عزيزه يالعيون اللي حضنتي دمعـة الرجّـال !!!

على الله يازمن بشكي جروحي والليالي طـوال

عسى راعي العنا ينسى عناه وينشرح صـدره

على الله يازمن بشكي همومي و الهموم جبـال

تعدّت عاصمة حزنـي حـدود العالـم بأسـره

خساره يالسنين اللي كتبتـي سيـرة الرحـال

فرحت أمس وحزنت اليوم بس الخوف من بكره

لساني كم شكى صمته والى منّه حكـى ماقـال

طغى طبع السكوت بسيرة المحروم من صغـره

سقى الله يوم كنت اضحك وبالي مستريح البال

ضحوكٍ ماعرفت الحزن وش معناه وش قـدره

وكبرت وكبرت أحلامي وصارت قصة الترحـال

أماني في مهب الريـح وحلـمٍ ماكتمـل بـدره

بعذر اللي مع أيامه جلس يبكي علـى الاطـلال

تذكر ماضـي أفراحـه اليـن خنقتـه العبـره

عزيزه يالعيون اللي حضنتـي دمعـة الرجّـال

حبستي دمعته بين المحاجر يوم ضـاع امـره

عزيزه يالحروف اللي سكتـي والكـلام يقـال

حكيتي.. ماشكيتي الهمّ وهـمّ القلـب ياكبـره

عزيزه ياليدين اللي ثنيتـك باصعـب الاحـوال

اكفّك ساعة الحاجـه وامـدّك ساعـة القـدره

وعزيز النفس لو يصبر على صبر الليالي نـال

ابصبر والرجل يصبر ومقياس الرجـل صبـره

انا منهو حمل همّه على راسـه تقـول عقـال

مجاديف الزمن دارت عليـه ونَسّـف الغتـره

وانا منهو فقد صوته وبعض الصوت به مازال

دعيـت الله يفرّجهـا علـيّ وبحَّـت النبـره

أشيل الحمل عن غيري وحملي صار ما ينشال

كما الشيخ الهزيل اللي مشيبه منقـضٍ ظهـره

جروحي مزنةٍ منها هطل فيض الشعـر همّـال

سقت جدب العروق اللي تبلـل ريقهـا قطـره

وعن حر الزمن صارت حروفي للجروح ظـلال

تذرّت عن هبوب الياس حلمٍ قد بنـى قصـره

عساها للمطر روحٍ بهـا وادي الظمـا ماسـال

عروق سنينها جفّت وورّاهـا الزمـن غـدره

عساها للمطر روحٍ قضـى مرباعهـا ماطـال

كساها ثوبها الاصفر .. وكانت تلبس الخضـره

على الله ينجلي وقتٍ قضيتـه هـمٍ و غربـال

ويشعّ النور في قلبٍ غشى ليل الظَلَـم فجـره

على الله والولي الله وبأمر الله يزيـن الحـال

ويضحك للزمن قلبٍ مع همومه قضـى عمـره

---

u.d.i dhgud,k hggd pqkjd ]luJm hgv[~Jhg !!!

على الله ينجلي وقتٍ قضيتـه هـمٍ و غربـال



ويشعّ النور في قلبٍ غشى ليل الظَلَـم فجـره
سلمت اناملك على الطرح يالغلا
قصيده في غاية الابداع
تقبل مروري

مشكووور اخوي الوتر العازف
على المروور العطر
اسعدني مرورك يا الغالي

بعذر اللي مع أيامه جلس يبكي علـى الاطـلال



تذكر ماضـي أفراحـه اليـن خنقتـه العبـره


تسلم يمينك أخوي وقيان ،،
أهنيك من كل قلبي على الابداع الي سطرته ،،
دائمـــاً متميــــز في طرحك يالغلا ""