ربيان بالطريقه الهنديه ... لذيييذ جداااا

ربيان بالطريقه الهنديه ... لذيييذ جداااا

حشوة الربيان

المقادير / ربيان شحامي منظف / بصل مفروم ناعم / ثوم مفروم ناعم / شبنت مفروم ناعم

كزبره مفرومه / فلفل اخضر حار مفروم ناعم / صويا صوص / بهارات هنديه / فلفل اسود

ناعم / هيل حب / دارسين ناعم / كركم / بهارات مشكله



الطريقة :

نحمس الربيان لين تنشف مويته شوي ... بعدين نضيف الدهن عليه + البصل ونحمس

بعدها الثوم ونحمس و بعدها الفلفل و البهارات كلها ... اخر شي نضيف الصويا

و الخضره ... ونحرك ... اذا حسيتي ناشف حيل زيدي شوية مويه

ربع كاس ... واخر شي ملحي ... علشان الصويا مالحه

واذا ضفتيها بعد الملح ... ممكن تخترب الاكله ... وتصير بزود مالحه

قصري على القدر ... او طفي عليه بعد ما تحسين خلاص الخلطه

استوت وتجانست مع بعض ....



الرز


المقادير / رز منقع ومغسول / بصل مفروم / ثوم مفروم / كزبره مفرومه

2 عود دارسين / هيل حب / بهارات هنديه / سمنه / زعفران

منقوع بماي ورد / 1 معجون طماط ك دد / ملح / فلفل اسود / مسمار حب



الطريقة :


نحمس البصله + الثوم بالسمنه ... بعدها نضيف البهارات كلها والملح + الكزبره


نضيف الرز ونحرك ... وبعدها نغطي الرز بالماي ... قبل لاينشف ماي الرز

ناخذ المعجون + الزعفران وماي الورد + صبغه الزعفران او لون بودر ... نخلطهم

كلهم ... ونصبهم فوق العيش ... ومانخلطه الا بالاخير قبل الإستواء ... علشان

يصير عندكم لونيين ... مثل البرياني ....


الزينه / بصل محمر جوانح + صنوبر مقلي + كزبره مفرومه

كلهم نرشهم على الوجه


وعليكم بالعافيه ....

---

vfdhk fhg'vdri hgik]di >>> g`ddd` []hhhh