+ الرد على الموضوع
النتائج 1 إلى 3 من 3
اشعار عراقية
  1. #1
    Banned @hussein@ سيصبح مشهورا قريبا
    تاريخ التسجيل
    Mar 2010
    الدولة
    عراق
    المشاركات
    35

    جديد اشعار عراقية

    عاذرك
    كاسرت عمري اعله عمرك

    كطعت ليش . . وحِـركتك

    جويه مني وجويه منّك

    ونتشيت . . استاهلك . . شهكة عوافي

    وخيّبت ظني . . وصدك ويّاي ظنك

    ماكلت عنك . . عرك جفّك ابجفّي

    ولا كلت جاسك زعل . .

    واشتعل دمي ابنار دمّك

    أصعر . . وتستسهل . . اتشاغل خيالي

    وياخذك غيّك . . خرز خلخال . . تِـطّــشّـر وألمّك

    ومدري ليش . . أتمايزك وردة اكرنفل

    اِتّيه روحي ابريحتك . .

    واحتار من ياصفحه اشمّك

    أختلي ابحسنك . . وافج كلبي واطلعك

    تلعب ابعمري . . وخاف الغير يندلّـك وأضمّك

    خاف تاخذني . . اعله بستانك فرحِتي . .

    وخاف تكبر حيرتي . .

    وحسنك يغرّك

    خاف تِطشّر ولك . . وشلون المّك ! ؟

    كالو : ايحبك ! !

    كلت من شاف كلبه ؟

    وجبّست دمعي . .

    وسكن نبض الكلب . .

    عن لا يذمّك

    تِرسْ جفّي . . اسوالفك وحده اعله وحده

    وعرك جيدك زمزمي . .

    وخجلان تتعذّر !

    واكلّك : لايهمّك

    من تجِسني اشفايفك

    تاخذني غيبه !

    ومن تِرِشْني ابمزنِتَك . . ولهان افز . .

    لن روحي يمّك ؟

    اختلي ابحسنك . . وأفج كلبي واطلعك

    تلعب ابعمري . . وخاف الغير يندلّك وأضمّك

    وخاف تطّشّر خرز . .

    وشلون المّك ؟

    اشجان ضرّك . .

    تختصر بعدك عليه ؟

    وكلّي شكرات وحمد

    للمختصر . . حسنك ابخصرك

    تشرب معافي . . حناني ولهفتي

    وتسكر ابدمي . .

    وتنتشي ابغيّ الشذى . .

    وتتعزّل اعزال من اجرّك

    من جمعني وياك ؟

    من شدني . . ويه طولك . .

    طعّمك بيّه

    وصرت حلوك ومرّك

    لنها ما بالغبشه . . غبشه . . ابغير عينك

    خاف اترزبيك .. حد كطع النفس

    وازهك واضرك !

    خاف تطشر خرز ..

    وشلون المك ؟

    ومن كبل .. كل شوكه عمري من الطوارف

    حسبت مثل الوداد .. الفات ودك

    من كبل .. وآنه الورع كحل اجفوني

    وجنت اظن :

    وكت التهد بيه روحي اهدك ..

    لني كلما فززن صبري الليالي ..

    وخان وكتي

    اتوسلك .. هدوة كت خليني عندك

    اوعاذرك .. لو هدل عودك ..

    من كدر يحمل حسن مثلك وكدك ؟

    غاذرك تغلط ابحكي ..

    وتبخل ابظلك على النايم ابسدك

    عاذرك تغتاض ..

    بس من غير شاره ..

    وشارتك هالبينت

    ودخيل جدك

    عاذرك .. عن لايهم كلبك ابهمي

    وتنترس عينك دمع

    وتنترس عينك دمع

    hauhv uvhrdm

    الصور المرفقة

  2. #2

  3. #3
    عاشقة اتوك ماقدر على الفراق سيصبح مشهورا قريبا الصورة الرمزية ماقدر على الفراق
    تاريخ التسجيل
    Feb 2010
    الدولة
    في قلــEــــــــــب
    المشاركات
    442

    افتراضي رد: اشعار عراقية

    مشكوره يسلمو

+ الرد على الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

Search Engine Friendly URLs by vBSEO ©2011, Crawlability, Inc.