نويت تغيب وتنساني

نويت تغيب وتنساني
تتركني مع احزاني
بعد ما كنت انا الاول
اصير بقلبك الثاني


وانا من قلبي حبيتك
وعلى هالناس بديتك
تجازيني بجفا ونكران
وانا بأخلاص جازيتك


حسبتك عون لي واسناد
ولا تمشي ابد بعناد
وانا جيتك بكل طيبي
وفيك الطيب لا ما فاد


جرحني قلبك الظالم
ومنه ماني بسالم
يا كثر اجروحي من ظلمك
وربي وحده العالم


قوا قلبك تخليني
وتنسى ماضي اسنيني
وانا ماكنت اظن بيوم
في هجرك تجازيني


ومن هاليوم ابي انساك
وبنسى كل شي وياك
مدامه في احد غيري
في قلبك بمحي كل ذكراك

---

k,dj jydf ,jkshkd