السلام عليكم ورحمة الله وبركاته

اليوم حبيت انزل لكم قصه قصيره مو من تاليفي لكن من تاليف صديقة اختي وانا استاذنتها اني انزلها لكم


عٍَطْنٍَيَ قٍَـلَمٍْ بٍَكْتٍِبْ عٍَلىٍَ اٍٍّلقٍَلْبٌٍ نٍَآسٍِيْكٍَ ..

~*( للكآتبه: حمآمة رآعبي..

عايله بو مطر :
مطر 26 عصبي .. دويخ درجه اولى .. ما يحب حد يغصبه على شي ما يباه ..
راشد : 23 خريشه دومه ويا ولد عمه حمدان .. محد يسلم من مقالبهم ..
العاش : 21 حبوبه.. مالجه على ولد عمها سعيد ..
سلامه : 19 اصغر وحده .. ملسونه .. وما تسكت عن حقها ؛)
/
بوسعيد :
سعيد 27 يبدي اهله على عمره .. شال مسؤوليتهم عقب وفاة ابوه ..
حصه : 25 كتومه .. عزيزة نفس ..
خفيه : 21 طيبه .. تعز اخوها سعيد وايد .. وتعتبره شرات ابوها ..
حمدان : 23 دفششش .. راعي مقالب .. طبجة راشد ؛)
حارب : 20 هادي ومايخصه في حد..
[ صوت السشوآر شآل البقعه ]
[1] : يعللللللج البركة قولي آمييييين
[2] : آميييييين ههههههه
[1] : الحينه شقآيل بطلعله
[2] : وانتي لآزم اطلعليه قصتج بعد ..رفعيييهآ
[1] : شو بعد حرآآم ..هذآ ريلي
[2] : ترآه صدعه هالريل ..كل يومين عفد بيتنآ
[1] : جب انتي ما يخصج
[2] : هيييه بس شآطره اتقوليلي عدليني سشوريلي أمري البشكآره ما ادري شو اتسوي
[1] : أهوون علييج يعني .. انا اختج اللي بخلييج رويحآآتج
[2] : خبببري عمرج ..وإلا حد يخللينيي روحي فالبيت عند هالوحووش اسسم الله
[1] : خلاص إن شآء الله تعرسين بسرعه ههههه
[2] : لا انا قررت اسكن عندكم
[1] نعم نعم نعآآآآآم .. ما سمعت ..يالله منآآك
[ الموبآيل يدق ]
[1] : يآ يآ ..يآ وييييلي ..شكليه حللللو
[2] : ذللفي عند هالحششره متى بتعرسين وبتفكييينآ ..حتى فارمضآآن ايي ..حشآآ ما يخليينآ انصللي الترآويييح عرآآحتنا
[1] : كلمة وحده زيآدة وبصفعج
[2] : جربي وبتشوفين هههههه
/
[ في مكآن آخر ]
[1] : ارمضآآن ..خآف ربك وودر هالسم
[2] : [ يطلع الدخآن من خشمه ..ويشوفهآ شطآره ! ] مضآيج
[1] : ليييش ..انته أصلا تعرف ترتآح ..!
[2] : يآآريآآآل خلهآ ع ربك
[1] : شو سويت فالسالفه
[2] : اي سالفه ؟
[1] : شو أي السالفه ... شي غيرهآ ؟
...: الشيمه منصور لا تذكرنيه ..
منصور : لين متى يا مــطــر ؟
مطر : لين ربك يحلها ..
منصور : وابوك بيصبر؟
مطر : وانا شو هامني غير هالابو ؟!
/
في فلة بو مطر ..
سلامه : امايه بسير بيت قوم عمي ..
ام مطر : ياللــــه بالســـتر .. جيه بتسيرين بيت عمج !!..قررّري وصكي الدعنه ..
سلامه : اماااااايه ايلس شو اسوي ؟ العاش عند ريلها .. ورشود ومطر محد .. وانتي الحين بتسيرين عند يارتنا موزه ..
ام مطر : عنبوه ما تنخاطبين ! .. اممممره اعذارج فمخباج ..
سلامه : ههههههه اسير ؟
ام مطر : سيري .. سيري ..
/
في مطبخ بو سعيد ..
حصه وخفيه يالسات يسون السويت ..
حصه : امممممم تسلم ايدي على هالطبخه ..
خفيه : لا يطيح نصج علينا
حصه : خفوي بالله عليج شوفيها .. هاي حرام تنكل هههههههه
خفوي : بارك الله فمنال العالم .. والا انتي حدج عيش وروب ههههههه
حصه: جب جب .. انتي شدراااج !
شوي الا تحدر عليهن سلامه : حوووه ياااا قــــــــــوم ,, انا ييت..
خفيه : والعافيه .. ثرج راكان بن حثلين ..
حصوه: الا سلاموه ..
سللامه : خسكن الله .. جاني يايه اسير عليكن .. وسكتت شوي الا تصرخ : اللـــــــــــــه .. ابا حطلي ..
حصه : يالله .. ماشي هذا بس حقنا ..
خفوي : اذا تبين دفعيي .
سلامه : عنلات صداكن .. هب دافعات شي من جيبكن .. اروحي بحطلي ..
/
في الميلس :
حمدان : ها كايد ما بتسمعنا شله
كايد : عنبوه تونا ظاهرين مصلين
راشد : وين تونا ظاهرين خاف ربك .. طالع الساعه
كايد : خييييييييييييبه 1 والله ما انتبهت هههههههه
راشد : هههههههههه ما تنلام ..
كايد : افا عليك حمدان .. ان ما شليتلك لمنو بشل ؟

الشباب : عاااااااااااش ... متخشع الريال ..
كايــــد : ههههههههههه
حمدان : عنبوج يالغربه شو تسوين ..
كايد : اااااااه الحمدلله يوم انيه خلصت الدراسه .. ربي لاعادها من ايااام ..
وتموا سوالف .. ومغايض ويا ربيعهم كايد اللي كان يدرس فبريطانيا .. ومن يومين راد البلاد ..
/
بالباجر فالعزبه ..
الجو كان مغيم .. والمكان كله ثرى .. عقب النفاف اللي طاح الفير ..كانوا ام مطر وبو مطر يالسين عالحصير .. يتريون العامل ينفع..
ام مطر: محمد ..
بومطر : لبيه ..
ام مطر : لبيت حاي .. شو سويت ويا مطر ..
بومطر : الليله بعدنيه برد ارمسه ..
ام مطر: يا بومطر لا تغصبه على شي ما يباه ..
بومطر بضيجه : ما بيحصل اخير عن بنت عمه ..
ام مطر : العرس هب بالغصب .. خله جاد حد في خاطره !
بومطر : ايهبي ما ياخذ غير بنت عمه .. عنبوه برد وصات بو سعيد ؟!
ام مطر : ولدك وكيفك وياه ..
بومطر : داوم هوه ؟
ام مطر: لا .. تراه ماخذ اجازه اسبوع ..
بومطر : الحين بتصل به .. اي صوبنا ..
ام مطر : خله راقد .. يوم بنرد رمسه ..
بومطر : وين بيسير الليله الا اخلص هالموضوع .. انا وايد طولتله ..
ام مطر تهز راسها /
في السيح
راشد: حمدان .. وين اخوك حارب ؟
حمدان : هذا ابويه لا تتخبر عنه .. يوم تباه سير له حجرته بتلقاه زابن عالكمبيوتر !
راشد : حشآ ما يمل ؟
حمدان ههههههه حاااارب يمل .. اسميك ما تعرفه ؟!
راشد : محد قاله يحدر كلية التقنيه !
حمدان : حليله يبا يستوي عالم هههههههه
راشد : ههههههه يابوك صيام لا تتطنز يخوز اجرنا
حمدان : صدقك ... آااااااه ليت هالجو دوووووم
راشد : هب عشان شي .. عشان اطنش الجامعه ..
حمدان: محد يفهمني غيرك .. قم .. قم نصعد
راشد : غايته ..
/
في حجرة مطر
مبايله يرن ..
مطر وصوته كله رقاااد :هـــــــاه ؟
منصور : بعدك رااااقد ؟ نش ورانا خـــط ..
مطر : انزين ناااش .. انته خاري ؟
منصور : من متى انا واقف اترياك
مطر : دقايق وبنزلك ..
/
مطر وهو نازل تلاقى ويا ابوه عند باب الصاله
بومطر : زين يوم ريتك
مطر: امرني
بومطر : بغيتك في رمسه
مطر وهو حاس باللي بينقاله : ابويه اجل الموضوع منصور يرقبني خاري ، بتحير عليه ..
بومطر : على هواك .. الا تراني اليوم برمسه سعيد
مطر: ابويه الشيييييييييييييمه .. هب وقته
بومطر: من متى وانته هب وقته .. هب وقته .. متى وقته اعيل ؟
مطر : ابويه يوم بيي بنرمس في هالسالفه
بومطر قفى عنه .. مطر هز راسه وظهر ..
في سيارة منصور .. مطر رقع بالباب رقعه : اففففففففف
منصور : شعندك ؟ الناس تسلم!
مطر: ياخي العرس هب بالغصب ؟!!
منصور : ثرها جذيه السالفه ..
مطر: وانا شو غاث حياتي غير هالسالفه ..
/
عقب التراويح
بومطر : سعيد ابويه بغيتك في رمسه
سعيد : امرني عمي ؟
بومطر: نحن يوم حيات ابوك محيرين حصيص حق مطر .. وعاد الحين كبروا .. ونبا نفرح ابهم ..
سعيد : البنت بنتك عميه ..
بومطر: شاورها ابويه
سعيد : اممممره مالها رمسه عقب رمستيه.. قصورها تتنقى بين الرياييل !
بومطر : يوم هاي رمستك .. شو الراي فالملجه ؟
سعيد : انته في حسبة ابوها .. ومتى ما تامر .. صار ..
بومطر : فالصيف ؟
سعيد : غايته
/
في صالة بوسعيد
حمدان : حصيييييييييص عنبوه ساعه ؟
حصه : يييييييت .. حشى كلتلي فوادي.
حمدان : مالصبح مصدعتنا اسوي سويت ومحد ياكله ويوم طلبناه ذليتينا ..
حصه فاجه عيونها : انا ذليتك
حمدان ياكل : امممممم اعيل انا
شوي الا بحدرة سعيد عليهم : السلام عليكم
الكل : وعليكم السلام والرحمه
ام سعيد وهيه ظاهره من حجرتها مصليه التراوييح : يالله تتقبل صيآمنآ وصلآتنا وقيآآمنا .. سعيد مرحبا ابويه متى ييت ؟
سعيد : توني الا داغر .
حمدان : ايهاااااااااء وانا شو ؟ من متى مرتز فالصاله ما ختي اخباري
ام سعيد : انته ثرك خليتني اعرف اصلي ؟ من تي ييت تلعلع ..
حمدان فج عيونه : انا ألعلع؟ اخير عن اللي يحدر ساكت ويظهر ساكت ويطالع سعيد بنص عين .
سعيد : هههههه خل عنك .. امايه اليوم عمي رمسني فسالفة حصه
حصه انصدمت ورفعت راسها مستغربه ما تعرف شو السالفه بس كانت حاسه انها خطبه
ام سعيد : سالفته ؟
سعيد : ملجتها على مطر .
حصه نشت بس سعيد زخها من ايدها : يلسي
ام سعيد : وشو رديت على عمك ..
سعيد قتله الشور شورك
ام سعيد ما عارضت دامها وصية الغالي مستحيييييل تردها
حصه صااااااااااخه و ويها احمر
حمدان : وحصه مالها راي؟
سعيد : البنت ما يشاورونها ؟
حمدان : جيه وين عايشين ؟
سعيد : شي شايف على مطر ؟
حمدان : لا حشا بس العرس هب بالغصب .. حصه شو رايج ؟
سعيد : ما عندها راي غير راينا ..
حمدان : والله كيفكم وظهر عنهم
سعيد : حصه لا يكون بتكسرين كلمتيه ؟
حصه : الشور شورك.. وطلوق صوب الحجره
/
في صالة بومطر
بومطر: ابطآ مطر .. انا بسير ارقد وان يا قوليله
ام مطر : يالله عنك يا بومطر .. شقايل هان عليك تغصب ولدك عشي ما يباه ؟
بومطر : فطيم قطعيها الرمسه .. بنت عمه وبياخذها ..
سلامه : يمكن البنت ما تباه .. العاش تحركلها عيونها يعني انجبي لا تتدخلين في هالسوالف .
بومطر بعصبيه: البنت مالها شور .. وانتي لا تنخشين فرمسه مالج حايه فيها
سلامه : ابويه هذاك زمان اول مالها شور .. الحين محد يعرس بالغصب
بومطر: والله ان ما صكتي يالخيزرانه بترزف على ظهرج ..
سلامه ما عيبها الوضع نشت عنهم ولحقتها العاش ..
شوي الا بحدرة مطر : ما شاء الله الكناري سهرانين .. السلام عليكم
: وعليكم السلام
بومطر: ابطيت علينا .. من متى نرقبك ؟
مطر : خير ان شاء الله
بومطر ك اليوم رمست سعيد
مطر وهو يوقف ك شووووووووووووووووه ؟؟
بو مطر : والملجه والعرس فيوم واحد في الفطر .
مطر : شعنه ابويه .. قتلك اصبر عليه
بومطر وهو يوقف : رمسه وقلتها
مطر : بس انا ما ابااااها ..
بومطر : ان ما خذتها حرام لا انته ولدي ولا اعرفك .. وقفى عنه سار يرقد ..
مطر تم بهت محله .. وعقب ظهر صوب ربيعه منصور .. ماله حد يشكي له اهمومه غيره ..
/
في حجرة البنات
العاش : انزين انتي ليش تصيحين
سلامه : ليش ابويه يسوي جذيه
العاش : ابويه ادرى بمصلحتهم .. بعدين انا هذيه ما خذه سعيد والله يا انه محد اخير عنه ..
سلامه : بس مطر يحب .
العاش : شووووووووووووووووه ؟؟!!!
سلامه : والله انه يحب قريته كاتب قصيده ..
العاش : هب شرط !
سلامه : والله يا انه يبا اخت ربيعه منصور .. اقولج قريت دفتره وهو اروحه كاتب .
العاش: في ذمتج ؟ .. وااايه فديييييتك يامطر .. انزين حتى حصيص تحبه
سلامه : البنت من تعرس تنسى اللي تحبه الا الريال صععععب صعععععب .. وتصيييح
/
احداث سريعه :
* - مطر محتار بين ابوه وقلبه .. وبالاخير بَـدّى أبوه على عمره .. اللي اصر يجدم العرس .. عشان يفرح بهم !
حصه تتزهب للعرس غصبن عنها عقب ما عرفت ان مطر ما يباها من خاطره .. بس ما بيدها حيله رمسة سعيد حازه فخاطرها ؛( حد فخاطرج غيره ؟ )..
سعيد والعاش عايشين احلى ايامهم .. وباجي شهر عن عرسهم ؛)
سلامه تقدم الها منصور و وافقوا عليه عقب ما رخصها حمدان ، بومطر كان معارض فالبدايه بس يوم شاف انه حمدان مايباها صخ!
حمدان وراشد سافروا يكملون دراستهم ..
حارب وخفوي نفس روتينهم ما تغير عليهم شي ؛)
/
النهايه ..
اليوم عرس مطر والكل مرتبش .. الا مطر وحصه !
واللي مسافرين ردوا عشان يحظرون العرس .. الكل كاااااشخ من الخاطر .. اول عرس عندهم لازم الفرحه بتكون غييييير ؛)
/
ويت اللحظه اللي بيتلاقون فيها مطر وحصه ..
برع عند السيايير ظهرن العيايز صوب مطر والشباب
اللي يالس اييعاييهم ما يسوون مسيره وهم هب طايعيين
ام مطر : ويديه يا مطر خلهم فرحانيبك
حمدان : ثره منو بيسمع رمسته .. والله يا شل الدنيا بلهرانه
راشد : اممممره انا وياك
ام سعيد : يوم انكم بتصكون لين بوظبي انا منوه بيردنيه؟
حارب : انا بردج ؛)
ام مطر : حـآرب ؟ انته هنيه
حمدان : هههههههه حتى انتي هب مصدقه انه يا
ام مطر عطته طاف : فدييييت ريييحتك يالغالي ..جيييه ما تخطف اتسلم عليه
حارب وهو يحك شعره من تحت السفره : شو اسوي يا خالتيه ما اتفيج
مطر : اوهوو بطولون ؟
الشباب : يالله سرينا
وعقب كل حد تحرك صوب سيارته..
/
عقب ما وصلوا المعاريس .. تم مطر واقف .. هب عارف كيف يتصرف .. ونفس الحاله حصه .. صعب يوم انك تعرف ان انسان باغضنك ..
مطر: حصه
حصه : تمت منزله راسها والدموع فعينها ..
مطر : ما ادري شو اقولج .. حاولت اتاقلم ويا الفكره بس والله صعععب..فذمتيه معزتج من معزة خواتي .. بس ابويه هب راضي ..ادري مالج ذنب .. بس القلب وما يهوى
حصه صااااخه تسمع وقلبها يتقطع وفخاطرها تقول ( محد الضحيه الا انا .. الله يسامحكم ) وصاااحت ..
مطر : حصه الشيمه لا تصيحين ووعد انيه ما اصكج .. وعقب سنه باذن الله بردج معززه مكرمه بيت ابوج .. .. ما رام يتحمل اروحه قلبه يعوره على حالهم .. وقفى بيظهر عنها ..
حصه : مـ ... ـطـ ... ــر ..
مطر : بيصد صوبها مستغرب نبرة صوتها
حصه وهيه تمسح دموعها :
عطني قلم بكتب على القلب ناسيك
حتى انه اليا تذكرك ينساك
خلاص عقب اللي حصل منك مابيك
ومادمت انا "هني " فارقني " هناك "
غلطت حياتي يوم تقفي واناديك
لكن بترجع يوم واقول مناااااااااااااااك


ولكم تحياتي وتحيات الكاتبه واتمنى انها تنال لكم اعجابكم

u'kd rgl f;jf ugn hgrgf khsd;