هي الحلوه دي تبقى بلادي
يا ما عشت أحلم بيها كتير
حلمي اتحقق هنا ياولادي
حلمي اتحقق في التحرير
ميدان الشهدا ولاد أجدادي
بفخربيهم والله كتير

كل نقطه في دم شهيد
بتجمعنا الإيد في الإيد
نبني ونعمل عهد جديد
ولا فيه عافيه ولا تهديد

عهد محبه وخير وسلام
هنعيش فيه كلنا في وئام
ولا فيه انت هاتدفع كام
علشان تنعم بالتأييد

قومي يا مصر وشدي الطرحه
اليوم يومك يا مصر بلادي
ثورة شبابك جابت الفرحه
ثورة جيل النت ولادي
يا ما قالوا عنهم عيال مش فالحه
ياما قالو بتوع مامي ودادي
بس ولادنا الله ينصرهم
كانوا شباب بالثوره ينادي
رفضوا المطاطيه وقامو بيها
في التحرير يحميهم الهادي

أهديها لشباب ميدان التحرير اللذين فعلوا ما لم يفعله جيلنا
وأدع الله أن ينصرهم ويثبت أقدامهم