يا مرحبا والكل هـا اليـوم مسـرور

و احلـى الليالـي زاد معكـم حلاهـا

نفرش دروب اللي حضر ورد و زهور

و باحضوركـم ليلـة فرحنـا تباهـا

حضوركم لافراحنـا يشـرح اصـدور

و النفس في قمـة سعدهـا و هناهـا

ليلة فـرح و اقدومكـم زادهـا نـور

و انتم كمـال افراحهـا مـع ضياهـا

روض الفرح بقدوم الاحباب ممطـور

اروى المشاعر بالسـرور و سقاهـا

و الـورد بـدروب المعازيـم منثـور

وزهـور ترسـل للحبايـب شـذاهـا

اضفا على الفرحة تباشير و اسـرور

شوفـة حبايـب زاد فينـا غـلاهـا

وصف المشاعر صعب و الشعر معذور

و حجم السعادة وصفنـا مـا كفاهـا

وخير الكلام و كل شي و به اقصـور

دعوة كريم (ن) مـا يخيـب رجاهـا

يجعل لهم دايم بـدرب الفـرح نـور

و لا يجيـب اللـي يكـدر صفـاهـا

في عش زوجيـة بالافـراح معمـور

ويكفيهـم شـرور الحيـاة و شقاهـا

ياهلا ومرحبا فيك اخوي
تحياتي/اخوك ابو محسن