لعيووووووون ساره...... ( سارتي ) ؟؟؟

---
---

لعيون ساره كتبت احلى المواويل

وغنيتها فدوة(ن)لعيـون سـاره

عيونها كنهـا مهـدودة الحيـل

مايناسب لوصفها الا هالعبـاره

نعسانة(ن)دوبها ماهوب بالحيـل

تسرق من النوم لكن في شطاره

اي والله اني حسدت الكحل والميل

لمصافح اهدابهـا تاره..وتـاره

تبعث من عيونها لقلبي مراسيل

لين انها احتلت القلـب بجـداره

غدى لها قلبي اوطان ومداهيـل

الحالهـا مالهـا ضره..وجـاره

الله عطاها الجمال بدون تجميـل

من كل زين الله اعطاها اخيـاره

نهارها اجمل نهار وليلهـا ليـل

ليا تفـرق سـواده عـن نهـاره

ماتحصي اوصافها كثر الاقاويـل

لكن قل الحـر تكفيـه الاشـاره

في داخلي للغلا حفـل وقناديـل

وناس(ن)تعانق بعضها في حراره

ألذ مابالهوى عنـاد المواصيـل

والركض بين الحلاوه..والمراره

كل التعب..لو منه ماجا محاصيل

لخاطر عيونها ماهـو خسـاره

---

gud,,,,,,,k shvi>>>>>> ( shvjd ) ???

يسلمووو روووعه
تقبل مروري

الــحــب قصيده روعه يعطيك الف عافيه
صح لسانك والله يخلي لك ســــاره
تقبل مروري:
حايليه

الروعة مروركم الذي شرفني كثيرا
تحياتي لكم