انا ليا شفت لـي جاهـل تجاهلتـه
ماني بألد النظر في هرج مقـرودي
اللـي يدربـي كلامـه ماتسمعتـه
هرجٍ يهز الجبال الشمّـخ السـودي
ولاصار وقت الفعل قفّـى ولاشفتـه
راحت علوم الخبل سهودي ومهودي
يغّتـر بنفسيتـه لاصـار شاتلتـه
قام يتراولـه انـه راقـي سنـودي
مانـي بأهابـه ليامنـي تجنبـتـه
خوفي من العيب واخشى كل منقودي
العاقل امره يفكـر ويـش عاقبتـه
من كل جانب ويعرف كل مـردودي
لو كل هرجٍ سمعتـه قمـت عقبتـه
راحت مشاكل زماني مالها حـدودي
وياذيب خذ لك صوت مني ليا جبته
يكفيك عن رد الحكي بكل الـردودي