في بيت العمه نوره ام ماجد


ندى تكلم صديقتها اريج على الماسنجر
عندما ارى عيناهـ اخق خقتن ماهي بصاحيه<<<ندى
وينك مختفيه لاتقولين انك اعرستي؟؟ ترى والله اذبحك
الصديق الصدوق هو من يساعدك على رفع الصندوق<<<<اريج
لا ابشرك مصيرنا العنوسه
عندما ارى عيناهـ اخق خقتن ماهي بصاحيه<<<ندى
يعني افقد الامل ..لااااااااااا مستحيل طيب لو واحد بس ونتقاط انا وانتي فيه
الصديق الصدوق هو من يساعدك على رفع الصندوق<<<<<اريج
طيب بسوي اعلان واقول مطلوب عريس للزواج من اثنتين وحده عليها المهر وحده عليها البيت وان شاء الله نحصل
عندما ارى عيناهـ اخق خقتن ماهي بصاحيه<<<ندى
طيب بس اشترطي مايكون شايب
الصديق الصدوق هو من يساعدك على رفع الصندوق<<<<اريج
وبنتشرط بعد عزالله مالقينا ..المهم اخبار المنتدى معاك من زمان مادخلته
عندما ارى عيناهـ اخق خقتن ماهي بصاحيه<<<ندى
ايه على طاري المنتدى قررت اكتب روايه
الصديق الصدوق هو من يساعدك على رفع الصندوق<<<<<اريج
وعن شنو هالروايه
عندما ارى عيناهـ اخق خقتن ماهي بصاحيه<<<ندى
عن حياتي انا وامي وهل سوف اتزوج او لا
الصديق الصدوق هو من يساعدك على رفع الصندوق<<<<<<<اريج
واااااااااااو ابي اكتب مثلك بس مااعرف
عندما ارى عيناهـ اخق خقتن ماهي بصاحيه<<<ندى
مايبيلها شي يالخبله اسمعيني كل المطلوب منك تجبين قلم
الصديق الصدوق هو من يساعدك على رفع الصندوق<<<اريج
حبر والا رصاص
عندما ارى عيناهـ اخق خقتن ماهي بصاحيه<<<ندى
اذا تحبين تشخبطين جيبي حبر واذا تحبين تمسحين جيبي رصاص ودفتر ابو 100 واذا خطك صغير ابو 80 ينفع
الصديق الصدوق هو من يساعدك على رفع الصندوق<<<<اريج
لا ابو 80 ينفع بصغر خطي وشهوله الاسراف طيب كل هذا مقدور عليه وبعدين
عندما ارى عيناهـ اخق خقتن ماهي بصاحيه<<<ندى
وبعدين ياطويلة العمر تمددين على سريرك والا تاخذيني فرشه وتطلعين للسطح والا الحوش اللي يريحك
الصديق الصدوق هو من يساعدك على رفع الصندوق<<<اريج
حلوووو وايش اكتب؟؟
عندما ارى عيناهـ اخق خقتن ماهي بصاحيه<<<ندى
تصدقيني مدري بجرب واقولك
نـــــــــــــــــــــــدى <<<ام ماجد تصارخ على ندى من تحت
عندما ارى عيناهـ اخق خقتن ماهي بصاحيه<<<ندى
يؤؤؤؤؤؤ نسيت خلصت الـ 45 دقيقه المصرح لي بستخدام النت فيها اكلمك بعدين
الصديق الصدوق هو من يساعدك على رفع الصندوق<<<اريج
والله ياانتي ص ع ص
عندما ارى عيناهـ اخق خقتن ماهي بصاحيه<<<ندى
ص ع ص <<<<<وش ذا لوحة سياره
الصديق الصدوق هو من يساعدك على رفع الصندوق<<<<<<<<اريج
لا ياعمري ص ع ص صاكين عليك صكه
عندما ارى عيناهـ اخق خقتن ماهي بصاحيه<<<ندى
ههههههههههههههههههههه حلوه بروح اقولها لامي يله انقلعي

قفلت ندى الاب توب وراحت ركض لامها
ام ماجد : تاخرتي خمس دقايق
ندى : شسوي يمه المدرسه اخرتنا واخذت من الحصه اللي بعدها 5دقايق
ام ماجد : اشوف تطنزين هذا وانتي غلطانه
ندى : شسوي يمه والله احس اني الى الان بالمدرسه من هالــ 45 دقيقه المهم يمه انا ص ع ص
ام ماجد : ادري صدق عله صدق والحمدلله انا انسانه مؤامنه بالله والبقضاء والقدر علشان كذا صابره ومحتسبه
ندى وهي تحك راسه تحاول تستوعب : يمه انتي تألفين اي شي على مزاجك
ام ماجد : خليك من الهذره ترى فيه ناس مكلميني عنك
ندى وهي تناقز بالصاله مو مصدقه اللي تسمعه : قولي والله واااااااااااااااااو مو مصدقه من العريس ومتى كلموك ومتى يبون

العرس ؟؟
ام ماجد بهدوء غريب : روحي سوي القهوه وضبطيلي الحلا اللي احبه وعقب اقولتس قبل لاتحلمين
ندى سمعت كلام امها من هنا طارة على المطبخ تسوي اللي قالته امها


~~~~~~~~~~~~~~~~~~~~~~~

فيصل : الوووو هلا امين
امين (المرافق الخاص للجد ابوعبدالعزيز): هلا بك عمي انت مشغول؟
فيصل : لان انا في السياره رايح للبيت فيه شي؟
امين : بغيت اكلمك بخصوص عمي ابوعبدالعزيز
فيصل بخوف : امين اشفيه جدي صار له شي ؟
امين : لا الحمدلله مثل ماهو بس مصمم انه يرجع
فيصل : وش يرجعه خلاص انا بتصل عليه واتفاهم معه

قفل فيصل من امين واتصل على جده

ابو عبدالعزيز بتعب : هلا بولدي
فيصل : هلابك زوود يالغالي ..يبه الله يهديك وش الكلام اللي اسمعه صدق انك تبي ترجع ؟
ابو عبدالعزيز : ايه ياولدي وش يجلسني هنا
فيصل : يبه طلبتك لو لي خاطر لاتفكر في الموضوع الين اجي وانا ان شاء الله بعد بكره اكون عندك
ابو عبدالعزيز بفرحه نسته قراره بالرجوع : الله يبشرك بكل خير زين خلصت اوراق ليان ؟
فيصل تصنم من سمع كلمة جده وش يقوله انه بيطلقها والفرحه اللي بصوت جده كانت تخوفه من انه يقول الحقيقه
ابو عبدالعزيز : فيصل انت تسمعني؟؟
فيصل : هاه .. ايه جدي اسمعك وبكره ان شاء الله بتكون خلصت اوراقها
ابوعبدالعزيز : انا عارف اني اجبرتك على هالزواج وكنت اتمنى اذا شفتها وعرفتها تغير رايك بس انت الله يهديك عنيد فيصل

ياولدي لاتقسى عليها تراها شافت من جور الزمان كثير لاتكون انت والزمن عليها يعلم الله اني ماعرفت طعم الراحه غير من بعد

ماتزوجتو لاني عارف انك ماراح تظلمها
فيصل وهو يحاول يتمالك نفسه : ابشر باللي يسرك ويرضيك

قفل فيصل من جده وهو مايفكر غير في القرار اللي كان بيتأخذه متناسي جده اللي ماقصر عليه بشي كان له الاب والام والاخ

والجد والصديق خسر عياله مقابل انه يحفظ لي حلالي وانا بكل انانيه كنت بعيشه الهم بأخر حياته لو موته بيسعد جدها بيتمنى

الموت لليل ونهار عشانه ... طلع جواله واتصل على ليان

كانت ليان نايمه ومتمسكه بلين مثل الطفل اللي محتاج للحنان وماصدق لقاه مثل الغريق اللي لقى طوق نجاه
لين بعد ماشافت رقم فيصل : الوو
فيصل : اسمعيني ...
لين وهي تقاطع فيصل : فيصل انا لين مو ليان
فيصل بحده : وين ليان؟؟
لين : فيصل ليان تعبانه والحين نايمه اخاف اصحيها وترجع تنهار من جديد
فيصل : صحيها الحين وقوليلها تكون بعد ساعه جاهزه وعند الباب
لين بصوت عالي شوي بحكم شخصيتها القويه : اقولك تعبانه وتقول ساعه وتكون عند الباب انت قلبك مخلوق من شنو
فيصل بعصبيه : مو شغلك واذا تهمك مصلحة اختك نفذي اللي قلت عليه
وسكر بدون مايعطيها فرصه ترد
لين بعصبيه : الحقيرررررررر التافه (انتبهت ان ليان صحت على صراخها )سامحيني ياقلبي صحيتك
ليان بحزن: منو اللي زعلك؟
لين بقهر : زوج الهم منو غيره فيصل
ليان حطت يديها على فمها بصدمه وبدت تنزل دموعها : طلقني؟
لين : كان زين انه مطلقك اذا هذا اوله ينعاف تاليه
ليان بصراخ : لااااااااااااااا ماابي اطلق حرام عليك يالين ماابي اطلق
(ليان ماكانت تبي تخسر فيصل لانها شافت منه الحنان ماعمرها شافت الحنان من امها وابوها علشان كذا فقدت الامل في انها

تحصل عليه منهم لكن فيصل شافته منه وتبي تعرف وش اللي غيره وخلها قاسي وذا فشلت انها ترجع الحنان اللي شافته اقلها

بيأخذها لجدها .. جدها اللي لو خيروها بين كل هالعالم بتختاره هو جدها اللي تدعيله بكل لحظه بالشفاء وتتمنى موتها قبل

موته)
لين تحاول تهديها : مو مطلقك ويبيك تكونين جاهزه بعد ساعه بيجي ياخذك
ليان بفرحه : لين عطيني عبايتي
لين : وش اعطيك عبايتك قومي بساعدك تأخذين شور وتلبسين يله قبل لا يجي


~~~~~~~~~~~~~~

ندى بعد ماجابت القهوه وصلحت لامها الحلا اللي تحبه
ندى : وهذا احلى حلا واحلى قهوه لــ احلى ام في هالدنيا
ام ماجد : وش هالرضى والسنع
ندى : انتي الغاليه اخدمك بعيوني كلي لك يله يمه قولي اطربيني كلي اذان صاغيه
ام ماجد : اول خليني اتقهوا واكل من هالحلا الزين وانتي همزي ارجيلاتي وعقب اقولك
ندى نفذت اللي قالته امها لانها تعرف اذا بتعاندها ماهي اخذه منها لا حق ولا باطل

ندى بعد ماخلصت : هاا يمه يله قولي والله ماعاد فيني صبر
ام ماجد : جارتنا ام مشاري كلمتني تقول ابي ندى ..(وسكتت شوي) تذاكر لبنتي روان مسيكينه تقول انها ماتفهم

للرياضيات ومااحد من اخوانها فاضي يذاكرلها
قامت واقفه من هول الصدمه وهي الى الان تحاول تستوعب وبعدها طاحت على الارض مغمى عليها
ام ماجد بخوف : ياويلي بنتي ...(مسكت ندى وصارت تهزها) ندى يمي قومي ولو تبين العرس من بكره ازوجك بس

قومي
ندى وهي تفتح عيونها وببتسامه : قولي والله
ام ماجد وهي تضربها بخفيف : حسبي الله عليك طيحتي قلبي
ندى : الى هالدرجه تحبيني؟؟
ام ماجد : مامن حب بس اتصبر فيك الين يجي ماجد
ندى بقهر : تصبيره صرت المهم انك وعديني تزوجيني بكره
ام ماجد : معصي مايعتبر وعد كان تحت ضغوطات نفسيه بس الحين مالك غير كلامي الاول اذا مت اعرسي
ندى وهي شوي وتنتف شعرها : يمه انتي ليه تحبين تتلاعبين بمشاعري .. لاصدق يمه من وين جبتي ضغوطات نفسيه
ام ماجد : من مجود نظر عيني . وقومي شغلي هالماخوذ بشوف الضعيف اللي تركتيه غرقان بدمه وش صار عليه




~~~~~~~~~~~~~~~~~~~~

بعد ماخلصت من مساعدت اختها انها تأخذ شور وتلبس جلست تسوي لها ميك آب تحاول اخفاء مايمكن اخفائه من الشحوب

والكدمه اللي بوجهها برغم رفض ليان
لين : خلصت هذا اللي قدرت عليه
ليان : لين بروح اودع امي قبل مااطلع
لين : طيب انا بطلع اشوف واجي لك لاتتحركيني

طلعت لين وراحت لامها حاولت فيها انها تشوف ليان وتودعها لكن امها عصبت وصارت تدعي على ليان وتسبها
حمدت لين ربها انها ماخلت اختها تجي والا كان انهارت من جديد طلعت من عند امها وخلت الشغالات ينزلون الشنط عند الباب

وقالت لــ يزيد وراما ينزلون تحت علشان يودعون اختهم

لين بعد مادخلت على ليان : عمري امي تعبانه ونايمه لكن اذا صحت بخليها تكلمك
ليان وهي عارفه ان لين تكذب عليها : خير ان شاء الله يله خلينا ننزل اكيد الحين بيوصل
لبستها لين عبايتها ونزلت معها تحت
لين : اجلسي هنا شوي الين يجي اخاف تتعبين
ليان : لا ياعمري مو تعبانه ..... وضمت راما وبعدها يزيد تودعهم اللي كانو ساكتين وصدمه من اللي صار البارح
مازالت علي وجيهم
رن جوالها وكان المتصل فيصل
ليان : هلا
فيصل بحده : يله اطلعي ..... وقفل على طول

لين : جاء
ليان بحزن : ايه
لين : يزيد يله خل الشغالات يحطون الشنط بالسياره
ليان بذهول : اي شنط
لين وهي تضمها : على بالك بخليك تروحين بدون ملابس كان نفسي يكون جهازك غير لكن هذا اللي قدرت عليها ياقلبي
ليان ضمت اختها ومالقت اي كلام تقوله
لين وهي تبعدها عنها وتنظر في وجهها : سامحيني ياليان انشغلت عنك وعن اللي اشوفك تعانينه بالجامعه والطلعات

والصديقات لكن تاكدي ان مكانك محفور بقلبي ولو بيدي احمل عنك همومك ماترددت لحظه وحده
ليان وهي ترجع تضم اختها : طول عمرك كنتي البلسم لجروحي الله لايحرمني منك
ودعو بعض وطلعت ليان تركب مع فيصل وتركت وراها لين اللي تبكي على اختها اللي فارقتها وتدعي لها انها تعرف طعم

السعاده برا هالبيت اللي ماعمرها شافت يوم حلو


ركبت ليان السياره وهي تحاول تكتم شهقاتها تخاف يسمعها فيصل
فيصل بعصبيه : عساك تبكين بدال الدموع دم ياحقيره وماابي اسمع صوتك فاهمه
حطت يديها على فمها تحاول تكتم بكاها وقلبها اللي يتقطع من كلامه


~~~~~~~~~~~~~~~~~~~~

منال : ههههههههههههههههههههههههههههههههههه هه وربي انك مجرمه اجل من ستر على مسلم ستر الله عليه
سحر : ههههههههههههههههههههههههههههههههه ماشفتي شي لدرجة من كثر مااتقنت الدور فكرة اصير داعيه والا ممثله
منال : ههههههههههههههههههههههههههههههههههه ههههه اه يابطني تقطع من كثر الضحك حسبي الله على بليسك اشلون

جمعتي داعيه وممثله
سحر : والله فكره ليه مااصير ممثله
لمى بحتقار : وش معنى قلتي ممثله ليه مافكرتي تصيرين داعيه؟؟
سحر بزعل : وليه نبرة هالاحتقار بصوتك؟
منال تحاول تهدي الوضع : الله يهديك ياسحر لا احتقار ولا شي لاتفسرين الامور على كيفك
لمى : الله يهدي الجميع
سحر : لمى اشوف مشروع مطوعه فاشل
لمى : بس مايمنع اني اعرف اخطائي واتمنى الهدايه
منال : خلاص فكونا من هالسيره وقولو وين تبوني اعشيكم الليله

(برغم كل اخطاء لمى كانت على طول النفس اللوامه تعذبها لكن في كل مره يزين لها الشيطان اعمالها ويسكت صوت الحق اللي

بداخلها)


~~~~~~~~~~~~~

دخلت بيت فيصل وكل شي حولها يوحي بالفخامه كان بيت ابوها رغم فخامته يعتبر فله صغيره ومتواضعه مقارنه في بيت فيصل

لكن كل هذا مالفت انظار ليان كان ممكن يلفت ويغري غيرها لكن هي كانت تبحث عن اكثر من الفخامه والعز كانت تبحث عن

الحب والحنان والكلمه الحلوه والحياه المستقره
فيصل يناظر في ليان كان يتوقع يشوف بعيونها انبهار واعجاب باللي تشوفه لكن ماشاف فيهم غير الحزن والدموع هالانسانه لو

تمثل بتحصد كل جوائز الأوسكار لبراعتها بالتمثيل
فيصل بحتقار : اسمعي يكون في معلومك اني كنت بروح بكره اطلقك لانه مايشرفني تكون لي زوجه مثلك ومامنعني من

هالشي غير رغبة جدي بشوفتك زواجنا بيكون لمده محدوده مايعلمها غير الله انا مستحيل اطلقك وازعل جدي لكن ماراح يكون

لك عندي اي حقوق وجودك مثل وجود اي خادمه باستثناء ان الخدامه من حقوقها اني اعطيها مستحقاتها واعاملها بالحسنى لكن

انتي كافي علي اكلك وشربك مقابل اني اسكت على مسمى ان وحده حقيره وزباله مثلك تكون زوجتي

كان كلام فيصل يتردد في مخها بدون تصديق وقلبها ينزف من قسوة كلماته وين اللي حلف لها انه يسعدها ويحميها وماراح يسمح

لااي شخص انه يأذيها كله كان كذب
ليان بصوت يحمل كل الحزن اللي بقلبها : فيصل
فيصل رجع بعد ماكان ماشي بيطلع فوق قرب منها ومسك فكها بيده وشد عليه بكل قوه لدرجة انه توقع بينكسر : اسمعي

ياوسخه اسمي لاتقولينه على لسانك مره ثانيه فاهمه
خلص كلامه ودفها وهو ينفض يده كانه خايف انها توسخه بقذارتها
ليان طاحت على الارض من قوى دفته وصوت بصعوبه ينفهم من بكاها : وش سويت وش الذنب اللي اقترفته وانا مااعرفه؟؟
فيصل بحتقار : اللي سويتيه بنات الليل والحرام واللي بايعات شرفهن بريال مايقدرن يسوونه تعرفين لو يعرفن باللي سويتيه

كان قتلنك وشربن من دمك وعتبرنك عار عليهن
ليان الكلام اللي تسمعه كان اكبر من قدرتها على التحمل حاولت توقف وتواجهه لكن يومين من التعب وعدم الاكل والنوم

والضرب اللي تعرضت له كان كفيل بأنه يسحب اي قوه من جسمها وتركها ترتمي على الارض مغمى عليها
كان فيصل يناظر في ليان وهي تنهار قدامه وترتمي على الارض بكل قسوه بألاول توقعها تمثيل بس لما شاف راسها ينزف بسبب

طيحتها على الارض انجن حط عبايتها عليها وشالها بين ايدها
ركبها في السياره وانطلق بأقصى سرعته للمستشفى كان خايف عليها ماكان يدري وش سبب هالخوف لكن اللي يعرفه انه مايبي

يصير لها شي يمكن علشان جده


~~~~~~~~~~~~~

ندى بترجي : يمه طلبتك بس نص ساعه بحوس بالمنتدى شوي
ام ماجد : لا يعني لا بتحوسين حوسي في البيت والا روحي العبي سله
ندى بملل :طيب سله سله الشكوى لله
ام ماجد : والله انا اللي الشكوى لله اللي صار لي ثلاث سنين وانا اشجعتس لو اني اشجع بقره كان صارت من محترفين السله

بالعالم
ندى : امحق تشجيع اللي كل الجيران على بالهم اني حولا من كثر ماتقولين يالحولا السله يمين يالحولا السله يسار ويمكن هذا

السبب الرئيسي بأن ماتقدم لي عريس الى الان
ام ماجد : ياللي ماتستحين مانفتح اي سالفه الا وجبتي طاري العرس .. اجل دامه امحق تشجيع دوري من يشجعك

(ندى من عمر 14 سنه الى عمر الــ 17 كانت تعاني من ادمان للنت اثر على دراستها وحتى نومها وتعبت امها حتى قدرت

تسيطر عليها وتطلعها من ادمانها وفرت لها كل الالعاب في البيت وتشاركها فيها علشان ماتمل )


~~~~~~~~~~~~~~~

بينما ليان بالمستشفى كانت شلة الشر يحتفلون بنجاحهن على طريقتهن الخاصه

سحر : الحين ماودك ترحميني هاللي من دخلنا السوق وهو ورانا
منال بدلع : خليه يتعب شوي واذا مالقيت احسن منه اخذت رقمه
لمى : وش تبغين برقمه مو انتي تحبين فيصل
منال : وخالد وين مكانه من الاعراب لما كنتي تكلمين
سحر : ايوا ايوا اشوفكم قلبتو على بعض وبدا مسلسل الفضايح
لمى بقهر تحاول تخفيه :لا قلبنا ولا فضايح منال حبيبتي ونمزح مع بعض
سحر بخبث : ايوا قلتولي تمزحون
منال : ايوا نمزح ويله خلونا نكمل شوبنق وبعدها نروح للمطعم
سحر : قصدقك نكمل مغازل
منال : هههههههههههههههههههههههه اللي هو


~~~~~~~~~~~~~~~~~

في المستشفى

فيصل بقلق : هاا دكتور طمني
الدكتور : عندها هبوط في الضغط وعوضناها بمحاليل واضح انها ماكانت تأكل وتنام كويس لكن اتوقع سبب الاغماء صدمه

عاطفيه هي تعرضت ضغوط نفسيه او احد زعلها او سمعت خبر مو زين؟
فيصل : لا دكتور ماصار شي.. طيب والجرح اللي براسها
الدكتور :كانت طيحتها شديده شوي لكن الحمدلله مااثرت عليها وبخصوص الجرح احتاج اربع غرز لكن ممكن اسألك ايش سبب

الكدمات اللي بجسمها ؟
فيصل : اتوقع بسبب الطيحه
الدكتور : الكدمات اللي بجسمها مستحيل يكون سببها طيحه الاغلب اذا مااجزم انها اثار ضرب
فيصل بعصبيه : دكتور قلت لك طيحه والحين متى اقدر اخذها
الدكتور : مع اني افضل تضل الليله بالمستشفى بس اذا مصمم تقدر تأخذها بعد ساعه يكون خلص المحلول
فيصل : لا افضل اخذها ممكن اشوفها
الدكتور : اكيد بس اتمنى ماتتعرض لااي توتر

طلع فيصل من عند الدكتور وراح للغرفه اللي فيها ليان فتح الباب بهدوء ودخل
كانت ليان نايمه وجهها شاحب يقارب لونه للون الشاش اللي ملفوف على راسها كانت الكدمه والجرح اللي بشفتها واضحه اكثر

من قبل وبدت توضح اثار اصابعه على فكها كان يتأملها ويفكر برغم اللي سوته يده ويدين عمه في هالوجه الا انه محتفظ بجمال

مو طبيعي لكن للاسف انها جمال خارجي ومن الداخل هي في منتهى البشاعه
ليان ماكانت نايمه كانت مغمضه عيونها بس حست فيه وعرفته من ريحة عطره
ليان بدون ماتفتح عيونها : ليش جبتني للمستشفى ليه ماتركتني اموت
فيصل بقسوه :ماهميتيني متي او حييتي اهم شي ماابيك تموتين في بيتي
ضغطت على عيونها بكل قوتها علشان تمنع دموعها تنزل وبرغم كذا خانتها وتسللت على خدها
كسرت خاطره وكان قلبه بيلين لضعفها بس عقله فكره بحقارتها وانا اللي قدامه كله تمثيل من ابرع ممثله
ليان وهي تحاول تسيطر على نفسها : متى بطلع؟
فيصل : بعد مايخلص المحلول وعلى ايش مستعجله ؟
ليان وهي تسحب الابره من يدها وتضغط على مكان الابره اللي صار ينزف : خلص المحلول
فيصل صدمه تصرفها : مجنونه انتي؟
ماردت عليه ليان وقامت من السرير وقفت وهي تحس ان الارض تحت رجليها تحولت لماء انهار جسمها قبل لايوصل الارض

كان فيصل رافعها بين يديه ومرجعها على السرير
فيصل بعصبيه : ليان بلاش تصرفات الاطفال
ليان وهي تحط كل القوه اللي فيها بصوتها : لاتقول ليان واسمى لاتقوله على لسانك
فيصل بسخريه : كنت عارف انك بتملين من تمثيل دور الضعيفه المغلوبه على امرها وتكشفين عن الوجه الحقيقي بس ماتوقعته

بالسرعه هذي
تركها وراح نادى ممرضه ساعدتها بلبس عبايتها ووصلتها للسياره


كانو طول الطريق ساكتين اول ماوصلو للبيت تحاملت ليان على نفسها طلعت من السياره ودخلت للبيت اول ماوصلت الصاله

سندت نفسها على طرف الكنبه وهي تناظر الدرج الطويل اللي قدامها وكل تفكيرها اشلون بتطلعه بدون ماتنهار
عرف فيصل من نظرتها وش تفكر فيه
فيصل : دارين .. دارين (دارين المشرفه على الخدم ومسؤله عن البيت في غياب فيصل لبنانيه عمرها 50 سنه)
دارين : امرك استاز
فيصل : خذي المــ .. (كان بيقول المدام بس تلاحق عمره) خذيها طلعيها لوحده من الغرف فوق ولاتنسين طلعيها مع

الاسنسير
اخذتها دارين فوق ودخلتها غرفه كبيره وفخمه اول ماجلست طلبت من دارين تتركها بروحها

(أني انثي جئت الي الدنيا فوجدت حكم اعدامي ولم اري باب محكمتي ولم اري وجه حكامي
)
كان كل تفكيرها تكلم امها وترجع لبيت اهلها على الاقل ذلهم ولا ذل فيصل لها طلعت جوالها واتصلت على البيت
ام راكان بلهفه كل مارن التلفون على بالها راكان:الوووووووو
ليان : هلا يمه سامحيني طلعت قبل لا اود...
ام راكان تقاطعها بعصبيه : ماابيلك وداع وبلي مايحفظك وش عندك داقه
ليان ببكى : يمه ابي ارجع لكم
ام راكان بصراخ : نعم احنا ماصدقنا تذلفين تقولين برجع
ابو راكان بغضب وهو داخل الغرفه : من اللي بيرجع؟؟؟؟؟
ام راكان بستهزاء : هذي بنتك تقول تبي ترجع 0ورمت السماعه عليه)
ابو راكان : ليان
ليان : هلا يبه
ابو راكان بتهديد : اسمعي لو شفتك راجعه قطعتك ورميتك للكلاب تنهش فيك انسي ان عندك ابو وهالبيت لاتفكرين ترجعين له
قفل السماعه بدون مايسمع ردها
ليان كان هدوها غريب كانها تحاول الى الان تستوعب وبعدها انفجرت بنوبة بكاء كانت تبكي مثل الاطفال وصوت بكاها يسمعه كل

من في البيت
فيصل جاء يركض على صوتها : انجنيتي والا ناويه تفضحينا
ليان ببكي ونص كلامها يضيع مع شهقاتها : تقول ..ماصد... تذلفين يقول ... يقطعني .. ماعندي بيت ..

و .. اروح
فيصل عرف انها مكلمه اهلها من الجوال اللي بيدها ومن الكلام اللي حاول يفهمه منها وبكل قسوه هو استغربها من نفسه :اقل

شي ليه تتوقعين ياخذك بالاحضان بعد سواتك
ليان بصراخ : قولو وش الذنب اللي سويته .. المذنب وهو عارف ذنبه ينكره .. لكن انا والله لااعترف بس قولو

وشهو ذنبي
طلع فيصل من الغرفه بدون مايرد عليها كان يحس لو انه جلس لحظه وحده ممكن يتهور ويأخذها بحضنه ويهديها لكن كل مره

كان عقله بالمرصاد لقلبه ويذكرها بسواتها

اما ليان بكت حتى جفت كل دموعها تذكرت انها ماصلت قامت واغتسلت وصلت صلاتها بكل خشوع

فيصل استغرب هدوها وخاف ليكون اغمى عليها ثاني مره راح لغرفتها وفتح بابها بهدو كانت جالسه على سجادتها وظهرها للباب

وتقرى قرآن بصوت خاشع وحزين طلع وتركها
وهي ستمرت تقرى حتى حست براحه من كلام الله حطت راسها على سجادتها ماتبي تفارق هذا المكان الامن اللي حست فيه

براحه دعت ربها ناصر المظلومين وملاذ الخائفين ومفرج كرب المكروبين حتى استسلمت للنوم على سجادتهاا



~~~~~~~~~~~~~~~~

اليوم الثاني

قفل فيصل من امه ام ماجد بعد ماعزمها على الغداء هي وندى وطلع لغرفة ليان دخل عليها بدون مايدق الباب كانت جالسه على

طرف السرير ولافه الروب على جسمها وواضح من شعرها اللي بدا يجف ان لها مده طويله اخذه الشور
فيصل بسخريه : عاجبك ؟؟
ليان عرفت انه يتكلم عن الروب : مالقيت غيره وقلت لا
فيصل وهو يضرب راسه : ايه صح شنطك بالسياره مو مشكله اقولهم يطلعونها لك وعلى فكره امي نوره بتجي على الغداء

البسي احلى لبس وحاولي تسووين اي شي بوجهك ماابيها تفتح تحقيق ولاتبينين اي شي قدامها وانا بحاول قد مااقدر تكون

تصرفاتي عاديه
ليان : ليه خايف انها تعرف؟؟
فيصل بعصبيه : انا ياحقيره مااخاف غير من ربي لكن تهمني سعادة جدي
طلع وتركها تفكر بجدها وسعادته لو قتلها بيسعد جدها كان طلبت انهم يقتلونها باليوم مليون مره المهم انه يكون سعيد سمعت فيصل

يناديها من تحت نزلت مع الاسنسير لانها تحاول توفر اي طاقه من جسمها المنهك في لقاء عمتها
ليان بهدوء : نعم
فيصل : خذي شنطك
كان يقدر يقول للشغالات يطلعونها فوق بس يبي يعذبها باي شي
ليان عرفت قصده والا اهتمت : خدمت بيت بأكمله مو عاجره اخدم عمري (سحبت شنطها وحطتها في الاسانسير وطلعت

فوق)
انقهر فيصل كان يبي يقهرها بس واضح انه والاهمها وهو اللي انقهر

دخلت ليان شنطها كانت ثنتين كبار مره وحده متوسطه وشنطت مكياج استغربت متى لين لحقت تجهزهم وبدون محد يحس فيها



~~~~~~~~~~~~~~~~

منال بعصبيه : متأكده انه اخذها يعني خطتنا مانجحت
لمى : اللي عرفته انه جاء امس قبل العصر 5 دقايق ومشى وبدها صارت تصارخ وتبكي ولما رحت عندك جاها بعدها بساعه

واخذها
منال : مو معقول اشلون وكل اللي سويناه
لمى : منال اهدي ولا نستعجل امي تقول انها البارح اتصلت تبكي وتبي ترجع معناه معذبها
منال بصراخ : عساه يعذبها او يقتلها ان وش يهمني دامه ماطلقها
لمى : ماتدرين يمكن بيأخذها تشوف جدي وبعده بيطلقها
منال : وانا وش بيصبرني بتصل على سحر تشوف لي صرفه وانتي لاتمر نص ساعه الا وانتي عندي
قفلت قبل لاتسمع رد واتصلت على سحر تطلب منها تجي



~~~~~~~~~~~~~~~~~

فتحت لين اول شنطه لقت فيها شنطه صغيره فيها اكسسوارات وطقمين الماس ناعمين مره طلعت لها تنوره قصيره لركبه موف

وفيها دانتيل من تحت ابيض وبدي ابيض عليها كتابه بالموف الامع وصندل (عزكم الله ) خفيف ابيض لبستها ملابسها واخذت

شنطت المكياج حطت لها ميك آب خفيف مشطت شعرها وهي ضاغطه على اسنانه من الالم وتركته مفتوح تعطرت ولما شافت ان

باقي وقت قررت تفتح الشنط تشوف وش فيها
تفأجاة ان لين مانست حتى الملابس ومناديل الشعر اللي تحتاجهم براا كانت تحاول تحبس ادموعها لاتبكي فتحت الشنطه المتوسطه

ونصدمت باللي شافته كان فيها ملابس داخليه وملابس نوم في نظر ليان انها فاضحه خجلت لما شافتهم اجل اشلون لو تلبسهم كان

فيه كرت فوق الملابس افتحت تقراء الكلام اللي فيه ودموعها تسيل على خدها
دخل فيصل ولفت نظره الكرت اللي تقراها ليان وتبكي
فيصل : عطيني اللي بيدك
فزت ليان من سمعت صوته سكرت الشنطه بسرعه وخبت الكرت وراء ظهرها : ماتعرف تستأذن قبل لاتدخل؟؟
فيصل بعصبيه : بيتي وادخل وين ماابي بدون استأذان فاهمه وبعدين وش فيها الشنطه علشان تخافين كل هالخوف وتسكرينها
ليان : مافيه شي ومو من اختصاصك
قرب فيصل من الشنطه ولما جاء يفتحها مسكت فيه ليان تمنعه تكهرب من لمستها له لكنه دفها بعيد وفتح الشنطه انصدم وانحرج

من اللي شافه بس مابين
فيصل قرب منها بيأخذ الكرت وقال بخبث : من قالك انه مو من اختصاصي هذا اهم اختصاص
ليان كانت حالتها حاله لو قالولها وش امنيتك الحين كان قالت اتشهد واموت
فيصل : عطيني الكرت بالطيب
ليان بخوف : لا ابوس يدك لا
فيصل كان بيضعف مع رجاها بس عقله يقوله يمكن هذا دليل دامغ يثبت حقارتها .. قرب منها ومسكها بقوه سحب يدها واخذ

منها الكرت وقراء الكلام
الى تؤام روحي
تمنيت ان تجهيزك يكون يليق بأروع اخت واجمل عروس
ادري انك بتعرفين ان اللي بالشنط ملابسي بس والله ياعمري مو تقليل من قدرك لكن انتي عارفه الوضع
وبعدين احنا مو تؤام يعني انا ملكك وانتي ملكي
وعلى فكره هالشنطه اللي انا بسميها القنبله الموقوته تعبت فيها تعب
على فكره مو ذوقي لاني مااعرف بالشغلات هذي
بس تعرفت على وحده طيوبه بالمحل لما قلت لها اني اختي بتزوج ومو عارفه اختارلها نقت لك هالاغراض
تعرفين ياليان اتمنى اشوف وجهك وانتي لابسه وحده من هالملابس
من كل قلبي اتمنى تحصلي السعاده اللي عمرك ماعرفتيها
تؤامك اللي تحس فيك وتحبك
لين

خلص فيصل قراة الكرت وهو يسب نفسه انه ماسمع ترجيها كان الى الان ماسكها كانت منزله راسها مايدري وش اللي خلاه

يرفع وجهها له كانت الدموع تغطيه وحمرت الخجل من اللي شافه
ليان ببكى وهي تناظر في عيونه : اتمنى تكون استمتعت واشبعت فضولك
سحبت نفسها منه وراحت تركض للحمام (عزكم الله)
فيصل كان تايه كل مره ينظر بعيونها يتوه بجمالها وبنظرة الحزن فيها برغم كرهها للون عيونها الا انها كل مره تلبس ملابس تبرز

لون عيونها وتزيدها جمال فوق جمالها


~~~~~~~~~~~~~~~~~~~~~

جت ام ماجد وندى ام ماجد اول ماشافت ليان والكدمه اللي فوجها صارت تناظر بفيصل بغضب ليان عرفت ان عمتها على بالها

اللي مسوي فيها كذا فيصل
ليان ببتسامه :عمتى ليش تناظرين في فيصل على بالك انها منه؟؟
ام ماجد وهي تنقل نظراتها من فيصل الى ليان : اجل من اللي سوا كذا
ليان : بتصدقيني لو قلت اني طحت والكدمه فيني من قبل لا اجي مع فيصل
ام ماجد بقهر : من ابوك والا من امك
ليان برتباك : مو من احد قلتلك طحت
ندى : المحقق كونن شوي شوي على البنت
ليان : فديت روحها خليها تاخذ راحتها
ام ماجد : ياجعلك سالمه يمي (وهي تناظر في ندى ) شوفي الذرابه والسنع مهو انتي
ندى : ايه اجل خليها تحقق وترى ماعندها امي خطوط حمراء
ليان حمر وجهها من الخجل وماردت لو كان فيصل مو فيه كانت تعرف تسكتها بس الحين التزمت الصمت
فيصل بخبث : دام مافيه خطوط حمراء يله يمه استرسلي على بركت الله
ام ماجد : اجل بسم الله نبدا ندى ضفي وجهك ياروحي اشرفي على الغداء او متري الحديقه
ندى : يمه تعوذي من بليس واذكري الله وابدي لاتستحين مني
ام ماجد : الحين انا اللي بستحي وانتي يالفاهره فاكتن خشتك بتقومين والا مافيه عرس
ندى : غسلت يدي من العرس من عقب وعد اليوم وتحت الضغوط النفسيه
ام ماجد : الشكوى لله لصقة عنزروت مامنها فكه
فيصل : ندى قومي اشرفي على الشغالات
ندى بقهر : وربي ظلم جايه عشان اقعد مع الشغالات
فيصل وهو يناظر ليان : والله وش حلاتهن الشغالات حبوبات وادب واخلاق الشغاله الوحيده فيهم اللي مافيها شي من الادب

والاحترام عاطيها اجازه اليوم
ام ماجد : وش تبي فيها ليه ماتقلعها ؟؟؟
فيصل وهو يرجع ينظر با ليان يشوف الرساله وصلتها او لا: على قولتك لصقة عنزروت والا علي ودي اقلعها اليوم قبل بكره
ندى : قولي عليها وانا اوعدك اشوتها لك من البيت شوت
فيصل : بيجي يوم واطلب منك توفين في هالوعد
ام ماجد : الله يكفيك شرها
فيصل : آمين عاد شرها مافيه اقذر واحقر منه .. المهم ماودكم نقوم نتغداء
قامو كلهم لغرفة الطعام ماعدا ليان اللي دموعها اول ماشافتهم يقومون خانتها ونزلت غرقت وجهها

أدمنت أحزاني
فصرت أخاف أن لا أحزنا
وطعنت ألافا من المرات
حتى صار يوجعني ، بأن لا أطعنا
وتشابهت كل البلاد..
فلا أرى نفسي هناك
ولا أرى نفسي هنا ..

فيصل بحده وصوت واطي بعد مارجع لها : عن تمثيل دور البريئه وقومي لاتلاحظ امي شي
رفعت له وجه مبلل بالدموع وكاسيه الحزن بس اللي صدمه نظرت الاستسلام والانكسار بعيونها
فيصل : ليه كل هذا ؟؟؟
ماردت عليه مسحت دموعها قامت ووقفت قدامه : مو ضروري اقول ليه كل اللي اقوله الله لايذوقك اللي ذقته لان اللي شفته

في دنياي مااتمناه حتى لعدوي
راحت لغرفة الطعام وجلست تأكل معاهم او بألاصح تحرك الشوكه بصحنها وتوهمهم انها تأكل وكل بعد فتره ترفع لهم وجههاا

وهي ترسم ابتسامه على شفايفها بدون ماتسمع عن ايش يتكلمون


~~~~~~~~~~~~~

سحر : طيب يمكن صح على لمى بيأخذها لجده يشوفها وبعدها بيطلقها
منال : لاتسكتوني بالكلام هذا دامه ماطلقها الى الآن معناه ماراح يطلقها
لمى : يعني وش تبينا نسوي
سحر : منال انتي اهدى واتركي الموضوع علي وافكر بشي مناسب
منال بعصبيه : وعديني قبل انه مايمر السبت غير وهو مطلقها وماشوفك وفيتي في وعدك
سحر : منال بأسلوبك وتهورك بتخربين كل شي اهدي وانا اقولك وش بنسوي
منال : يله قولي اسمعك
لمى : الله يستر منك انتي وافكار وبليز طلعيني منها
منال بصراخ : كلي تبن وخلينا نسمع


~~~~~~~~~~~~~~~~~~~

الساعه 9 بعد ماطلعت امه ام ماجد وندى

فيصل : روحي نامي لان رحلتنا الساعه 4 ونص الفجر
ليان بهدوء : ان شاء الله اي شي ثاني ؟؟؟
فيصل انقهر من استسلامها يبيها تقاوم علشان يستمتع بتعذيبها : لا انقلعي
ليان بنفس الهدوء : ان شاء الله .. وعطته ظهرها وراحت تمشي لغرفتها
دخلت غرفتها وجهزت شنطتها واغتسلت وصلت وقرات قرآن واستسلمت للنوم على سجادتها وملاذها الامن
وكلها شوق وحنين الى الشخص الوحيد الذي احبها حب صادق لم تخالطه اي شائبه





نهاية الجزء الرابع

كيف سيكون لقاء ليان بجدها وماهي ردة فعله عندما يرى ماهي عليه؟؟؟؟؟
هل ستحيك شلة الشر خيوط مؤامره جديده لليان ؟؟؟؟
ماهي خطة الجد لحماية فيصل من اعمامه ؟؟؟ وهل ستنجح خطته؟؟؟؟
هل ستتغير علاقة فيصل وليان امام الجد خارجيآ فقط ام ستغيرهم من الداخل؟؟؟؟

ابوس راسك يازمن ماعاد فيني للجراح

الجزء الخامس


كلن له الله لو تخليت عني
محدٍ يموت ياصآحبي قبل يومه
مدآم قلبك جرح قلبي وطعني
مااشره على انسآن بعدك والومه

كل المصآيب دلن طريقي وجني
والحزن ارسلي باقي همومه
من كثر همي احس الهم مني
لاغآب همٍ يجي هم يعلن قدومه

شمت كل عدآي وخيبت ظني
والقلب حطمت به باقي عزومه
تعآل شوف اليآس حلّ وسكنْي
والجسم مايقوى يرفع هدومه




وقف يناظر فيها وهي نايمه مثل الطفل على سجادتها كانت التكييف باااااااارد وهي مو متغطيه غير بجلال الصلاه واضح عليها انها

بردانه قرب منها وهو مستغرب من حالتها ليلتين وهي تنام بنفس المكان جلست يتأملها وهو يفكر ليه دايم يحس بضعفها وخوفها

وانكسارها معقوله ان كل الطهاره والبرائه اللي يشوفها فيها مجرد قناع تختفي خلفه ابشع انسانه .. وقف وبعد عنها خاف انها

تصحى وتشوفه وهو يتأملها
فيصل بحده وبصوت عالي شوي : لياااااان
فزت ليان من نومها مرعوبه تحاول تستوعب وينها فيه
فيصل بسخريه : يالاميره النايمه مطوله تتأملين الغرفه؟؟؟ اصحي ورانا طياره
جلست ليان وهي تسمك يدها اللي تألمها من نومها على الارض : عشر دقايق واكون جاهزه عند الباب
فيصل : لا ياحلوه ماحزرتي باقي معانا ساعه وبما اني جوعان ومااحب اكل الطياره والشغالات نايمات وحرام ازعجهن

فابتقومين تجهزين لي قهوتي وفطوري
ليان بصدمه : الحين؟؟
فيصل بعصبيه : ايه عندك مانع؟؟
ليان : شنو تحب تفطر؟؟
فيصل وهو يمشي بيطلع من الغرفه : اي شي مو مهم (وطلع)
اخذت ملابسها اللي كانت مجهزتها ودخلت الحمام تبدل لانها ماتقدر تغير ملابسها بالغرفه دام فيصل يدخل ويطلع بدون استأذان بعد

ماخلصت فرشة اسنانها وطلعت مشطت شعرها ناظرت في شكلها في المرايه صدق الكدمه بدت تخف شوي لكنها تخاف جدها

يشوفها ماكانت تدري وش مخطط له فيصل هل بيرجون من المطار للمستشفى مثل ماتتمنى او بيرحون للفندق اول فقررت انها

تحط ميك آب خفيف تحاول تخفي فيه الكدمه ويغطي على شحوب وجهها بعد ماخلصت نظرت برضي لنفسها وللانجاز اللي سوته

طلعت من غرفتها واول مانزلت الدرج تذكرت انها ماتعرف اشلون يحب قهوته احتارت ماتدري وش تسوي
(ياربي وش اسوي الحين مالي الا اروح اسأله ..لا لا شنو اروح .. والا ليه لا انا مجرد خادمه في حياته واي خادمه

ممكن تدق باب غرفتها سيدها وتسأله عن نوع قهوته المفضل) كل هالكلام كان يدور في ذهن ليان ومع انها اقنعت نفسها الا انها

راحت لغرفته بأرجل ترتجف تقدم خطوه وترجع خطوه .. وقفت قدام غرفته متردده هي حتى ماتعرف اذا هذي غرفته او لا

حكمت انها غرفته بس لانها شافته يدخلها كم مره .. اخيرآ تشجعت ودقت الباب

فتح فيصل الباب وكان لابس بنطلون.. اما صدره كان مكشوف ... وهالشي خلى كل الوان الطيف تمر على ليان لما

شافته تمنت الارض تنشق وتبلعها .. كان صدره وبطنه مرسوم رسم .. عضلات صدره بارزه وعضلات بطنه

مقسمه ومحدده,, نزلت عيونها وصارت تناضر في الارض وهي ترتجف من الاحراج وحمرة الخجل كاسيه وجههاانصدم

فيصل من وجودها عند بابه بس سكت ينتظرها تتكلم وهو ويتأمل في شكلها اللي سحره استغرب من خجلها والحمره اللي غطت

وجها معقوله تقدر تمثل حتى بالشي هذا مستحيل يكون كل هالخجل والرجفه والخوف تمثيل ..

فيصل : ليه جايه فيه شي ؟؟
ليان :........
فيصل بحده : تكلمي ليه جايه؟؟
ليان بخوف وارتباك وخجل : هاه .. لاااااا .. بس ..

سحبها فيصل من يدها وضمها لــ صدره وهو مستغرب من حركته.. يكره هالانسانه لانها تضيعه كل ماشافها ..يفقد معها

كل سيطره على نفسه ... اما ليان كانت مثل سنبله في مهب الريح .. من اول يوم شافته في ملكتها وشافت منه حنانه

كانت امنيتها ترتمي على هالصدر وتبكي سنوات القسوه اللي عاشتها تبكي جبروات اب وقسوة ام .. وهذي هي رجعت

لصدره مره ثانيه بس بعد ماعرفت قسوته ماكانت تبي تبكي كانت تبي تدور الحنان اللي شافته منه وتسألها وش صار وليه تحول

بيوم وليله لقسوه

ضمها اكثر له وقرب شفايفه من اذنها وبهمس : عمري ليه ترتجفين خايفه مني ؟؟
كان عقلها يحاول يستوعب كلمة عمري اللي قالها بحنان وهمس وانفاسه تحسها تحرق وجهها .. كانت تبي تصرخ فيه وتقول

ايه خايفه منك جربت حنانك وجربت قسوتك .. ايه خايفه لاني تعلقت فيك من اول ماشفتك .. ايه خايفه على كل امل

وحلم بنيته بمخيلتي عن الحب والسعاده اللي بعيشها معك انها تتحول لكابوس يقتل بقايا الانسانه اللي بداخلي ... قبل ماتنطق

بأي كلمه كان فيصل اسرع منها

فيصل وبنفس الهمس : حبيبتي ليه مانستفيد من زواجنا .. انتي استفدتي واحد ستر عليك ووفر لك بيت لان ابوك مايبيك في

بيته .. بس انا اللي طلعت خسران .. فقلت استفيد واحصل على حقوقي كزوج.. صحيح بيكون بس اشباع نزوه لكن

على الاقل بيكون بالحلال مو بالحرامسكت شوي ينتظرها تتكلم ولما ماسمع منها اي صوت بعد بيدها خصلات من شعرها وقرب

شفايفه من اذنها اكثر وبهمس خالي من اي رقه او نبرة حنان : بس المشكله اني لو اشوفك عريانه قدامي ماتحرك فيني اي

احساس تجاه وحده حقيره وقذره مثلك
خلص كلمته وتركها وبعد عنها

تركها حطام انثى ..شضايا احلام مبعثره مافيه شي ممكن يجمعها ..تركها جسد ميت بلا روح .. كانت كلماته مثل

السياط على جسدها وقلبها اللي ادمته كثر الطعنات والجراح .. حتى الدموع تحجرت بعيونها ..

فيصل كان يناظر فيها توقع انها بتثور وتصارخ وتبكي او اقل شي تروح لغرفتها وتحبس نفسها فيها بس اللي صدمه انها واقفه

قدامه مثل ماهي وبكل هدوء بستثناء ان رعشتها وحمرت خدودها اختفت وانفاسها السريعه هدت او بالاصح ماكان يحس انها

تتنفس ولو انها مو واقفه قدامه وتناظر فيه والا كان قال انها ماتت

فيصل : مطوله تتأمليني عسى اكون عجبتك بس .. يله تحركي ورانا رحله
ليان بهدوء : كيف تحب قهوتك؟؟

فيصل كان ناسي انه طلب منها تسويله قهوته وفطوره ولما قالها وماكان متوقع انها بتنفذ كلامه مو لانها عنيده بس لانها بتنشغل

بتجهيز نفسها للسفر .. يعني جيتها لغرفتي علشان تسألني كيف اشرب قهوتي وانا اللي قسيت عليها لاني توقعت انها جايه

بكل جراءه تلمح لشي .. بس خجلها وارتباكها هو اللي خلاني افكر وافهمها كذا.. يعني البنت ماجت تعرض علي

نفسها وانا بكل قسوه ادبتها على فكرتي الغلط

فيصل وهو يحاول يلين صوته قدر مايقدر : احبها سوداء وبدون سكر بس لاتسوونها روحي جهزي نفسك
طلعت ليان بدون ولا كلمه ونزلت للمطبخ جهزت فطور سريع له وقهوته السوداء وحطتها على طاولة
دخل فيصل وهي تحط الفطور : قلت لك لاتسوون شي ورحي جهزي نفسك ليه تعاندين
ليان بهدوء بعد ماخلصت : مااعاند واسفه ماسمعتك ... خلصت كلامها وطلعت
بعد عشر دقايق نزلت ومعها شنطتها .. كان فيصل جالس يشرب قهوته وماكان له نفس يأكل شي
فيصل : ليان تعالي افطري امس مااكلتي شي
ليان بهدوء : شكرآ مو جوعانه

انقهر فيصل منها كل مره يجرحها كان يتوقع انها بتثور وبتشيل قناع الطيبه والانكسار لكن ماكان يحصل ردها غير بدموع تحاول

تحبسها لكنها تخونها وتنزل حتى هالمره لما فسر جيتها غلط وتفنن بجرح لها قابلته بهدوء غريب حتى بكاء مابكت وفوق كل هذا

سوتله قهوته وفطوره .. كان يعرف ليه يعذبها علشان غلطتها اللي ماتغتفر بس اللي كان مو لاقي له اي تفسير ليه كل مره

يعذبها يتعذب هو معها

طول طريقهم للمطار وليان مازالت بحلة جمودها وفيصل كل تفكيره فيها وما كان فيه اي صوت بالسياره ماعدا صوت ابو نوره

احبس دموعي حبيبي من غلاك
انت دمعه .. خايف ابكيك وتطيح
يـاحبيب الجـرح .. اتعبني عنــاك
فــي يدينك قـــلب لكنه جـريح
بـ نشدك قد صرت نجمٍ في سماك
او مشيت بدرب .. ماهو لي صحيح
جـابني يمـك حنيــني مــانسـاك
قام ينشد عنك شــوق ٍ بي يصيح
من عذاب البرد .. جيت ابغى دفاك
واثرك بصادق حنينك لي شحيـح
مايمـــوت القلب لا صــد وجفــاك
مايموت القلب .. لـكن يستريح
بـ احبســك مابين جـفنين و لقــاك
لاالتقى بالعين .. ملتاع و مريــح


وصلو للمطار الساعه اربعه الفجر ماكان باقي على رحلتهم غير نص ساعه.. خلص اوراقهم بسرعه وطلعو للطياره
اول مابدت الطياره تتحرك تذكرت ليان رعبها من الطيران كل مره تكون لين جنبها تهديها وتقرا عليها .. في اخر رحله لهم

ماكان مقعده بجنب لين وانهارت عليهم من البكاء والصياح حتى ان ابوها ضربها علشان تسكت بس مافاد الين اضظر يجلسها

بجنب لين بس الحين لين مو معها

صارت تبكي بصوت واطي حيل ..حس فيها فيصل وقرب منها : ليه تبكين خايفه ؟
هالكلمه صحتها من صدمتها فجرت داخلها كل الالم من كلماته المسموه اللي سمعها لها وهي بحظنه .. صارت تبكي بصوت

اعلى شوي وبخوف وكل مازادت سرعت الطياره علشان الاقلاع زاد معه بكاها وخوفها وصعوبة تنفسها.. قرب فيصل منها

يبي يمسكها ويهديها لكنها كانت تدفه وتبعده عنها
تذكر ان في شنطة اوراقه حبوب منومه كان يستخدمها في الرحلات الطويله .. نادى على المضيفه وطلب منها كأس ماء
لما جابته له .. مد الكأس لليان وهو يحاول مايقرب منها علشان مايزيد بكاها

فيصل : ليان خذي الكاس وكلي هالحبه بتريحك
لكن ماكان فيه اي رد من ليان غير بكاها واضطراب تنفسها ..
حست المضيفه ان فيه شي بينهم رغم خوفها من الطيران الا انها رافضه تقبل منه اي مساعده ... تدخلت واخذت الكأس

والحبه من فيصل وراحت لجهة ليان
المضيفه قربت من ليان ومسحت على ظهرها بحنان : يله حبيبتي خذي الحبه واوعدك ترتاحين
اخذت ليان الحبه بدون ماتتكلم وبلعتها .. بس لما شافت المضيفه تبي تروح مسكت يدها بسرعه
ليان بصوت خنقه البكاء وبكل رجاء : لاتتركيني
قام فيصل وطلب من المضيفه تجلس مكانه ولما شاف المضيفه بتعترض اشر لها بيده خمس دقايق بس .. بعد ماجلست بجنبها

المضيفه راح وجلس على مقعد فاضي قرب منهم .. كانت نظراته معلقه بليان وهي متمسكه بالمضيفه تدور عندها الحنان

والامان .. كسر خاطره منظرها والخوف والدموع اللي شافها بعيونها .. كره نفسه على حركته اليوم معها . هدوئها

كان كله صدمه ماصحاها منها غير خوف من الطياره

اول ماحس فيصل ان ليان نامت رجع لمكانه بعد ماقامت المضيفه وخر مساند اليد اللي بينهم وقربها منه وحط يده من وراها

وراسها على صدره .. على كثر مايقسى عليها وهو عارف انها تستحق اكثر من كذا على كثر مايتقطع قلبه عليها لما يشوف

دموعها وانكسارها .. كان طول عمره وعقله وقلبه على خط مستقيم مايختلف هي الوحيده اللي يختلفون مابين عقل يطالب

منه يعاقبها او يتخلص منها على غلطتها القذره ومابين قلب يتعذب علشانه ويقول حبها وارحم حالها كافي اللي شافته بحياتها

لاتكون انت والزمن عليها وهو مشتت مايدري يسمع كلام عقله او قلبه

اول ماهبطت الطياره في مطار فرانكفورت بعد رحله دامت خمس ساعات بعدها فيصل عن صدره وسندها للجهه الثانيه من المقعد

.. كانت ليان غارقه في النوم بفعل الحبوب وقلة النوم اللي تعانيها حست بيد تهزها واحد يناديها فتحت عيونها بصعوبه وبعد

ماستوحبت ان فيصل هو اللي يصحيها فزت بخوف وبعدت عن يديه

فيصل : خلاص وصلنا ماله داعي الخوف وروحي لدورة المياه اذا بتبدلين ملابسك
قامت ليان وبدون ولا كلمه اخذت شنطتها الصغيره وراحت للحمام (عزكم الله) غسلت وجهها من اثار الدموع وفسخت عباية

الراس ولبست بدالها عباية كتف ساده مافيه اي زينه ولفت حجابها باحكام علشان ماتبان ولا شعره ناظرت في المرايه ولان

وجهها خالي من اي ميك آب وواضحه الكدمه وشكلها بيكون محرج اخيرا سوت من طرحتها لثمه واخذت شنطتها وطلعت

انصدم فيصل لما شافها هو قالها روحي بدلي ملابسك وكان قاصد يعطيها الضوء الاخضر بيشوف وش تسوي لكن اللي ماتوقعه

ولا واحد بالمليون انها بتلبس كذا
فيصل : بتطلعين كذا
ليان ببرود : عندك اعتراض
فيصل : لا ماعندي ويله ننزل
طلعت معاه بدون ولا كلمه ... دخلو المطار وبعد ماخلص بعض الإجراءت اخذها لـ كفي شوب
فيصل : شنو تحبين اطلب لك ؟؟
ليان بحده : ماابي شي ابي اروح لجدي
فيصل وهو يفتح جواله :ان شاء الله ياطويلة العمر بس بعد الرحله الثانيه والا ناسيه ان جدي في فرايبورغ مو في فرانكفورت
انحرجت ليان كل اللي تعرفه ان جدها في ألمانيا وتعرف انه في مستشفى سانافونتيس بس وين بالضبط ماتدري
فيصل : ماقلتي شنو اطلبلك ؟
ماردت عليه واكتفت بتحريك راسه بــ لا

بعد انتظار ساعتين في المطار طلعو على الرحله الثانيه كانت ليان هالمره اهداء شوي من قبل بس برغم كذا كانت شاده بيديها

على المقعد بكل قوتها وواضح سرعة تنفسها والدموع اللي بعيونها انها خايفه ماحاول فيصل انه يساعدها لانه عارف انها ماراح

ترضى
اول ماوصلو فرايبورغ كان فيه سياره بنتظارهم
ليان بعد ماركبو السياره : وين بنروح للفندق او عند جدي
فيصل : لابنروح نرتاح وبعدها نطلع لـ جدي
ليان برجاء : ارجوك خلنا روح له الحين
فيصل : إيش فوشتا سانافونتيس جيهن
السواق : اوكي
ليان مافهمت من كلامه شي بس مااهتمت تعرف كل اللي تبيه تروح لــ جدي : ارجوك
فيصل بحده: خلاص ماتسمعين قلت له يأخذنا للمستشفى
ليان : وانا وش بيعرفني ان الطلاسم اللي قلتها له من شوي معناها يودينا لجدي
فيصل وهو يحاول يتصل على امه ام ماجد :هالطلاسم على قولتك تكون لغتهم

ام ماجد : الووو
فيصل : هلالالالالالا وغلاالالالالا حي هالصوووووت
ام ماجد : تحي وتدوم ياعيون امك .. طمني يمي وصلتو
فيصل : ايه يالغلا ابشرك وصلنا وبخير
ام ماجد : الحمدلله يالغالي وشلون ليان عسى ماتعبت
فيصل : لا يالغاليه وعطيني المهبوله اللي تصارخ عندك ماخلتني اسمعك
ام ماجد : الله انه يزعجها مارد على تلفون الا وهي قاطتن معي
ندى بعد مااخذت التلفون من امها : هلالالالالالا وااااااااالله تصدق اني عرفت انك انت اللي متصل من شفت احبال امي

الصوتيه طالعه وترقص سامري
فيصل : حتى احبال امي الصوتيه ماسلمت منك يابنت اعقلي لا اذبحك
ندى : هههههههههههههاااااي تبطي عظم ذبحتي يابابا بعيده عليك بعد العرس عني
فيصل : ياهالعرس اللي مدخلته في كل سالفه
ندى : ههههههههههههه شفت شلون بصدع روسكم فيها الين تزوجوني
فيصل : اذا مت فكري تزوجين قبله لا
ندى : هو انا قلت كل ماقلت لواحد فيكم ابي اتزوج قال عقب مااموت ياناس لاتحدوني اسوي فيكم مجزره جماعيه
فيصل : زين انك نبهتيني علشان لو صار لي اي شي لاسمح الله وقالو في من تشك بقول انتي وعاد تحملي مايجيك اعدائي

كثر التراب
ندى : السجن والعنوسه اسمان لمعاناه وحده يعني ماتفرق عندي .. ايه صح نسيت وش الفلم اللي سوته ليان بالطياره
فيصل : بسم الله ساحره انتي اشلون عرفتي
ندى : ههههههههههههههههه لا بس هي كل مره تسوي فلم بحضن لين وهالمره اكيد معك
فيصل (اي حضن وهي ماتحملت اني المسها) : لا ماصار شي بس شاده على المقعد وشوي وتبكي
ندى : ياعمري عليها طول عمرها خجوله حتى وهي ميته خوف .. وعسى ماغرمتكم شركة الطيران قيمة المقعد؟
فيصل : لا ربك ستر المهم احنا وصلنا وقولي لـ امي بتصل عليها من عند جدي علشان تكلمه يله ضفي وجهك


نزل فيصل وليان ودخلو مستشفى سانافونتيس اللي يعتبر من اكبر المراكز في علاج السرطان كان شوق ليان يسبق خطاها كانت

تبي تصل للقلب الطيب والصدر الحنون والملاذ الامن ..

وقف فيصل عند غرفه عرفت انها غرفة جدها دخل فيصل ودخلت بعده .. شافت فيصل وهو يسلم على جدها خنقتها العبره

وهي تشوف جدها مرمي على السرير الابيض وفاقد قوته الجسديه لكن تحس ان روحه قويه مثل ماهي كانت الدموع تغطي

وجهها مو قادره تشوف شي قدامها

مد جدها يديه لها وهو يقول بحنان هلا بنتي.. كانت اشاره لليان انها تركض لجدها وترتمي بحظنه تبكي حال جدها وحالها

على صدر الانسان الوحيد اللي مااحد حبها كثره .. كانت تبكي بحرقه تقطع القلب تبكي سنين القسوه اللي عاشتها بعيد عن

جدها اللي كان يرسم البسمه على شفاها
ابوعبدالعزيز : ليه البكاء ياقلب جدك هذا انتي عندي والا بس بتضيقين صدري
ليان ببكي : سلامة صدرك من الضيقه عسى كل ماتعانيه فيني ولا فيك
ابوعبدالعزيز : بعيد الشر عنك لاتقولين كذا
ليان : ورب البيت واللي خلق في هالجسد روح انه لو بيدي اكون مكانك وانت متعافي ومتهني ماترددت لحظه وحده
ابوعبدالعزيز : ليااااان والله ان سمعت هالكلام منك مره ثانيه ان لساني مايخاطب لسانك طول عمري
ليان : لا ياجدي خل كل الدنيا تخاصمني وتكرهني الا انت لا وربي ماتحمل زعلك (حطت يديها على فمها )خلاص سكت

ماراح اقول شي (وبصوت مخنوق بالبكاء) بس انت لاتزعل مني مالي غيرك
ابوعبدالعزيز : لك رب العالمين يابنتي وكلنا حولك ونحبك ونغليك ويله اكشفي ليه حارمتني من هالوجه الحلو
ارتبكت ليان بس ماعدنها اي عذر تقوله وعارفه ان جدها ماراح يسكن على ابوها لو درى
ليان : لا جدي خلني مغطيته الين تروح الكدمه (وبمرح) اللي معيرتني فيها ندى ماتناديني من طحت غير بالحولا
ابوعبدالعزيز بجديه : ليان قلت اكشفي وجهك واذا تعلمتي تخفين الكذب ذيك الحظه تعالي اكذبي علي
كشفت ليان وجهها وبرتباك تحاول تخفيه : جدي الله يهديك اي كذب
ابو عبدالعزيز مارد عليها وبعصبيه وهو يناظر فيصل : هذي الامانه اللي امنتك عليها يافيصل هذا وانا بعدني حي سويت كذا

اجل لو مت وش بتسوي
فيصل بقهر : بعيد الشر عنك ياجدي وانا مالي دخل بالسالفه اخذتها من بيت ابوها كذا تبي تعرف ليه سوا فيها كذا هذي هي

عندك اسألها
ابوعبدالعزيز بغضب : حسبي عليك الله يأبراهيم اللي بفعالك تحدني ادعي عليك
ليان : لااااااااااا ياجدي ابوس يدك لاتدعي عليه انا غلطت اكيد والا ماكان ضربني
فيصل بسخريه : زين اخيرآ اعترفتي
ابو عبدالعزيز بحده : فيصل خلص اوراقي واحجز لنا على اول رحله للرياض

~~~~~~~~~~~~~~~~~~~~~

في بيت العمه نوره

ندى : يمه اتصلي على جارتنا ام مشاري وقولي لها ترسل روان علشان اذاكر لها بس خلي روان تكلمني علشان اقولها وش

تجيب معها
ام ماجد : بسم الله على بنيتي .. من متى هالعقل اكيد تحسين بشي
ندى : لا يمه قلت مادام مالي مستقبل في الزواج على الاقل يكون لي مستقبل في التدريس
ام ماجد : ههههههههههههههههههه ايه يقولون اذا عرف السبب بطل العجب مشاري خاطب بنت خاله يعني لاتميلحين عندهم

بتدريس روان
ندى : اللي يبشرك بالخير .. وستمري بتحطيمي رعاك الله ومن اليوم انسى يمه وماما وماميتو مافيه غير يأم العانس

علشان تحسون بمعناتي
ام ماجد : هاا يالعانس اتصل عليهم والا هونتي
ندى بقهر : ايه اتصلي ولاتقولين عانس
ام ماجد وهي تتصل : وش اسويلك انتي تقولين ام العانس اجل انتي العانس وانا جازتلي ومن اليوم مالك عندي غيره
ام مشاري : الوو
ام ماجد : هلا والله
ام مشاري : هلا بالغاليه وشلونك عساك طيبه
ام ماجد : بنعمه من ربي ولايكثر هرجتس ترى مالنا غير ساعه عن بعض
ام مشاري : هههههههههههههههههههه خلاص ياكافي اكلتيني بقشوري هاا بشري عسى ندى وافقت تدرس روان
ام ماجد : ايه ابشرتس بس نادي روان تكلمها
ام ماجد تكلم ندى : روحي عطيني ماء على ماتجي روان
ندى بعد ماجابت الماء لامها واخذت السماعه : هلا رو رو
روان بعصبيه : شايفتي ظاطور عندك تدلعيني رو رو
(الظاطور لغير الناطقين بالنجدي هو :وزغة , برص, بعرصي,ابو بريص )<<<هذي كل المسميات اللي لقيتها واذا

لقيت له اسم جديد اوعدكم احطه بالشرح القادم او سموه مثلي تمساح صغير خخخخخخخ
ندى :ول ياطول السانك مو منك والله من العجز امي وامك اللي مقابلتهم طول اليوم
روان : مقابل العجز ابرك من مقابل العوانس
ندى بقهر : ادري من محفظك ذا الكلمه لكن اسمعي (وتناظر في امها ) والكلام لك ياجاره .. إيه أفتخر لا قالوا الناس

عانس ...ما دام من يطلبن ماهوب رجال
ام ماجد : هههههههههههههههههههههه والله وسوت منك العنوسه شاعره استمري على قيام الليل يمي عسى ربي يرزقتس

ويتقدم لك واحد داعيتن عليه امه وانتي ارفضيه مع ان ماهو ظني وعقب صكينا في هالبيت
شالت ندى التلفون وبعدت عن امها بقهر بدون ماترد عليها
ندى : روينه عن الضحك لا اجي اقحص ببطنك واسوي خمسات واسمي وش بقولك
روان : تخسين تسوين ببطني خمسات وبعدين فيه احد خبل يدرس فالعطله
ندى : عن الفلسفه وسمعيني ولاتطاوعين هالعجز بيدمرن مستقبلك مثل مادمرن مستقبلي خذي شنطتك وفضيها من الكتب

وحطي لك فيها ملابس غيار واحد مو تضفين الدولاب
روان بفرحه : ليه بنسبح
ندى : احلا من السباحه وجيبي معك العربه اللي فيها حبل من قدام ومعزرتن بسويويقكم كل يوم يسحبك
روان برتباك : وشلون عرفتي
ندى (الطلطله من الشبابيك لها فوائد): ماهوب شغلك سوي اللي قلت لك عليه وتعالي انتظرك

(روان عمرها عمرها 8 سنوات البنت الوحيده بين 7 اولاد عربجيه وهمها أللعب عايده سنه اولى مرتين لانها الى الان

ماتعرف تجمع اكثر من 1+1)

~~~~~~~~~~~~~~~


خارج غرفة الجد ابوعبدالعزيز

ليان ببكي : فيصل تكفى ارفض تطلعه قول للاطباء لايطلعونه فيصل لو جدي رجع وصار له شي والله لا اقتل نفسي
فيصل : ليان اهدي وهذا قراره مابيدي شي
ليان وبكاها يزيد : فيصل ابوس يدك لاتخليه يرجع نفذ لي هالطلب الوحيد و والله لو تعذبني فاليوم مليون مره راضيه واكون لك

الخادمه المطيعه بس لايرجع جدي طلبتك لاتخليه يقتل نفسه عشاني
انصدم فيصل من كلامها حاول يقرب منها ويضمها على صدره لان الكلام اللي بيقوله مو هين .. لكن اول ماقرب منها ابتعدت

عنه بخوف
فيصل مااستغرب من حركتها اشلون بتحس بالأمان بين يديه وهو جرحها بكل قسوه وهي بين نفس الايدين : ليان صديقني

مااقدر اسوي شي مو لان جدي مصر بس لان كلام الاطباء يثبت صحة كلام جدي انه هنا او هناك ماراح تفرق بالنسبه له
ليان بصدمه : اشلون ماراح تفرق؟؟
فيصل بحزن : الاطباء يقولون انه مافيه شي ممكن يسوونه لحالته يعني وضعه هنا مثل وضعه هناك ويفضلون انه ننفذ له رغبته
ليان بصراخ : كذااااب والاطباء كذااابين كلكم كذابين ماتدرون شلون تدمروني قلتو نقتل جدها عشان ندمرها بس انا ماراح

اسمحلكم فااااااااااااهم مارااااااااح اسمحلكم
طررررررررررررررررااااااااخ
ما عطاها الكف بس عشان يصحيها عطاها لانها جرحت بكلامها صحيح انها كانت تقوله بدون وعي لكنه ألمه : اسمعيني

وصحي من جنونك اذا انتي تحبين جدي مره فأنا احبه مليون مره واتمنى افديه بعمري واذا هذي رغبته راح احققها له ومو بس

كذا قدامه بنكون اسعد زوجين فاهمه وكرهنا لبعضنا يكون بقلوبنا او اذا صرنا وحدنا
سكت فيصل ينتظرها تستوعب كلامه
ولما ماعلقت بشي : يله نروح نرتاح شوي ونبدل ملابسنا ونرجع له
ليان : لا انا بجلس عنده
فيصل : ماراح اسمحلك انه يشوفك وانتي كذا نروح واذا هديتي وتحكمتي بعصابك نرجع
استسلمت وراحت معه ... وطول الطريق للفندق وهي ساكته تنتظر الين تكون وحدها عشان تفرغ اللي بداخلها من حزن

ودموع
وقفت السياره عند فله صغيره ناظرت فيه ليان بستغراب : ليه مارحنا للفندق؟
فيصل : دام عندي بيت ليه اروح للفنادق اربع سنوات وانا بصفه شبه دايمه عند جدي مستحيل اقضيها كلها بفندق
دخلو البيت وكل واحد فيه من الهموم والتعب اللي مكفيه .. طلب فيصل من الخادمه تأخذ ليان على غرفتها وتطلع لها شنطها


~~~~~~~~~~~~~~~~

في بيت العمه نوره ام ماجد

ندى : بنتك العانس بتروح للحديقه اللي وراء البيت تلعب مع روان وتذاكر لها عندك مانع يأم العانس ؟
ام ماجد : بالاصاله عن نفسي وبالنيابه عن بنتي العانس مايخالف
ندى : والله وصرتي تقولين خطب بس لو ماخربتيها بــ مايخالف كان شي
ام ماجد : اقول ماودتس تذلفيني لا اهون

طلعت ندى بسرعه للحوش بس ماراحت للحديقه راحت لمدخل البيت لانه سيراميك انعم ابو شي
ندى : انا بأخذ خرطوم الماء وارش الحوش وانتي حطي صابون الفيري ولا اوصيك كثري
روان بفرحه : لاتوصين حريص بخلص العلبه كلها ولو احتاج الامر بجيب الثانيه

بعد ماملو الارض بالماء والفيري واللي واقفه بس وقوف يزلق اشلون لو مشى .. جابو العربه وكل مره تجلس وحده والثانيه

تدفها وتفحط هالعربه بالحوش الين ماتصك في جدار ولا باب والا تكرفس من فوقها من زود السرعه
مر الوقت عليهم وهم يلعبون وكل مره يتطاقون منو دوره واخر مره انتصرت ندى بحكم قوتها الجسديه اللي تفوق روان
ركبت ندى في العربه ودفتها روان بكل قوتها .. عرفت ان هالمره باب الشارع هو اللي بيستقبلها بأحظانه لكن اللي صدمه ان

الباب كان ينفتح اكيد احد افتحه من داخل بــ الانتر فون ماكان قدمها غير انها تستسلم لمصيرها الاسود ان كان فيه احد عند الباب

بتضفه معها واذا مافيه احد بتدرعم بالشارع

تسمرت نظرات ندى على الشاب اللي واقف عند الباب وبسرعه غطت وجهها بيديها .. تصدم فيه وتسحبه معها للشارع مو

مهم اهم شي لايشوف وجها
انصدم راكان بالخبله اللي جايته بكل سرعه عرف انه لو تحرك من مكانه مارادها غير الشارع ولو تقدم بيكون مصيره طيحه

محترمه وقف مكانه واول ماقربت له مد يديه ومسك العربه بكل قوته
ام ماجد بصدمه وهي عند مدخل البيت : وش ذا ؟؟؟
راكان بخوف على عمته : عمه لاتحركين الارض كلها ماء وصابون
دف راكان العربه بشويش على ورا وطلع وسكر الباب علشان يعطيها مجال تدخل

سمعت الباب يتسكر حاولت تنزل من العربه وبعد معاناه نجحت بطيحه معتبره وكل ماوقفت رجعت تطيح
روان الله العالم بحالها كانت طايحه على الارض وترفس برجليها من زود الضحك
اما مع امها فمصيرها مازال مجهول وغامض


~~~~~~~~~~~~~~~~~~~~~


في غرفة منال

منال بدلع : هلا بسعودي
سعود : غريبه وش هالرضاء اليوم؟؟
منال : دوم راضيه عليك ياعسل
سعود : اكيد تبين شي يله قول وش عندك
منال : اخس عليك سعودي هذا وانا متصله اقولك اختار اي مطعم واعزم اصحابك للعشاء الليله وعلى حسابي
سعود : شكرآ ماتقصرين بس ماابي اعزم احد ولا ابي عشاء ..غيره؟؟
منال : وش يرضيك اني اطلع معك .. ولايهمك بطلع معك وبعدها بعطيك تذكره لــ فرنسا وايطاليا درجه اولى وبخليك

تسكن بأفخم الفنادق وتصرف بالهبل .. هاا وش رايك ؟؟
سعود بصدمه : ول وليه كل هذا اذا تبين اقتل احد اقولك من الحين اغسلي يدك
منال : هههههههههههههههههههههه وانا وجه قتل حرام عليك
سعود : اجل شنو المهمه هالمره؟؟
منال : كل شي بوقته حلو ياحلوو


~~~~~~~~~~~~~~~~~~~~

دخلت البيت واستغربت ان امها ماشنت عليها حرب .. سمعت امها تكلم راكان وتقول له يدخل وينتبه وهو يمشي
دخل راكان وهو كل مامشى خطوها صار يتمايل ويضطر يثبت مكانه الين مايستقر وبعدها يمشي خطوه ثانيه ويدعي على الخبله

اللي مسويه هالبلاوي
وصل اخيرا وسلم على عمته
ام ماجد : ياوليدي السموحه منك فتحت الباب ونسيت انها تغسل الحوش
ناظر راكان بعمته وهو يحاول يخفي ضحكته على كذبتها اللي ماتمشي على بزر
ام ماجد : ماتنصدق صح .. اجل خلني الين ادور لي كذبه تنصدق وقولها لك
ضحك راكان من كل قلبه على عمته طول عمره يحبها تختلف عن اخوانها بكل شي انسانه اخذه الدنيا بساطه وضحك مافي قلبها

غير الحب وماتعرف تكره احد عمر الفلوس ماغيرتها رفضت انها تطلع من بيت زوجها او تغيره من بعد مامات برغم انها تقدر

تمتلك اللي افخم منه بمليون مره لــ ذكريات زوجها اللي فيه ولانها ماتبي تتخلى عن جيرانها اللي حبتهم ويحبونها وربت عيالها

على الطيبه والبساطه والتواضع ..

راكان بصدق : اشتقت لك يمه
ام ماجد عورها قلبها راكان مايقول يمه الا اذا متضايق من شي : راكان يمي وش فيك
راكان : مافيني شي يالغاليه بس اشتقت لك
ام ماجد : اجلس وقول لي وش صاير او والله لا ازعل عليك
راكان : يمه صدقيني مافيه شي
ام ماجد : بتقول ولا انسى تقولي يمه او عمتي اعتبرني ام صديقك وبس
استسلم راكان وقالها كل شي هو كان محتاج يشكي لااحد وهي احسن شخص ممكن يشكيله


~~~~~~~~~~~~~~~~~~~~

ليان ببكى : لين جدي تعبان ومصر انه يرجع
لين :ياعمري ليه البكاء جدي وعارفين من زمان انه مريض ومابيدنا غير الدعاء له
ليان : لين انتي ماتعرفيني جد وش بالنسبه لي هو حياتي كلها كل ليله ادعي له وادعي ان موتي قبل موته لان الموت اهون

عندي من اني افارقه
لين : ليان لو خيروكي بين ابوي وجدي من تختارين
ليان : مجنونه انتي اشلون يخيروني بين ابوي وجدي لو احد خيرك بين وحده من عيونك بتختارين
لين : لا مستحيل اتنازل عن وحده منهم
ليان : ابوي وجدي هم عيوني اشلون تخيريني بين وحده منهم
لين : رغم كل القسوه اللي شفتيها من امي وابوي لسه تحبينهم
ليان : لين انتي قلتيها امي وابوي ومهما قسوى علي لو سمحت لنفسي ان مكانتهم تنهز بداخلى لو شعره بعتبره عقوق فيهم لما

ندعيلهم نقول ربي ارحمهما كما ربياني صغير يعني يكفي تربيتهم لي تغفر لهم كل قسوه شفتها منهم

فيصل كان يسمع كل الكلام اللي قالته ليان بدون ماتدري عنه مو تصنت بس كان يبي يعرف هالانسانه هل نفس تصرفاته بحضوره

نفسها بغيابه ولا تنزع قناع الطيبه لكن اللي سمعه اصدمه وخلاه يشكك بصحة كلام البنت اللي نقلت له غلطها
انتظر شوي وبعدها دق الباب ودخل
ليان : لين سلميلي على الكل واكلمك بعدين
لين : اوكي ياقلبي ولاتزعلين نفسك
ليان : ان شاء الله يله بحفظ الرحمن
خلصت مكالمه وناظرت فيه : هلا فيه شي؟
فيصل : لا بس ماتبين تروحين لجدي
قفزت ليان بسرعه : اكيد ثواني بس البس واكون تحت



بعد نص ساعه بغرفة الجد

ابوعبدالعزيز : اخبار راما وعسى توصلت للون عيونك ؟
ليان : عذبتي ياجدي مره تطلعني في عز الظهر تقول تبي تشوف لون عيوني ومره تسحبني للسطح بنص الليل تقول يمكن

تكتشفهم على ضوء القمر واخر محاولاتها طفت انوار الغرفه وسلطت لعيوني كشاف والحمدلله لحق علي فيصل قبل لا انعمي من

محاولاتها
ابو عبدالعزيز : ياخوفي ان فيصل يكمل تجارب راما
فيصل : ههههههههههههههههههههه اجرب في عيوني لا اجرب فيها
(رن جوال فيصل )
فيصل : هلالالالا وغلالالالالا بحبيبتي وعمري وحياتي
(ليان برغم جرحه وقسوته بس حست بالغيره تنهشها من هذي عمره وحبيبته اللي لها الكلام الحلو وانا يسقيني العلقم )
فيصل :يابعد عمري والله وربي مو كثر شوقي
فيصل : ايه عندي خذيه معاك يالغلا بس لاتغازلينه ترى اغار عليك
ابوعبدالعزيز بعد ماعطاه فيصل الجوال :حي هالصوت
ام ماجد : تحي وتدوم يالغالي بشرني عنك
ابوعبدالعزيز : بخير ونعمه ماناقصني غير شوفتك انتي وبنتك الخبله الا بشري عساها عقلت
ام ماجد : ان دخل بليس بالجنه ترى بنتي بتعقل قبل ماظنتي
ابو عبدالعزيز : زوجيها كودها تعقل
ام ماجد : وابلي عيال الناس بنتي بكره يدعون علي لا والله المهم يالغالي ماودي اطول عليك المهم سمعت صوتك وتطمنت

عليك
ابوعبدالعزيز : الله يطمنك بالايمان وطاعة الرحمن خذي فيصل معك وفمان الله
اخذ فيصل الجوال من جده وطلع برا الغرفه كان حاس من صوتها انها متضايقه ومهمومه
فيصل : يمه وش فيك ماعجبني صوتك
ام ماجد : مافيني شي ياولدي انت بس انتبه على جدك وليان وخلك من غيرهم
فيصل : الله لايخليني ان خليتك
ام ماجد : بسم الله عليك يمي
فيصل : يمه بتقولين وش فيك او اقسم بالله لا اخذ اول رحله الحين واجيك
ام ماجد : الله يهديك ياسرعك بالحلوف .. يمه مافيني شي بس ضايق صدري على راكان
فيصل بحقد : وش فيه راكان
(وقالت له كل اللي قاله لها راكان )
فيصل : كذااااااااب يدري وش هو مسوي
ام ماجد بعصبيه: لا يافيصل مو كذاب انا مو بزر ينضحك علي اعرف من اللي يكذب ومن يقول الصدق ولاتنسى ان راكان انا

مربيته مثل ماربيتك انت وماجد واعرف اللي بنفوسكم قبل لاتقولونه واعرف من يصدق معي ومن يكذب علي ياما كشفت انك

تكذب علي يافيصل لكن ماكنت احب اجرحك او احرجك على بالك ماعرفت بتغير نظرتك لليان ليلة الدخله كنت احسك ماتبي

تفارقها ولما جيتك في بيتك كنت تعاملها احقر معامله وتشبيهك لها بالخادمه مامشى علي كنت عارفه انك تقصدها واستمريت معك

بكذبتك ابي اعرف وش سر هالتغير
فيصل : لحقت تشكيلك؟؟
ام ماجد : لا والله وعسى عيني ماتشوف ماجد ان كانت حكت لي شي .. قلت لك ليه ماتقلعها وانا قاصده تطلقها وعرفت

ان السبب اللي مانعك هو ابوي ولما قلت لك الله يكفيك شرها ابي اعرف منك وش الذنب اللي سوته .. لكن اسمعها مني كلمه

يفيصل وانت عاقل وشورك بيدك الظلم ظلمات وانا امك ليان مستعده احلف انها بريئه بدون معرف وش جرمها ليان اذا بريئه

الاعمى وهو اعمى يشوف براءتها

قفل فيصل من امه وهو يحس انه مشتت تفكيره معقوله يكون ظالمه كل مره يكون معها يحس بحزنها وبراءتها كلامها لاختها يدل

على انها انسانه ماعرفت الحقد بيوم .. انهيارها ودخولها المستشفى من مجرد كلام قلته .. ترجيها له في كل مره انها

تعرف وش الذنب اللي سوته يدل على صدقها وصدق راكان حتى راكان مايدري وش الذنب اللي مسويه ولو كان عارفه انه

مسوي شي ماراح يشتكي لعمته ويفضح بنفسه دام ابوه ستر عليه .. طيب والبنت اللي كلمتني ومعرفتها بكل شي حتى رقم

ليان

طلع جواله واتصل وليد
وليد : زعلان لاتكلمني
فيصل : اول مره اشوف واحد يرد ويقول زعلان لاتكلمني دامك زعلان ليه ترد؟؟
وليد : مسوي لي سحر حتى لو زعلان تتحرك يدي لاشعوريآ وارد
فيصل : اراضيك باللي تبي بس بعد ماتسوي لي خدمه
وليد : مابي منك شي بس وش خدمتك مقدر اردك
فيصل : توى صدقت اني ساحرك المهم ابيك تكلم ربعك اللي بالاتصالات شوف من فيهم مداوم وممكن يشوف لي فاتوره

وارجع كلمني
وليد : وليه الاستعجال ماينفع بكره
فيصل : لا فيصل واللي يرحم والديك اذا تهمك راحتي وسعادتي دقيقتين وانتظرك تتصل علي تقول من موجود عشان اعطيك

الرقم
وليد : ابشر دقيقه وارد عليك

بعد خمس دقايق دق وليد
فيصل : هاا بشر
وليد : محمد مداوم وهذا هو معي على التلفون بس لاتسوي مشكله تورط الرجال
فيصل : اي مشكله الله يهديك الرقم لي يله عطه 055*******
وليد : يله سكر وادق عليك اذا اخذت المعلومات
فيصل : لا خلني معك
وليد : مو قايل شي هالحين لكن ان ماجيت وقلت لي كل السالفه لاتلوم الانفسك
فيصل : والله وصرت تهدد .. خويك معك على التلفون
وليد : ايه وحاطه على السبيكر علشان اذا تكلم اسمعه اللي يشوفني يقول وش هاللي مقطع عمره بالمغازل ثنتين في نفــ
(قطع كلامه لان محمد رجع يكلمه)
وليد : فيصل هالرقم مافيه اتصالات الا على رقمين الاول رقمك والثاني رقم 0555****** ومرسل منه رساله وحده
فيصل : خله يشوف لي الرقم بسم مين؟
وليد بعد ماقال لمحمد : الله يصبرني عليك عزالله طردو الرجال وبيصير يدعي علي
فيصل : ان اطردوه هو الكسبان والله لا اشغله بضعف راتبه
وليد : اجل بقول له من بكره يقدم استقالته
فيصل : لا انا اشترطت الطرد بس يستاهل ولا هي خساره فبه
وليد : ترى ماكنت اسمعك الرقم بأسم لين ابراهيم عبدالرحمن ال.....
فيصل بفرحه : وليد اذا رجعت للرياض ذكرني ان لك طلب واحد عندي مااردك فيه لو فيه موتي
وليد : اجل ماراح انام ابي افكر اشلون استثمر هالطلب

قفل فيصل من وليد وهو متأكد من براءة ليان بس معقوله ان عمه ورى هالخطه علشان ينتقم مني لاني تزوجتها غصب بس مو

معقول يسوي كذا اكيد فيه احد ورا هالموضوع رجع لغرفة جده
فيصل : وش تسوون اكيد تحشون فيني
ليان : مايحتاج انحش فيك عارفينك طالع تغازل
فيصل : اشم ريحة غيره
ابوعبدالعزيز : والله انا ماشميت شي بس احس
ليان : جدي حتى انت ضدي
ابو عبدالعزيز : وش فيها اذا غرتي زوجك ومن حقك تغارين عليه
فيصل : جدي انا بطلع اعشي هالحلوه وانت نام ارتاح ومن الصباح بنكون عندك ان شاء الله
ليان : لا انا ابي اجلس عند جدي
ابوعبدالعزيز : وجدك بينام ياعيونه وانتم رحو تعشو وارتاحو .. الا نسيت اسالك يافيصل متى حجزت؟؟
فيصل : اقرب رحله بعد يومين وحجزت عليها
ابو عبدالعزيز : زين واتصل على طلال ولد خالك وقوله جدي يسلم عليك ويطلب منك يشوفك اول مايوصل للرياض
فيصل : ابشر بس ليه
ابوعبدالعزيز : بعدين تعرف يله تيسرو بحفظ الرحمن

مسك فيصل يد ليان وسلمو على جدهم وطلعو وكل تفكير فيصل اشلون بتسامحه على اللي سواها فيها كله يمكن تسامحه عليها

الا تشبيهه لها بنات الليل والحرام والاعظم منهم هل بتغفر له حركته اللي سواها قبل مايسافرون لانه حطم ثقتها وكبريائها كأنثى

بأبشع الطرق
اول ماطلعت ليان من الغرفه سحبت يدها من يد فيصل
فيصل : ليه سحبتيها تكرهين لمستي
ليان : انتهى المشهد وطلعنا من عند جدي ماله داعي نكمل تمثيل
فيصل : واذا انا قلت اني ابي نكمله
ليان : مافيه شي فالدنيا يجبرني على اني امثل واكذب بمشاعري غير سعادة جدي
مسك يديها الثنتين واجبرها توقف مواجهه له وتناظر : ليان انا مااعرف اترجى بس لو بطلبك يكون حقيقه مو تمثيل

بتوافقين؟؟؟؟؟؟؟؟؟؟؟






نهاية الجزء الخامس

ماذا سيكون رد ليان على فيصل ؟؟؟
هل سيكتشف فيصل من قام بتوريط ليان بهذه التهمه ؟؟؟
كيف سيكون الاستقبال للجد ؟؟ وماذا يريد من طلال ؟؟
وشنو سبب رضى منال على سعود وكل هالاغراءات اللي تقدمها له؟؟