قصايدي في غيابك ماتسليني

الدمعه اللي تكابر في طرف عيني ..
يردها الموق بس الجفن حدرها ..

سمعت صوتك مع العالم يناديني ..
وازريت لا ردها بالعين واسترها ..

وصديت ما ودي أن الناس توحيني ..
مثلي يموت ودموعه صعب ينثرها ..

ويخنقني البوح بس القلب يعصيني ..
ويبقا بوسط الصدور وفي خواطرها ..

والحزن لوني خفيته واضح فيني ..
ورد على القلب والفرحات صدرها ..

والبسمه اللي تبيني بس تخطيني ..
متى على الله يجيبها يوم واظهرها ..

ألآحي الورق مدري هي تلاحيني ..
أون وتسجع و وناتي تكررها ..

لبيه ياذكرياتي وأجمل سنيني ..
ويا قصتن عايشه لو مات آخرها ..

وين أنت ياول غرامي يا معنيني ..
وين أنت يا أغلا ذنوب القلب واطهرها ..

أصحا وطيفك معا زولي يباريني ..
وارقد وأشوفك مع أحلامي تباشرها

مدري تناسا غصب أو أنت ناسيني ..
ومدري عهودك وش اللي صدق غيرها ..

واليوم وينك بهالدنيا وأنا ويني ..
طالت ليال الفراق بعين ساهرها ..

كم قلت توبه ترا ما عاد تعنيني ..
أن جات للنفس نفسي يمكن أقدرها ..

واليا اظلم الوقت هوجاسي يسريني ..
ويضيق صدري وكل ايامك أذكرها ..

وتبيني انسا وأنا ما عاد يمديني ..
لو شفت حالي قسم بالله تعذرها ..

أصبر الحال في قولة بياتيني ..
وأنا ادري أني اببطي لو أصبرها ..

وقصايدي في غيابك ماتسليني ..
لو تطرب الناس تشكي جرح شاعرها ..

والنفس تشكي زمانن صدق مشقيني ..
حتى أنت يا أغلا البشر تبعد وتحقرها ..

والدمعه اللي من شوي تواسيني ..
اللي من اخر لقا بالله خابرها ..

شفها تكابر وترجف في طرف عيني ..
ولاني عقب صوتك يالغالي ذاخرها ..</u>

---

rwhd]d td ydhf; lhjsgdkd

اختي عذبه الصفات
اهنييييييييييك على حسن ما طرحتي
كلمات ولا اروع
تقبلي مروري وخالص ودي