قصيدة شاب سوى حادث وهو مسرع وكانت معاه امه والنتيجه توفت امه

قصيدة كتبها شاب كان مسرع وعمل حادث سيارة و كانت معاه والدته
ونتيجة لهذا الحادث توفيت والدته نتيجة الإصابات الخطيرة أما هو فكانت إصابته خفيفة00
وانكتب له عمر(سبحان الله) ...

هالقصيدة للعبرة وتستاهل إن كل وااااحد منا يعطيها من وقته ويراااااجع حساباته00

انا شفت القصيده واحزنتني وقلت لابد اني انقلها
واتمنى انه مافي احد قبلي نقلها
واذا كان في احد قبلي نقلها فالعذر والسموحه لان القصيده هذي فيها عبر كثيره وماقدرت اشوفها وماانقلها

يواسوني وانـا الميـت وحالـي يجبـر الدمـعـات
تسيـل مـن الـذي فينـي ويبكـي وهــو يواسيـنـي

وانـا ابكـي واتنـهـد وارســم بالـحـزن لـوحـات
يجبرونـي عشـان امشـي ورجلـي مـا تمشيـنـي

قتلـت رعايتـي بيـدي قتلـت الحـب والرحـمـات
حرمت النفـس مـن حقهـا وانـا ابكيهـا وتبكينـي

وكـنـه حـلـم قـدامـي يقيـدنـي مــن الصـرخـات
أبي أصحى ولكني عجزت ألقى الي يصحينـي

فـداك القلـب يايمـه ومهمـا قـلـت مــن كلـمـات
صغيـرة فـي كبـر حقـك بـس اتمنـى تعذريـنـي

نهبت الفرح من بيتي صحيح اني خسيس الذات
صحيح اني ولـد طايـش وكـل مـا أسمعـه فينـي

تـجـول عيونـهـم فيـنـي تفـصـل مـنـي قيـاسـات
وتشيـح وجوههـم عـنـي وكـنـي غـيـرت ديـنـي

يظنـوا حزنهـم أكبـر وهـم أصـحـاب هالمـأسـاة
وانـا اتحـدى إذا فيهـم ربـع مــا يحـتـرق فيـنـي

نقص قـدري بعـد موتـك وغابـت نشـوة اللـذات
وصـــار الـهــم عـكــازي أبـاكـيــه ويبـاكـيـنـي

عطيتيني بدون حساب ولا سمعتك تقولي هـات
وانا اشـرب حيـل مـن دمـك ودمـك مـا يكفينـي

يايمه ارجعي كافـي أبجلـس معـك لـو لحظـات
واقبل إيدك ورجلك وافـرش لـك رمـش عينـي

يايمـه مـا تحملهـم يقولـوا فــات مــا قــد مــات
تعالـي غيـري هالقـول واطيعـك بـاقـي سنيـنـي

واتـرك عـادة التدخيـن وانفـذ مـا تبـي بسـكـات
واصلي الفجر في المسجد قبل منتـي تصحينـي

يايمـه ارجعـي تكفيـن وطـفـي شمـعـة الآهــات
ابيـك انتـي ولا غـيـرك عـلـى مـوتـك تعزيـنـي

وضمينـي وداوينـي مثـل مــا كـانـت الهـقـوات
مـا ابـي احـدن يواسينـي ابيـك انـتـي تواسيـنـي

دخيلـك بـس لا تبكي إذا شفتي بي الدمعات
أنا مقوى أبكيـــــــك إذا أنتي تبكيـــــــــــني

وتقبلو تحياتي

---

rwd]m ahf s,n ph]e ,i, lsvu ,;hkj luhi hli ,hgkjd[i j,tj hli

فز شعري يوم أوصـــف غلاها

هي في القـــــلب وعروق دمي
هي حضنـــــي اللي حضني ودفاها

وهي الكلام إلي تلعــثم بفــمي
ودائما تهل بعطاها

وإذا تعبت تقول روحها لي سمي
روحي تفدييييـــــــــك بأحلى جزها

أناديها وأقولها يا أحلى أسم يمي
كلها حنـــان وطيبه يا ناس مين يعد جزاها

وإذا تضايقت أقولها يا أحن قلب يمي
وأقولها وأعطيها هم فوق همٍ وهمي

أردد وأقول يا ناس مين يعد جزاها

أفديك بروحي بس ما توصل لروحك جزاها

وأصلي وأسلم على سيدنا طه


لا تعليق اكثررر احس اني مخنووونه


ربي لا يحرمكم من امهتكم يارب

يسسلمووو خيييو ع طرح بس

الله يكووون في العووون

آآآآآآآه ثم آآآآآآه وينك ياااايمه

يظنـوا حزنهـم أكبـر وهـم أصـحـاب هالمـأسـاة
وانـا اتحـدى إذا فيهـم ربـع مــا يحـتـرق فيـنـي



نقص قـدري بعـد موتـك وغابـت نشـوة اللـذات
وصـــار الـهــم عـكــازي أبـاكـيــه ويبـاكـيـنـي



عطيتيني بدون حساب ولا سمعتك تقولي هـات
وانا اشـرب حيـل مـن دمـك ودمـك مـا يكفينـي

يسلمووو عالطررح ....الله يخلي لي امي ولا يحرمني منها

رائع جدا مانقلت
وتستحق احلى تقييم والله..
شكرا لك