اهنيك ملوك على موضوعك الاجتماعي الذي يلمس واقعنا بشكل كبير ..

حيث تعيش الفتياة فترة المراهقه باحلامها الورديه بايجاد فارسها الوردي ..الذي ترسم ملامحه وتخطط لحفلة زفافها الخياليه التي لن يشبهها احد بها

وعندما ياتي فارسها وتحق حلمها بطلباتها المجنونه هي واهلها ..لاتقف عند هذا الحد
بل تستمر بحب التملك والسيطره ..وتريد ان تتحقق اوامرها بكل شي ..وليس له الامر بشي قد يصل تسلطها للسيطره عليه حتى في ملبسه ..والظليمه شينه يا ملوك مو كلهن كذا بل ثلاثة ارباعهن ..

وشكرا لك لاتاحت الفرصه ..

وعلى قولتهم دمت بود ..هههههههههههههههههه

المصيبة يا بحيران ان الي مسيطرة على زوجها .. كل صديقاتها وبنات عمها يمدحونها .. ماشالله على فلانه والله زوجها ما يقدر يرفض لها طلب ..ماشالله عليها مخليته مثل الخاتم في اصباعها .. مو زي فلانه الله لا يبلانا اذا بغت شي لازم تزن عليه سنه عشان يوافق ويمكن ما يوافق اصلا .. هههههههههههه مسكينه تكسر الخاطر

وعلى قولتك مو كلهن .... عشان لا نظلمهن .... 99% بس

والله يا ملوكي الحمد لله ما احد مسيطر علي غير ابوي الله يحفظه

اما انت فاعانك الله لانك احد القمم الذي يمتلك واحده من 99%

ههههههههههههههههههههههههههه..ولا ازيدك من الشعر بيت اللي امها تشجعها وتقولها لاتسكتين له هو المحتاج وين بيقط اعياله ..هههههههههههههههههههههههه

واترك مجال للبقيه >>واتمنى ان ام نايف ما تحضر ذا الموضوع ولا بتعطيك بلوك اطال الله في عمرك وعمرها على الحب والموده وطاعة الرحمن ..

شوف انا اعدلك الموضوع واعطيك دعم ههههههههههههههههههه

الحب
وما ادراك مالحب


اي والله
كثيرون يتشدقون به
ولكن قلة من يعرف معناه الحقيقي
صادز
يرمي الشاب رقمه للفتاه او يرسله عن طريق البلوتوث.. تلك التقنية التي استغلها الشباب استغلالا ملتويا كغيرها من التقنيات
او كما وردني مؤخرا عن طريق البلاك بيري
الي انا متأكد انه ما انتشر بين يدي العامة الا لانه يسهل الترقيم .. وحاليا لا اعرف كيف ولكن سوف اسأل واكتشف قريبا
تتصل الفتاة على الشاب وتقفل الخط بسرعه حتى يرى رقمها ويكلمها
او تكلمه هي وتتدعي انه غلطت في الرقم
وكلتا الطريقتين لتعطيه المجال ليرمي عفشه عندها ويلزق فيها مثل القراد
وما هي الا ايام ويعلن حبه لها وتوهانه في عشقها
وهي كذلك
ستحس انها تحبه حبا عظيما تكاد لا تنام الليل من كثر التفكير فيه
اسمح لي هذا مو حب وبعيد كل البعد عن الحب
بنت عندها عواطف ومشاعر ما لقت من تفرغها فيه في البيت
راحت تدور هالشخص برا البنت
وولد لقى وحده يطقطق عليها ويتسلى
ونااادرااااا ما يكون جاد وتنتهي هالمكالمات بزواج
وان انتهت بزواج فمستحيل يكون زواج سعيد
لان الشك راح يتخلل حياتهم وينكد عليهم
وعلى قوله مثل ما كلمتني راح تكلم غيري
مثل ما سمعنا في كثييير من القصص
هذه الصورة من الحب هي التي يعرف المجتمع انها خاطئة وانه ليس بحب حقيقي ابدا
الا ليس حب من الاساس
وسوف تتفاجأون من كلامي الذي سأقوله الان ولكنه الحقيقه
حتى ذلك الحب ليس حقيقي... اقصد الذي بين المخطوبين
فهو ليس الا تحظيرا ومقدمات للسيطرة...
تقول لعريس الغفله احبك
وهي معجبة فيه فقط
مؤيده اقوى شي
لا لغرض الا ان تهيأه نفسيا لتقبل طلباتها وتلبية رغباتها
فكيف تحب شخصا لم تعش معه بعد
كيف تذوب في غرامه وهي لم تراه وهو صاحي من النوم
من جد اشلون؟؟؟
قصدك ان شكله وهو صاحي من النوم بشع مثلا
وهو في عيونه غسق مثلا مثلا يعني ؟
كيف تحبه وهي لم تجري خلفه تجمع ملابسه الي يرميها هنا وهناك ومستحيل يحطها في سلة الغسيل او حتى قرب الغسالة

كيف تموت فيه وهو لسه ما جاب لها ضيوف في اوقات مفاجأه وقال لها يلا ابيك تسوين لهم عشان وشاهي وقهوة ورا بعض
اسمح لي انا مو معك في هاذي ابداا
البنت لا حبت خطيبها لاحظ اقول حبته مو اعجبت فيه بس
او الزوجه اذا كانت تحب زوجها لو يطلب عيونها ما قصرت
مستعده كل يوم تطبخ وتنفخ وتجمع في هالملابس والهدوم بس عشان يرضى عليها

المخطوبين من عادتهم انهم يخفون صفاتهم الشينه ويظهرون صفاتهم الزينه
عشان يكسبون قلب الطرف الاخر
وهذا الشي مو غلط
انت اذا اعجبت في انسانه ورغبت الارتباط فيها من جد
مستحيل تقلها انك عصبي وبخيل
ومستحيل تجيب لها طاري الطبخ او اهميته عندك
وهي نفس الشي
بس المفروض ان الواحد يكون صريح من البدايه
بالعكس انت اذا قلت لها عن عيوبك في فترة الخطوبه
وجت تشتكي من اسلوبك معها بعد الزواج تقول لها
انا من البداية قايل لك محد ضربك على يدك وقال لك وافقي
عاد هي تبلع العافيه وتسكت > شفتو افكاري الشريره
اجل ليه البنت تقله انها تحبه وهي لسه ما حبته صدق؟؟؟
السبب واظح جدا
تحظير وتجهيز ما قبل السيطرة الكاملة
لا صدقني مو هذا السبب مو بس معجبه فيه
هي بتكون حبته صدق يعني المخطوبه شعور اكيد تحب خطيبها
حتى لو ما تعرف عنه الا اسمه وعمره ولمحت شكله لمحة بسيطه
بتحبه تسألني ليش اقول لك البنات كلهم عواطف واكيد هي كانت
تفكر في فارس الاحلام اللي يجيها على حصانن ابيض
فبيكون في بالها ان هاللي خاطبها هو فاارس الاحلام الملائكي وغصب تحبه

يعني بالله عليكم اش تفرق اذا الزواج كلف 500 الف او كلف 50
الف ... دام ماكو فرق ليه الشباب اغلبهم ماخذين قروض عشان الزواج؟؟
اي والله يا عمري هالشباب يجلسون يسددون في اقساط السياره
ويجمعون ويجمعون عشان المهر بس فكيف بباقي تكاليف الزواج باقي عندك السكن والمصاريف والقاعه وتكاليف العرس لحالها مصيبه وما فيه احد يقول ابرخص في مهر بنتي
لانه يظن ان هاذي اهانه له ولبته وعشان الابو يتفشخر في مهر
بنته عند الناس ويقول بنتي اندفع فيها ,,,, وعاد عسى البنت تطلع تستاهل ان كانت تستاهل تفداها بس ان كانت ما تستاهل
وش السوات ؟


هل يعني بعد سنة من الزواج .. الزوجة بتقول لنفسها : والله حرام زوجي اخذ قرض من البنك عشان يلبي طلباتي في الزواج
اجل خلاص بطبخ له كل يوم غدا
وما بزعل امه مره ثانية
واذا جا من الدوام باستقبله بابتسامه عشان زمااااااان لما كنا مخطوبين وافق يجيب طقاقة في الزواج
والا عمركم اتخيلتوا زوجة تقول في خاطرها: صدق زوجي غلط علي امس وما طلعنا نتعشى بره مع انه واعدني لكن بسامحه لانه قبل سنة وتحديدا ليلة الزواج افتكر انه وافق انه يخلي العشاء في القصر بوفيه مفتوح
اكييييييييييييييييييييييييييييييد لا
لا طبعا فيه بس نادر جدا .. اللي تفكر بعقلها تشوف ان هاذي كلها مجرد شكليات يعني وش بيضر اذا مر شهر ما تعشينا في مطعم
وش بينقص مني يد ؟ والا رجل ؟
اهم شي انا بصحتي وعافيتي وزوجي بصحته وعافيته
وراضي عني واقول الحمد لله اشوف الناس اللي اقل مني مستوى
فيه ناس ما تزوجت ناس ما عندها عيال ناس مترمله
وحريم ازواجهم يمسونهم بكف ويصبحونهم بكف
واحتسب اني على اجر في كل شي اسويه
طيب دام كل هالمبالغ الي ندفعها بتروح ملح في مويه..وكانك يابو زيد ما غزيت ... اجل ليه ندفعها
عشان نرضي المخطوبة؟؟
طيب دامه عارفين انه رضا مكلف فوق اللزوم ومو دائم فهو ليلة واحده وبس
اجل ليه ندور عليه من الاساس
الجواب الي بيجي على بالكم هو:لاننا نحب المخطوبة وما نبي نزعلها
لكن الجواب الحقيقي هو:
لان العريس تمت السيطرة عليه وتمت عملية تحويله الى خروف بشري ولله الحمد
...
اكبر مصيبه يقع فيها الشباب وفي نفس الوقت اكبر نجاح حققنه البنات هو:
انهن قدروا يربطون الحب بالطاعه
يعني قدرت تقنع خطيبها انه اذا كان يحبها صدق راح ينفذ طلباتها
وانه اذا ما اطاعها معناته ما يحبها
هاذي اسمح لي مخها مقفل
طيب واذا انا طلبت منه شي وما قدر ينفذه لي
ظروفه ما تسمح له
او حتى ما يبي يسوي لي هالشي مو على كيفي اخليه ينفذ لي كل اللي ابيه
واحمله فوق طاقته
وبعدين بتكون احلى لو جت منه هو
يعني مثلا لو جاب لها هديه هو من نفسه بدون ما تقول او تلمح
او مثلا عزمها على العشاء برضو من نفسها
طعمهااا غير > سلامات مجربه انتي
وراح تجلس طول عمرها بمجرد ما يبدي اي رفض مباشرة تقله شكلك صرت ما تحبني زي اول
وراح تبقى طول عمرها تطلب منه اثباتات مستمرة ومتكررة انه فعلا يحبها
بعبارة اخرى لازم يلبي طلباتها اكثر واكثر
انا اعرف انه يحبني من افعااله واقواله
مو من تنفيذ طلباته اللي انا اطلبها منه
لان بيجي يوم من الايام بينفذ صبره ويقول
تعـــــــــــــبت من طلبــــــاتك ويــلا لو سمــحتي على بيت اهلك
خليهم هم ينفذون طلباتك
البنت تبي طلباتها تتنفذ وخلاص بدون تنظر في تأثير سيطرتها وتعنتها على زوجها
وهذا الي يخلي الزوج يتحمل مرة ومرتين وثلاث لكن الرجل في الاخير راح ينفجر فيها
> نفس كلامي

يعطيك العافيه يا ملك
نحن الطحالب نفتقر الى وجود مثل هاذي المواضيع الجاده
في قسمنا
واسمح لي ما سويت اقتباسات
بس تعبااانه
فوق هذا عندي اختبار رياضيات
بس قلت خل ارفه عن نفسي
ودخلت وشفت هالموضوع الخونفشاري
قلت لازم ارد
عواااااااافي جميعا