خيانة اللبوة مع القطو......(فضيحة)

بلا كان يا ما كان ولا حتى اخواتها.
كنت مربي لبوة (ايام العز) من يوم هي صغيرة وكنت مسميها (صعوة) .
مع مرور الايام كبرت صعوة الى ان اصبح لديها شنبات و اصبحت متوحشة وصارت تهايط و اصبح براسها حبن ما ينطحن وعرفت انه بيمسح وجهي بالارض. ذلك الحين قررت ان اطلق سراحها في الغابة (غابة الامازون).
فذهبت الى هناك ولم تكن بعيدة ذلك البعد وتركتها هناك وعدت الى منزلي.
ومرت الايام والشهور الى ان جائني اتصال. الرقم جايني من غابة الامازون .فرديت وقلت: الو الو الووو. فرد وقال: الو .وبدون اي سبب .قلت: بابا فين. واذا بالخط يقفل بوجهي .
فانتظرت قليلا واذا برسالة قدمت الي ففتحتها. فطلعت الرسالة (كول مي) اناظر للرقم ولا هو نفس الرقم (الله لا يوفق من اخترع الكول مي) فاتصلت بالرقم فرد قائلا انتي مكموخ فقلت وصلت امر فقال ما يامر أليكي أدو لا بس هازا لبوة حق انتي سويه وتموت ..المهم فهمت منه انها كتبت وصية لي ولازم اروح اشوفها ...
اخذت العنوان منه لميت عفشي وحملت في الموتر ( <<<<<سيكل ابو ثلاث كفرات مركب انتل عشان الإف إم) ودزيت يم الغابة وصلت هناك وعشان الطرق غير ممهده صفطت الموتر ( <<<السيكل) ودقيتها كعابي جهة الغابة دخلت الغابة وكانت اقوى ازعاج. وانا ماشي بالغابة مريت على شلة قرود مشغلين عزازي. كملت المشي واصادف اربعة تماسيح يلعبون بلوت وحولهم تماسيح صغار جالسين يلعبون اونو. المهم كملت طريقي وشوي واسمع خرفشة حولي وصوت مخيف . وفي لمح البصر الا وذاك النمر الاعور طب علي بقطت(قمطت العافيةاو انخرشت) معي كنت احسبه حكومه (لا تسالوني ليش<<<<مضيع جوازه) قال لي وبصوت جهوري : الاخ ماوكلي ( <<<<<طلع شريخان) قلت له وهي مبقطة معي: للللا ..فرد : اوه معليش كنت مشبه.قلت : عن الغلط . فرد: وش يعني بتسوي تدغدغني الى ان اموت هيا انقلع من عند خشتي لاتوطا في بطنك هانقلع ولا يكثر . اخذتها براسي وانقلعت وكملت طريقي الى العنوان الي معطيني ابو هننود .
وانا بالطريق مريت بشجرة عملاقة غصونها كثيفة كانت تحجب عني ضوء الشمس لكن كان بتلك الشجرة شي غريب فاقتربت منها لادقق النظر فتفاجئت اني اعرفها..او ماي قاد. هذه عايشة الكيلاني بشحمها وخشمها وكعشتها يا للهول. فسالتها :وش جابك هنا بالغابة. فردت : لا بس ادور على خدامتنا شردت من البيت الصبح .
المهم كملت طريقي واخيرا وصلت المكان فوجدت صعوه منسدحة على الفراش تحتضر اقتربت منها وقلت :عسى ما شر . فردت : لا بس شوية زكمه وتروح . فقلت وانا ماتش : ساحبتني على وجهي الى هنا وفي الاخير زكمه لابوش لابو من رباش .
واخرج من جيبي مسدس الموية واطلق الماء عليها .
فقالت : بالله عليك انت من جدك ولا تمزح هذا ولدي ابيك تاخذه وتربيه معك وتنتبه عليه .
اناظر على الولد والا هو صغير البنية بالنسبة لشبل .
قلت لها : وش ذا شبل ولا قطو.
قالت :قطو لا تسال كيف حصلت السالفة ايام الدشره خذه ولا يكثر .
قلت : ابشري وانا كم عندي صعوه ( <<<<123456 جالس يعدهن) اخذه وامري لله.
توادعت منها وقلت لها :انشا الله تقومين بالسلامة وهي شدة وبتزول وتكبرين وتاكلين غيرها .
فقالت :تراها زكمه ولا يكثر .
اخذت القطو واخذت موتري وسريتها للبيت وقضيت معه اوقات ممتعة..........



واسف على الاطالة ..............

---

odhkm hggf,m lu hgr',>>>>>>(tqdpm)

تدري انت مثل واحد يقول انقطعت علي السيارة وانا بلخط وانا اخذ حجرة وانا اصوب على تانكي الطيارة واخذت جك واعبي فية بنزين من تانكي الطيارة وانا اكمل خطي هههههههههههههه
شكرا على القصة المنسمة (لاتفهم غلط)هههههههههههه
تقبل مروري

ههههههههههههههه
ترآآ أحس أني ضيعت مشي حالك
وإذا على الخدامة شردت<~ خليها تذلف باللي مايحفظها
ياهوو أنا حاقده عليها حقد ناقه
ههه إإممماا مسدس مويه أووخص يااقوووي<~أهنيك على شجاعتك

وأخيرن وليس أخرن أشكرك على القصه التي إستمتعتو بها كثيرن
والتي أمثل بها دور البطولة<~لوسمحت تدفع 5مليون يورو للمشهد المتواضع
إحمد ربك مو أكثر .,

وطلب أخير ممكن تصور القطو لحاله ودي الطش الصورة

ههههههههههههههههههههه حرام عليك فضحت القطو شلون يعتز بنفسه بعد ما عرف اصله << يؤيؤ
هههههههههههههههههـ دمت مصرقعا
احسآس