أنا كذا والبحث عن الشهرة .... طحلبة

بسم الله الرحمن الرحيم

نبدأ على طول وبدون مقدمات

في عصر الديناصورات المرعبة اللي كانت تجوب الارض وتزرع الرعب في قلوب الحيوانات الصغيرة ..

كان فيه كائن وحيد الخليه من نوع الاميبا>>عرفتووها ام شوشه

اسمه (أنا كذا)>>لأنه كان يرفض التكاثر بالانقسام ويقول ياحلاتي وانا كذا.. خصري مايتحمل انقسام ..

كانت تمشي بطريقة الشقلبة وتبي تلحق جرس الطابور اللي يدق بعد 500 سنوات

على جيت الديناصور (أبو لموو) اللي متأخر عن الدوام وماشي بسرعة 45 كيلومترات
وهاتك يا تفحيط بين البراكين والمسستنقعات ..

ويفغصها أبو لموو مع خمسة آلاف من عيال عمها ..

وهم يلزقون باظافر او حوافر او اصابع الديناصور

والغربيه انهم طاب لهم المكان ...
ويسوون لهم مدينه ويعيشون فيها وينتخبون (أنا كذا) عضوة المجلس البلدي ..

وقف ابو لموو عند كودو يبي يطلب فطور للمدير عشان يتمصلح معاه ولا يخصم عليه..
لان المدير شرير ومايرحم ولا يعرف ابوه في الدوام ..

حس ان فيه شي ناشب في رجله
وطلب من الديناصورة اللي واقفه وراه في الطابور شجرة او غصن عشان يشيله

قالت: ما عندي غير هالعظمة من رجل دنيصير لقيناه يرعى..
وصدناه وتغدينا عليه البارح

قال وهو يتميلح : سويتوه مشوي ولا على الفحم؟..

قالت: الحقيقة ان البركان اللي يمنا كان خامد... فأكلانه بدمه..
ويلتفت عليها : اروح أحفورة ...اتحول نفط ...
وأغدي بنزين 95 على اللي يتمضمض بالدم ...
يامتوحش ... يا دموي ...

وتصطره كف: ياجعلك تتحول زفت ويسفلتون فيك شوارع جدة
وكل يوم يصبحك الافغاني بالكومبرشن يا قليل الحيا ...
ماعندك خوات أنت ...أنا حويسة المفترسه ...
عاملني بأدب... لا أصكك بإنذار كبر راسك..

طار عقله من فكرة الافغاني والانذار وصار يبي يلطف الجو:
يابنت الاجاويد انا قصدي شريف وابي اتزوجك
لأن تو جاني برودكاست ان فيه نيزك بيضرب الارض بعد 1000 سنوات
وكلنا بننقرض..
قمت سحبت على الدوام وفكرت اخش دنيا معاكي انتي وحراشيفك اللي تخقق..

وهي تخق معاه وتعطيه نظرة حنونة مع رموشها اللي الرمش الواحد تقل جريدة نخلة:
كان قلت من الصبح الله يصلحك...
الخدمة عندي مفصولة من أمس وأحس إني صرت معزولة عن العالم... ولا دريت عن هالنيزك ولاعن تخفيضات سيتي ماكس ..
تصدق مسوين 50%

تبادلو أرقام البن كود وتواعدو عند البركان الجنوبي بعد 100 سنه بعد ما الديناصور يجهز نفسه

وللأسف طلع (أبو لموو) ما يعرف لغات ولا يفرق بين 1000سنوات و 10سنوات
وجاء النيزك بدري وراحت عليه ..

وبعد 5000 سنوات جاء واحد اسمه طلال يبي يسوي منتدى..

واشترى قطعة ارض ..

وبدأ الشيول يحفر ..

وفجأة تطلع لهم احفورة (ابو لموو)..

ويلقون المدينة اللي بنتها (أنا كذا) بين عظام اصابعه..

وهي تصايح: أخيرا اكتشفتوني ....ما بغيتو ...بسرعة الله يخليكم ...ابي اصير مشهورة...

حطوني في اطلق متحف...

وحبلوذا يكون اللوفر جنب الموناليزا ..
قدام المكيف..

وبسسسسسسسسسسسسسسس

---

Hkh ;`h ,hgfpe uk hgaivm >>>> 'pgfm

لاني امنع السواليف في المواضيع صرت مفترسه ههههههه
يا ربي يا كريم في يوم هالجمعه ترسل لي من ينقذني ويدافع عني =)

افااااااااااا حسوستي ربي استجاب دعوتك

وش ذا من اول صاك راصي بغسله اخرتها ديناصورات ومدري وشهو

اسمحلي هذا يسمونه حشششششششششششششووووووووو كلام

بس اي شي واي كلمه تلزقها وتقول غسله

لا ابد موب حلوة صفر تاخذ عليها بجد ماعجبتنييييي وع

ولي عودة لفثفثه انشاء الله

المشاركة الأصلية كتبت بواسطة احسآس

لاني امنع السواليف في المواضيع صرت مفترسه ههههههه>>يب يب ومتوحشه بعد...
بس تدرين..امووووووووووت في الدموي..
يا ربي يا كريم في يوم هالجمعه ترسل لي من ينقذني ويدافع عني =)

لو سمحتي... عندك دعاوي ...عندك سوالف...
موب فيذا... درعمي يم الدردشه يلللا...

هنا بس الردود اللي تجمد على الشارب خخخخخخخخ