.. الجزء الخامس عشر ..
.. تموا يترابعون ومستانسين وعقب ردوا وتعشوا في قصر الهند .. دخلوا كبينه ويلسوا يتريون عشاهم .. في الكبينه الي حذااهم كانوا عرب يسولفون بصوت عالي ويطنزون ع المواعين .. احمد كان يرمس ميره شويه وسكت .. ميره اطالعه تترياه يكمل .. بس احمد شكله يفكر في شي ..
ميره .. احمد .. شفيك ؟؟
احمد .. سمعي ..
ميره .. اسمع شوو ؟؟
.. احمد سكت وأشر ع الكبينة الي عدالهم .. الريال يالس يقول حق اهله شووفوا صحونهم من عصر الجاهليه .. نقعت ميره من الضحك بصوت عالي .. احمد يأشرلها ع ثمه انه وطي صووتج .. ميره حطت ايدها ع ثمها بس مارامت تسكت .. ضحك احمد عليها .. شويه ويابولهم عشاهم .. تعشوا وهم يسولفون شويه ويتسمعون الي عدالهم شويه واايد .. ردوا الفندق وسهروا ع فلم وعقب رقدوا .. طاف الاسبوع بسرعه ومبارك متحرقص عليهم من الخاطر .. الخميس العصر ساروا صوب بوظبي .. هند طول الاسبوع مب عارفه لعمرها .. بس خلاص ماتروم تسوي الشي .. زهبت هند ولبست تنورة وقميص وتعدلت تعدول بسيط .. وصلوا هل دبي وقربوبهم الرياييل .. بوراشد وام راشد في سياره .. مبارك في سياره بروحه .. وناااااقع اليابس من الخاطر .. مهير وريم في سياره .. ام مهير وابو مهير ومهير العود ووديمة في سياره .. احمد وحرمته في سياتهم .. مبارك من زود الخبال يلس يداعس احمد .. واحمد يضحك ومنزل الجامه وياشرله عن الخبال .. نزل مبارك الجامه وتم ايبس .. ميره تضحك لانها اول مره تشوف مبارك بهالخبال .. شويه واخترش عليها ريلها هي بعد .. تمت تضحك عليهم .. ميره كانت موصيه محل الورود من البارحه ع باقات الورود الي تباهن مع الالوان .. قبل لا يسيرون صوب بوظبي خطف احمد وشل الورود معاهم .. نزلوا البنات داخل والشباب صووب ميلس الرياييل .. انصدمت هند من باقات الورود الي ترست بيتهم .. استانست واااايد وحست بشي ثاااني عمرها ماحست به .. ملجوا الرياييل وطلب مبارك يشوفها وييلس وياها .. طبعا محد اعترض لانه هذا حقه .. بس الشخص الوحيد الي مبارك كان يتوقع انه يعترض هو هند .. وصح رفضت هند بس شاهين اقنعهاا .. طلب مبارك من شاهين انه يقعد معاها بروحهم .. وافق شاهين ودخلهم الصاله الداخليه .. هند يالسه وتحس روحها بتظهر من الخووف .. مبارك يمشي بسرعه ولهان ع شووفتهاا .. اخيـــرا مابغينا نملج .. دخل مبارك وسلم ويلس ..
مبارك .. شحالج هند ؟؟
هند .. الحمدلله طيبة ..
مبارك .. مبروك ..
هند .. يباركلك ..
مبارك .. شفيج ؟؟
هند .. ماشي ..
مبارك .. تدرين اني معصب عليج ؟؟
.. ماردت عليه .. ماتعرف شو تقوله لانها متفشله ومن دخل مبارك ماشلت عينها عن الدعنه .. انفج عليها مبارك وظهر كل الي في خاطره .. ارتاحت هند من اسلوب مبارك وااااايد .. قبل لايظهر مبارك سالته هند عن ذاك اليوم يوم رمسها بالتلفون .. وعن التهديد .. مبارك حذرها انها اذا ماوافقت بتشوف شو بيسويبها .. تم يضحك مبارك وقالها انه بس جيه قال .. وانه ابدا ماكان حاط شي في باله .. ضحكت هند وظهر مبارك .. عقب الملجه باسبوع سافرت هند مع شاهين عسب ترد تراجع وتسوي فحوصات .. وطبعا سفرتهم بتاخذ كم شهر .. ع اول شهر خمسة حجز احمد تذكرتين ع طيران الامارات .. دبي \ مدريد .. طااااااروا المعاريس .. هدف احمد من هالرحله غير الحواطه في ربوع اسبانيا هوو قصر الحمراا .. وداها هناك لانه في هالوقت من السنه تنترس ساحه قصر الحمراا بالوروود .. والمنظر .. غرااااااام .. وقف جدام ميره وخلاها تغمض عيونهااا .. خااز من جدامها وقالها بطلي .. انصدمت ميره من المنظر .. الارض كلها ورووود وشكلها جنان .. حاطوا ليين تكسرت ريولهم وعقبها راحوا وتغدوا في مطعم خاارجي .. كل يوم كان احمد يودي ميره مكان يديد .. وطبعا الكيمرا مافارجتها دقيقه وحده .. بس اطروا يقطعون رحلتهم ويردون الدوله عسبه خبر وصلهم انه ريم ربت .. انصدموا لانه باجيلها شهرين .. ريم يابت بنوته سمووها علياا .. مع انه البنوته كانت قااصر الا انها بخير وعافيه .. وريم بعد ماعليها شر .. مرت الايام وهند بعدها في بريطانيا ويوم عن يوم تتقدم وتتحسن اكثر .. مبارك ماوقف اتصالات يتخبر عنها .. مر الصيف بسرعه .. احمد وميره قضوا الصيف في النمساا لانه رحلتهم في اسبانيا اختربت بسبه ريم .. مروا ع المانيا في دربهم .. كانت الرحله طررر .. احمد وميره ينسجمون يوم عن يوم مع بعضهم .. ومرة كانوا يمشون فألمانيا وقفت ميرة عند محل ورود وتمت وااقفة ومتخبلة ع المنظر وطبعا صورت الورود اللي تعتبرها ميرة من الأشياء الحلوة فالحياة ..

.. هند في هالفتره بدت توقف ع ريولها .. بس شاهين ماخبر مبارك وكان يقوله تتحسن الحمدلله .. يعني يبل ريجه بكلمتين .. لأنه حب يخليها مفاجأه .. ع شهر واحد ردوا البلاد عقب ماطمنوهم الدكاتره انها تروم تكمل علاج في الدوله .. مبارك اول ماوصله اتصال من شاهين انهم في الدوله .. شل عمره وسار .. طلب مبارك انه يشوف هند ويسلم عليها .. طبعا وافق شاهين .. مبارك متوقع انه يدخل ويشوفها ع كرسيها .. بس انصدم يوم شافها واقفه ع ريولها .. تم واقف ع الباب وساكت .. يحس كل الكلام شويه .. شو يقول مبروك والا الحمدلله ع السلامه والا شوو بالضبط .. في وسط افكاره رمست هند ..
هند .. لاتفرح وايد .. بعدها مشيتيه صعبه ..
مبارك .. ماعليه .. مع الايام بتتحسنين اكثر واكثر ان شاءلله ..
.. سولف مبارك ويا هند الي من ردت وهي نفسيتها احسن بوايد .. لاحظ مبارك هالشي واستااااانس من الخاطر .. هالفتره ميره من كم يوم وهي تعبانه .. ومب عارفه شوو بلاها .. راحت عقب ماحشرها احمد الدختر .. قالتله اتريااني انا بنزل بروحي .. ترياها احمد بس هي بطت .. يت ميره عقب ماخلصت وركبت السياره ..
احمد .. ها .. شو قالولج ؟؟
ميره .. ماشي ..
احمد .. شفيج ميرووه ؟؟
ميره .. مافيه شي ..
احمد .. ليش جيه حسج مخنووق ؟؟
.. تمت ساكته ودموعها ع خدهاا .. هنيه احمد مارام يصبر اكثر .. فج غشوتها عن ويها ولفه صووبه .. انصدم من شكلها ..
احمد .. ميره خوفتيني شفيج ؟؟
ميره .. ماشي ..
احمد .. عيل ليش هالدمووع ؟؟ حرام يتقوولين ..
ميره .. يالفشله ..
احمد بعصبيه .. شفشلته ؟؟ اقولج ارمسي قسم بالله اعصابيه اتلفت ..
ميره بهمس .. انااا .. قالولي اناا .. ماعرف .. انااا ..
احمد .. ياصبر ايووووب .. انتي شووو ؟؟
ميره غطت ويها .. انا حامل ..
احمد .. ههههههههههههههههههههههههههههههههههه ههههههههههههههه ههههههههههههههههههههههههههههههه ..
.. تم احمد يضحك من الخاطر لين انسدح ع سيت السياره .. ميره متفشله ومغطيه ويها بايديهاا وهي تصيح من الخاطر .. يوم سمع انه صياحهاا زااد سكت ..
احمد .. خلاص ميره .. اذكري ربج شفيج ؟؟
ميره .. مابا ..
احمد .. هههههههههههههههه شو ماتبين ؟؟
ميره .. ماتخيل لا مش حلوو مش حلووو ..
احمد .. شو هو الي مش حلووو ؟؟ ههههههههههههههههههه ..
ميره .. يالفشله .. قسم بالله اني متقفطه ..
.. تم احمد يهديها ويرمسها لين سكتت .. بس تمت سااكته وماترمس .. احمد يوم طفر منها لف ع الدوااار اربع مرات لين لاعت جبدهاا وهوو يضحك عليها .. طووول ع المسجل ويلس ايبس من الخاطر .. لانه في هالدقيقه فرحته مايساويها شي ..

. كان الجوو طرر .. الدنيا مغيمة والمهب بارده .. من بعيد ينسمع صوت السوالف والضحك .. الحريم في صوب والرياييل في صووب .. العيال يلعبون بعيد ..
احمد .. سعووووووووود .. تعال لا اعطيك بكس شمالي عينك ..
ميره هداده .. هاه هاه .. ان شالله شناوي ع ولديه .. مايخصك فيه ..
احمد .. نعم .. والله ولدج ولديه .. صدق انج حركات ..
ميره .. عيل صك الدعنة ولاتنازعه جدام العيال ..
.. من الصوب الثاني ريم يالسه ترقد ولدها سهيل .. ووديمة اتفلس عليها ..
وديمة .. كيف ترقدين عيالج في الحشره .. المفروض الجوو يكون مناسب للرقاد ..
ريم .. اقول جب انتي وخلج في بنيانج ومساميرج ابركلج ..
وديمة .. يالعنز يالي ماتفهمين .. انا بس اصمم مب ابني شوو قالولج خااان ؟؟
مبارك .. اقول ممكن تصخن شويه ؟؟ محد يروم يركز عندكن ..
ريم .. يعني ظاقتبك الوسيعه احينه مالقيت بقعه انته وجرايدك غير عنديه ؟؟
مبارك .. والله انا مب يالس عندج .. انا يلست وين لقيت حصير مفرووش ..
هند .. مبارك تلفووونك يصيح ..
مبارك .. والله مادري وين فريته ..
هند .. في السياره .. بقوم اييبلك اياه ..
مبارك نش .. لا والله ماتنشين .. انا بييبه ..
.. ابتسمت هند الي من خذت مبارك وهي مرتاحه لااااخر درجه معاه .. عيال راشد كانوا شالين الدراجات ورايحين بعيد بقياده مهير .. الشواب يالسين صووب السيايير ويتقهويوون ..
احمد بصوت عالي .. منو خاطره اقطعبه في العراقيب ؟؟
ميره .. اناااااااا .. ودوووم يالله ..
وديمة .. حشااا عليه اركب ويا ريلج هالخريش ..
احمد .. انااا خريش ؟؟ اقول عن الهذرة ويالله عزمي ويانا ..
وديمة .. مابا حشااا عليه .. بويه سيروا استانسوا .. بس عيالكم يبونكم ..
ميره .. يالله ودوووم عزمي .. عنبوووه الي مايعزم ..
وديمة .. مابا غصب هووو ؟؟
احمد .. عيل حرام يتقووومين .. يالله اركبي ..
.. شل احمد فتك مبارك وساروا صوب العراقيب .. احمد بعده مايستغنى عن الثلجي .. بس لانه وديمة وياهم شل موتر مبارك ..

.. طلبت ميره اغنيه حق الربشه .. شغللها احمد الهبوب الناسمه ونقع اليااابس ..

.. احمد يسوق قير واحد ووديمة تصارخ من قمه رااسهااا .. ميره تضحك ومستااانسه ..
وديمة .. يالدب لاااتسرع .. ياويييييييييليييييي ..
ميره .. ههههههههههههههههههههههه والله انه ربشه .. بطلي دريشتج واقعدي شراتي ع الدريشه وتقبظي فوووق ..
وديمه .. قالولج عني مينووونه شراتج ؟؟ لا بوووويه ورايه جاامعه وتخرج انتي كيفج مايخصني فيج ..
احمد .. شرايكم نيره قير ثلاثه ؟؟
ميره .. غااااااااااايته .. هههههههههههههههههه ..
احمد .. ماااطلبتي .. ههههههههههههه ..
وديمة .. لاااااااااااااااااا .. انا شوو الي ركبني عندكم .. صدق انه وراء كل رجل خريــــــــش حرمه مخرووووشه مثله..
.. احمد وميره لابسينها من الخاطر وناقعين من الضحك .. خطف احمد صوووب مهير وسايرله ..
احمد .. مهيــــر .. تعال شل اختك لايوقف قلبها علينااا ..
مهير .. حوووووه ختيه وراها تخرج .. نزلوووهاااا ..
ميره .. ذليتنا انته وختك وتخرجهاااا ..
مهير .. محد غيرها هندسه .. عبالج ع سواد عيونها احاتيها ااا ههههههههههههههههه ..
وديمة .. مهير يالدب .. ماعليه ..
مهير .. نزلي تعالي بوصلج صووب السيايير ..
.. نزلت وديمه وهي تسوي حركات حق احمد وميره .. ركبت ويا مهير الدراجه .. بس مهير ماوصلها صوب السيايير الا عقب مالوعلها جبدهااا .. ساروا ميره واحمد يكملوون حواطه .. بس هالمره قير ثلااااااثه .. شويه ووقف احمد ع رااس عرقووب ونزل ..
احمد .. تعالي تعالي شووفي محلات البقعه من هنيه ..

.. نزلت ميره وسارتله .. عقب يلسوا يسوولفوون .. شويه وردواا بس الي كان يسوق مب احمد .. ميره .. احمد يبدل القير وهي تحرك السكان بس .. اول ماشافهم مبارك ودر اليلسه ونش ..
مبارك بصريخ .. حوووووووووووووه شعليك يبويه مب دافع اقصادهااا ..
احمد .. ههههههههههههههههه فااااااااتك .. ماشفتها وهي تنتعبه تنتيع ..
مبارك .. بعد ؟؟ ماشالله مستانس .. هااه ميرووه شرايج في الفتك ؟؟
ميره .. الصراحه ماعليه كلام .. احمد شرايك تاخذ فتك ؟؟
احمد .. اقول انزلي انزلي ..
مبارك .. لاو الله... انزل انته وحرمتك .. دمرتوولي مووتريه .. صدق انكم دماار ..
.. زقرت هند ميره تقولها انه هنووده الصغيره تصيح .. سارتلها ميره وشلتها ..
مهير .. احمد ياخي سولنااا جاهي راسي مصدع ..
احمد .. ان شالله .. ماطلبت يابو سهيل ..
مهير .. عنبووه مب حس عليج .. اذني انطرت من حسج .. الله يعينك يالشاهين ..
وديمة .. محد قالك انزين ؟؟
مهير .. انا تيس .. حد يشل اشكالج العراقيب ؟؟
.. عقب الغدى تولفوا الشباب في بقعه والحريم في بقه ثاانيه .. شويه صخن الحريم لانهن سمعن صووت حد يشل ..

.. شاهين وصل عقب الغدى ومحد شافه .. شاهين يشل والبنات ميتات ع حسه .. خصوصاا وديمه .. واحمد يرد وراه ومبارك محتشر عليه مب مخلنه يكمل .. عقبها سار احمد وانسدح شويه يريح في الموتر .. انسدحوا الشوااب والحريم يلسن في صووب يسوولفن .. ميره وهند وريم ووديمة بعد سارن صوب العراقيب ويا عيالهن .. يوم اذن العصر ردت ميره توعي احمد حق الصلاه .. شلت دبه مااي باارده وغسلت ايديهااا .. ظهرت عطر Maxmara وعطرت ايديهااا .. سارت عنده السياره وبطلت الباب وحاولت ماتظهر صووت .. بس احمد كان تقريبا وااعي .. لانه العيال حاشرين خاري بالدراجات .. قربت ميره وحطت ايدها ع ويه احمد ومررتها صووب خشمه .. ير احمد نصخه بقووه عسب يشم الريحه اكثر .. بطل عيونه شوي شوي وشااف ميره جدامه ..
ميره بابتسامه .. مسااا الورد ودهن العوود والكاادي ..
احمد .. مسااا الغرااام والمحبه يااا احلى ميره .. شووو هالمسااا الحلوووو ؟؟
ميره .. هههههههه شوو تباني اقوول عقب كلامك الحلووو ؟؟
احمد .. اممممممم .. قووولي احبك ..
ميره .. احبك ..
احمد .. مره ثاانيه ..
ميره .. احبــــك ..
احمد .. بعد مره ..
ميره .. احبـــــــــــــــك ..
احمد .. اخر اخر مره ..
ميره .. اموووووووووووت فيك ..
احمد ذاااااااااب .. يااااااااااااويلي ..
.. صخ احمد ..
ميره .. احمد شفيك ؟؟
احمد سااكت ..
ميره .. احمد شفيك صاااخ ؟؟
احمد يغني .. تدري اني موووت احبك .. وانه ماالي غير حبك .. والي ينبض في ضلووعي .. ماهوو قلبي هذاا قلبك ..
ميره .. احمد نحن مب برووحنااا .. بيسمعووونك ..
احمد .. تدري يااافرحي وهمي .. من كثر مانته في دمي .. كل ماتنظرك عيني .. عيني من عيني تسمي ..
سعووود .. ماماااااه .. ابااا ماااي ..
احمد .. اوووووف يالله من هالفيل .. وقتك انته بعد ؟؟
ميره .. اذكر ربك عن تاكل الصبي ..
احمد .. لا اله الا الله محمد رسوول الله .. بس بعد مايصير .. مالقى يعطش غير احينه ؟؟ خرب علينا ..
ميره .. ههههههههههههههههههه مب صاااحي ..
احمد .. كيفي .. والله حاله ..
ميره .. احمد انته شاارب شي ؟؟ قسم بالله مسطل ..
احمد .. هيه شاارب .. شارب هوااااااج .. ميروووه يالدبه .. والله العظيم اعشقــــج ..
ميره .. فديت خشمك هالسليل ياربي ..
احمد .. قولي احبك بعد مره .. اشتقتلها من ثمج ..
ميره .. اقووووول ..
احمد .. عووونج .. يالبيه ..
ميره .. عن الهذره الزاايده .. مابتنفعك غير صلاتك ..
احمد .. ان شالله .. ان شالله ماماتي ..
.. شلت ميره ولدهاا تسقيه واحمد نش يصلي .. في هالثلاث سنين .. ميره واحمد الله رزقهم سعيد وهند .. ريم ومهير يابوا سهيل .. وديمة خطبتها هند حق اخوها شاهين الي تخرج بدرجه جيد جدا .. هند ومبارك عرسوا السنه الي طافت عقب ماوقفت هند ع ريوولها .. وكان عرسهم وايد حلوو .. عقب ماردوا من الرحله فليل ع الساعه 12 .. دخلت ميره الحجره وهي شاله هنوده الي رقدت عليهم في الدرب .. احمد كان يبركن وبعد شل سعيد الي رقد فالسيارة ع يده .. دخلت ميره الحجره وحطت هنووده في سريرهااا ودخلت الحمام .. يوم طلعت حصلت سعيد ولدهاا في سريره بس احمد محد .. فجت شعرهااا وتعطرت وظهرت تشووفه في الصاله الي برا .. ماحصلته بس حصلت علبه كبيره ع الطاوله .. وفوقها بطاقه مب مكتوب فيها غير جمله وحده بس ..
عَلى عَشًيرِ بالوٌفاِ قِدٌ وعًدتُه .. لوشِبُت أحبًه مِثلُ فِتُنٍة شِبابٍي
.. وقفت ميره وهي تقرا بيت هالقصيده اميه مره .. دخل احمد وتم واقف ع الباب وهوو يطالعهاا ومبتسم ابتسامه غيــــــــــر .. وعيونه تقوول .. بتم ع وعديه لج طوول العمر ..
.. النهاية ..

.•:*¨`*:•. عَلى عَشًيرِ بالوٌفاِ قِدٌ وعًدتُه .. لوشِبُت أحبًه مِثلُ فِتُنٍة شِبابٍي.•:*¨`*:•.