ازعاجات الجوالات.. نقاش واقعي..

يرن جوال ساره..
ـ ألو..
ـ هلا.. هذا جوال ساره (صوت ذكوري ماتعرفه)
ـ لا غلطان...
ـ طيب نوره....
:: طوط :: تقطع الخط بوجهه
((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف معاه!! ))
₪₪₪₪₪₪₪₪
دانه جالسه بالصاله مع اهلها..
يرن الجوال برقم غريب..

ـ خذ يا أحمد _ أخوها الكبير_ رد على جوالي رقم غريب ماعرفه،،
ـ الو.....
ـ هلا....
ـ فيه أحد داق على جوالي!!
يغطي أحمد السماعه بيده ،، دانه انتي داقه عليه!!!!
ـ لا والله مادقيت!! ولا بالغلط حتى
((جوال دانه استقبال!!!!!!))
يعود للمكالمه
ـ هلا متى دقينا على جوالك
ـ ...........
ـ ما شالله والساعه ست ونص!!
ـ ................
ـ لا محد داق يالنصاب ياللي فيك ومافيك
يا............ تلعب على بنات الناس
فيك خير تعال قابلني
ـ الله ياخذ....الله.......
ويسكر أحمد ودمه يغلي ويبدى يرغي ********
كم مره دق!؟
قد دق عليك أحد غيره!!

((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!))
₪₪₪₪₪₪₪₪

سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،،
ـ هلا..
ـ هلا قلبي..
ـ قلبك مين ياقليل الادب يالي ماتستحي يالي.. يالي.. الخ،،
ـ أموت عـ المعصبين أنا
ـ كل تراب،، أنت وش تبي أنت!!من عطاك رقمي!!وليه .. ومن قال... الخ،،

بعد ان كثر الكلام
::: طوط :: تقطع الخط بوجهه
رجع دق عليها بوقت متأخر من الليل
ـ أهلين
ـ انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من ربك!!
<< يدخل ابوها بعد ماسمع صراخها>>

( اقفلت الخط خلسه)
ـ من تكلمين؟!
ـ وحده من صديقاتي!!
ـ نامي يابنيتي ولا تكلمين باخر الليل
ـ يقطع كلامه صوت جوالها يرن
اخذ ابوها الجوال:
ـ هلا ياعمري انتي..
ـ . . . . . . . . . . . . .
ـ الو..
ـ. . . . . . . . . . . . .
ـ ياعسل ردي..
ـ. . . . . . . .
((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه
ومن كل شي لين يجيها عريس الغفله!!!))
₪₪₪₪₪₪₪₪
جوال سميه دايم سبيل!!
مره بالصاله يلعبون فيه اخوانها،، ومره تاخذه اختها تصور،، ومره،، ومره ،،
نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت
ـ ............................
ـ الو.. الو.. ( صوت ذكوري لم تألفه )
ـ ............................
ـ هيه ردو.. أكلم صنم انا !!
ـ ..............................
وترمي الجوال على الكنبه،، وتخلي السماعه مرفوعه وتكمل حياتها عادي...
واخونا في الله ينتظر احد يرد عليه،، بعدين اعجبته السالفه يسمع سواليف العائله !!
ساعه وسكّر ... ايه ساعه!!
يدق..في وقت ثاني..
وكالعاده،، ترفع الجوال احد ماتعرفه تخليه ينلطع وتروح!!

((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق
وابرد حرتي فيه!!
يرسل لها بعد مدّه اسماء اخوانها،، حتى اسم شغالتهم!!! ))
₪₪₪₪₪₪₪₪

ساره / دانه / سديم / سميه / نورة / منى.. وكل البنات!!
يومياً تصيرلهم مثل هالمواقف!!
مواقف قد تكون حرجة
قد تكون هادمة للثقة ..
كم خربت علاقات بيين الفتاة وأبيها
أو الفتاة وأخيها ..بسبب لا يستحق شرف الذكر..
في مجتمعنا
بعض من الظلم..وعدم الفهم
يفتقد الأهل سياسة أن تكون مكان من تلوم حتى لا تظلم,,
إن أخطأت الفتاة بقصد أو بدون عوقبت وحرمت ثقة حرية
حتى حرمت أن تمارس حقوقها كإنسانة..
وإن فعلت ما تراه صحيحا لومت وعوقبت وحرمت..
في كلا الحالتين معاقبة
في كلا الحالتين هي مخطئة..
نسمع كثيرا "ارضاء الناس غاية لا تدركـ" قديمة..
ولكن ..ماذا ان لم يكن هناك خيار؟
اما أن نرضيهم بطيب نفس وعدم اقتناع
أو نضطر لإرضائهم خشية ظلمهم ..
***
أعزائي
في مثل هالمواقف..
** برأيكـ /ي ماهو التصرف السليم؟! ترد! تحقر !تطنش! تعطي ابوها او اخوها!؟
**ماهو ردّ فعل ( الاخ / الاب ) في مثل هالمواقف؟!؟؟
**دق أحد يعرفكـ بالاسم وش بتسويـ /ـن؟!؟
**تجربتكـ لو قد دق مغازلجي لا سمح الله وش الاسلوب الامثل الي نفع معه اللي يفكنا منه عشان ماعاد يدق!!
:
:
أتمنى ألقى تجاوب
أتمنى أن أرى ردود أفعالكم في تلكـم المواقف
ييهمني جدا

لكم تحياتي ..
وخاص ودي..

---

h.uh[hj hg[,hghj>> krha ,hrud>>

شاكره لك موضوعك
صراحه انا صار لي كذا موقف المره الاولى كان واحد يدق ويرسل رسايل ويعرف اسمي طنشت وخفت احد يدري من اهلي بامكاني اقولهم بس بيقولون شلون عرف اسمك اضطريت احرق الرقم وافتك
طلعت رقم ثاني وحاولت قد ماقدر ماعطيه الا صحباتي الي اثق فيهم واقاربي وتجيني احيانا اتصالات غريبه بس اطنش
وبرائي ان التطنيش هو افضل حل وكمان لا تعطي الوحده رقمها الا الناس الثقه
شاكره لك على الموضوع المهم
والله يهدي شبابنا

موضوع جميل
ويواكب اللي قاعدين نشوفه الان..
بصراحه..
انا لو احد دق على اختي تديني لجوال
صح انا اصغر منها وعندنا اخونا اللي اكبر منها
لكن اخويا الكبير يعصب
اما انا الحمد لله اتفهم موقفها
لاني ما اشك ولا واحد بالميه بأختي

شكرا لك

المشاركة الأصلية كتبت بواسطة ملااااك

شاكره لك موضوعك
صراحه انا صار لي كذا موقف المره الاولى كان واحد يدق ويرسل رسايل ويعرف اسمي طنشت وخفت احد يدري من اهلي بامكاني اقولهم بس بيقولون شلون عرف اسمك اضطريت احرق الرقم وافتك
طلعت رقم ثاني وحاولت قد ماقدر ماعطيه الا صحباتي الي اثق فيهم واقاربي وتجيني احيانا اتصالات غريبه بس اطنش
وبرائي ان التطنيش هو افضل حل وكمان لا تعطي الوحده رقمها الا الناس الثقه
شاكره لك على الموضوع المهم
والله يهدي شبابنا

صح التطنيش حل
بس لو كانو أهلك من النوع اللي ينبش بالجوال تبعكـ
مو لازم يكونو ما يثقو
لكن من باب حب الإستطلاع من أخ أو أب أو أم ..
مشكلة صح؟!

ربي يحميكي من كل شر..
منوووورة يا عسسسل
أسعدني تواجدكـ ..