قصيـدة لعشااق البـر

هذي القصيدة سلمكم الله عن البــر والربيــع وهي مخصوص لعشااق البرااان
وانشالله تحوز على اعجابكم


ياماحـــلا والنار يضـــوي لهبها ,, في فيضــة فيها الحيا مابعد شــيف

في خــــــيمة منصوبة في خببها ,, ودلال صـــفر ماشريته من الســيف

في مجلس فيه النشامى وأدبها ,, قصـــــــــيد ينقونه ولاهوب تصفــيف

وســـوالف رجال معادن ذهبها ,, مع قهوة تطرب هل الراس والكــيف

والجيب والعدة وباقي زهبهـــا ,, وســـمان ماطـبت شـــبوك وتعــليف

2007 والسست ماسـحبها ,, شــــد البـــلد نقـــد ولاهوب تســـليف

منـــوة هل البران غاية طلبها ,, مطــوع العسرات نقــــرة مع الســيف

له شــــهرة ياما عقول سلبها ,, ( فكس آر) مايحتاج مـــــــدح وتعريف

وزود شعاع الشمس عنا حجبها ,, جانــــا حـــــليبه دون خــلط وتغـليف

وشحنة سمر وإرطا من أرضه حطبها ,, النار عنوانه كروكي وتوصيف

وذبيــــحة للضــيف لاجـــا ســـــحبها ,, ماحسب حسابه ولابه تحاسيف

وطــــباخ له خــبرة قديــــم كســـــبها ,, ماحاقه الهندي ولاسالم الشيف

هــذي منـــاتي لابطــايف ولا أبهـــــــا ,, وأيضا ولالندن وباريس وجنيف

هذا عـــــلاج النفس ســــاعة عطـبها ,, مابي المدينة بين عادم وتكييف

وصـــلاة ربي عــد ســــيل بشـــــعبها ,, وعداد مانبت الحيا وأزهر الريف

على النبي الهاشـــمي من عـــــربها ,, اللي صدع من دون كذب وتزييف


وسلامتكـــم ياالأجواد

---

rwdJ]m guahhr hgfJv

صح الله لسانك ودوم مبدعه يالغاليه .

صح بدنك وتسلم على المرور اللذيذ

الله يعطيك العافيه ويسلموووووووووو على الطرح