لاصرت عندي من اللي بحسب إحسابه !

-


مدخل :

ليه الحزن هذي سنيني سنينك
إن رقت تحكي لي وان ضقت تشكي

مافيه داعي تنزل دموع عينك !
اللي تبيه يصير من غير تبكي






/






قم يا ورق بنثر جروحي على سطرك
القلب ماعادو أحبابه .. هم احبابه


ياليت ربي عطاني شي من صبرك
كم جرح في خافقي مدري وش اسبابه


إلا انت ياللي كسرني الموج في بحرك
لاصرت عندي .. من اللي بحسب حسابه ؟


تكبر ولا يكبر إلا اسمك وقدرك
ماغير .. نظرة عيونك شي اسلى به


البرد مايعرف إلا صوتك وعطرك
لامر طيفك .. من اللي يمسك اعصابه ؟


راس الاماني حداه الوقت عن صدرك
والشوق جابه وغير الشوق ماجابه


ما امسح إلا دموعي من ورا ظهرك
شاعرك ماعاد ياسع صوته اعتابه


انا احبك .. ولاني قابلٍ عذرك !
لو كان صدري يفك من التعب بابه


الجرح ينشد عن ايدينك وينتظرك
شف وش كثر كانت الايام تتشابه





/





مخرج :

ماعندي الا بيت لا جيت اغني
يجر ضيقٍ داخل الصدر مكبوت !

خايف كثيييير إنك تروحين مني
خوفٍ يشابه خوف عاصي من الموت !






للـ عذب ( سعود العلي )

---

ghwvj uk]d lk hggd fpsf Ypshfi !

قم ياورق بنثر جروحي على سطرك
القلب ماعادوا آحبابه ..هم أحبابه

*****

ياليت ربي عطاني شيء من صبرك
كم جرح في خافقي مدري وش اسبابه


صراحه ابيات روعه بروعه قلم من كتبها راقت لي هذه

يسلمووو نزف على الموضوع الرائع ربي يعطيك العافيه وسلمت اناملك

تقبل مروري

الجرح ينشد عن ايدينك وينتظرك
شف وش كثر كانت الايام تتشابه

رائعه .. لاهنت اخوي .

نزف شاعر
مبدع كا العاده وبكل الوجوه ...
ذو ذائقه رائعه تمتعنا كا عادتها ...
طرح جميل وذائقه اجمل
...
واحاسيس لا تنقطع ولا تنتهي
سلمت يمناك
لا تحرمنا جديدك
تقبل مروري
..
أختك
انثى امتلئت بالحنين