للاسف الشباب صارت نسبة كبيرة منهم ضايعه ... ما يفكرون في مستقبلهم ... وهمهم الاول والاخير هو اليوم وبس

وبكرة يحلها الف حلال

وهذا للاسف اصبح واقع جدا مؤلم ويرفع الضغط ...

يعني اتخيلي شاب وهو كل تفكيره في مظهره الخارجي وبس

يصحى من النوم في الليل عشان يتعشى ويلبس ويطلع للسوق .. يدور له بنت كاشخه مثله وجايه للسوق لنفس غرضه ... ويجلس يطاردها ويطارد غيرها ..

وبعدها يرجع لسريره عشان يكلمها الين الصبح ..

واذا كان عنده انترنت وهالوقت صار الانترنت ضرورة قصوى ... فهو ما يدخله الا عشان الشات ... وبرضو مطاردة البنات ...

واذا شارك في منتدى تلاقيه حاط ايميله في توقيعه !!!

بذمتكم هذه حياة ؟؟؟

اخر همه دراسته ومستقبله .. ومصيره حارس امن او محاسب في سوبرماركت ... مع ان هالوظيفتين مو عيب ابدا ... لكن العيب الي يترك كتابه عشان يتصفح جواله ...

او يجلس يحلم انه يتزوج واحده موظفة .. عشان تصرف عليه


البنت من جهه ثانية ما يفرق معاها مستقبلها كثير ... مصيرها تتزوج وزوجها يصرف عليها ...


طبعا هالشي اتغير وزادت نسبة البنات الي صاروا يهتمون في مستقبلهن ويبحثون عن وظيفة تخليهن ما يحتاجون لاحد ويعتمدون على انفسهن بشكل شبه كامل .... ( لان لسه ما سمحوا بقيادة المرأه)

للاسف هالمشكلة في تفكير الشباب بدت من الصغر .. ابوه ما صفقه كف لما شافه هايت في الشوارع لا شغله ولا مشغله ... وتركه على كيفه واستمر يدعمه ماديا ويسدد فواتير جواله الي اشتراه له في حفلة عيد ميلاده ..

هذولا نقدر نقول عنهم خكاريا ... لكن ترى هم ما يدرون انهم كذا .. بالعكس يحسون انفسهم هم الصح ... الي مو مثلهم غلط ومو عايش حياته ... لذلك يتريقون على الي مو مشبك بنت .. ويتضايقون اذا احد فتح سيرة المستقبل قدامهم .. ويفضلون الهرجه والنقاش تكون عن البنات وبس