي تسابقني
وياكثر ماجيت أبمسحها ؟ وأخليها



عجبتني ونقلتها لكم ارجو ان تحوز على رضاكم

---

jfd juvt ! ,a ? ugn hgtvrh lwfvkd

تبي تعرف ! وش ؟ على الفرقا مصبرني
انك بخير .. وحياتك مهتني فيها

الله علييك ياانوووووووووووووووووورث
وعلى اختياراتك

عااد المره الثانيه نبيي من كتاباتك
وانا بنزل من كتابات رفيجتي <<شكوو هههههه
لايق علييك الشعر هاااااا<< اقلدك كله تقول هااا

الله عليك يانوورث لا يق عليك الشعر وعطناجديدك


تقبل مررررررررروررررررررري

موحرام هاااا مرورك نور الموضوع وردك زود من قيمتة هاااااا

عسولة من غير عسل تسلمي والله في القريب العاجل إذا قدرت على شي أجيبة لك هااااا