الخيانه محمد جار الله السهلي

السلام عليكم ورحمة الله وبركاته.,


قصيدهـ من قصائد محمد جار الله السهلي.,


عجبتني وإن شاء الله تنال اعجاابكم.,!




{الخيآآنه..!




من بعـد مـا كنـت احسبنّـي نسيتـك



مدري اشجابك على البال وذكرتـك ؟؟





ولا وعيـت إلاّ وانـا قـدّام بيتـك !!



ماتقول انّـي قبـل مـدة هجرتـك ؟!





ذا مكاني .. لاغفـى الليـل وسريتـك



شف ّ كم لي .. ما سريت ولا سهرتك ؟





وذا مكانـك .. لا تضايقـت وجفيتـك



وشف ّ كم لك .. ماترجّيت وعذرتـك ؟





وذا مكـان قلوبنـا .. لحظـة هويتـك



فيه عمـري اختصرتـه واختصرتـك





واقف .. وكنّي مـن احزانـي بنيتـك



(جسر) .. مابين الزمانين وعبرتـك !!





آتذكّـر .. وش خذيـت ووش عطيتـك



يوم كنـت انقـاض وبحبـي عمرتـك





وآتذكّـر .. ساعـة انهـوك وبديـتـك



كيف بجروحي عن جروحي سترتك !!





وكيف بعت احلام عمـري واشتريتـك



وكيف كنت اشنع هزيمـة وانتصرتـك





وكيف كنت الملح ..لكنـي رويتـك !!



وكيف كنت الزيف .. لكني ذخرتـك !!





ادري اني جـد ّ.. مـن قلبـي بغيتـك



وادري انّي رغم كـل هـذا خسرتـك





انتظرتك .. ( عمر ) حتى اني لقيتـك



والقهر مدري على ويش .. انتظرتك !!





كنت احبك .. كنـت !! لكنـي سليتـك



ومـا بقـى سلمتـه الريـح ونثرتـك





وانـت لاا تزعـل اليـا منـي رثيتـك



بعد مـا خنـت وتوفيـت وقبرتـك !!





والله انـي .. لاحزنـت ولا بكيـتـك



مثـل مـا عمّرتـك بقلبـي دمـرتـك





بس تدري ليش عقب غيـاب جيتـك ؟



واهتدت رجلي على بيتـك وزرتـك؟؟





بشكرك .. على آخر طعونـك فديتـك



ليلة فراقك .. نسيت !! وما شكرتك !!

---

hgodhki lpl] [hv hggi hgsigd

قصيده جميله
مشكووووووووور على الطرح

يعطيك العافيه

وانـت لاا تزعـل اليـا منـي رثيتـك
بعد مـا خنـت وتوفيـت وقبرتـك !!
والله انـي .. لاحزنـت ولا بكيـتـك
مثـل مـا عمّرتـك بقلبـي دمـرتـك

رآئـــــعه
ابيآت رآقت لي أهنيك ع ذووقك المميز
صح لسااانك ولسااان شااااعرها...
يعطيك العافيه ع النقل والاختيار الموفق...
اخوي
دمت بخير وسعاده