.. قصائد ( محبه.. شوق.. عتاب) ..

.. قصائد (محبه .. شوق.. عتاب ) ..

محبه
العنوان/اتصالك

اتصالك
هز اتصالك فيني الشوق وانهـار
قلبي وزادت حيرتي والتياعـي
بين الفرح والخوف والشوق والنار
ياغاليـه زاد العنــا والصراعي
تلعب بي امواج الهواجيس واحتار
مابين شوقي لك وبين الضياعـي
موجة حنين تزيدني حب واصـرار
وموجات عن شاطيك تبعد شراعي
ياحبي الخافي وياكـل الاســرار
تحطمت نفسي ولامــن يراعـي
إلى ضحك الليالي بالانــــوار
جتنا عواكيس الزمـن بنـدفاعي
مدري وش اللي بس تخفيه الاقدار
هو لـم شمل أوهو فراق وضياعي
بين الرجـا والياس قاسيت الأمرار
أكثر من اللي كان في مستطاعـي

----------------------------------------------------
شوق
العنوان/نصف الشهر

نصف الشهر

نصف الشهر مر وتعدت لياليـه
ماشفت زول مريـح العين والبـال
اللي على غيره من الناس مغليـه
واظن هو مثلي بعد نفسه الحــال
يغيب عن عيني ويبعد خطاويــه
خايـف يثقلنـا بجيات ووصــال
وانا اتسلـي عن غيابه واخليــه
أخشـى يصيبه كثر الالحاح بجفـال
كم مرة يطري على بالي أدعيــه
واصير أنا والنفس والقلب بجـدال
الوصل إلى ماصار من رغبة فيــه
ماهوب ينفـع في دواء جرح الآمال
إن كــان ماجا رغبـةٍ منه ما أبيه
يجي يجاملنـي بحـال من الاحـوال

---------------------------------------------
عتاب
العنوان/مستحيل اسلوبك يتغير

أسلوبك يوم يتغير

لوصبرت أكثر تعبت أكثر وأكثـر
ماورى رجـوا غـلاك إلا الســراب
مستحيل أسلوبك بيوم يتغـيــر
لاضما شفـتك ولا شفـتك سحـاب
غصن حبك لاهشيم ولاهو اخضر
فيـك شوق وفيـك رغبه للغيــاب
أن طلبتك وصل خطواتـك تعذر
وان عطيتـك صـد كثرت العتــاب
صار همي كل يوم منـك يكبــر
والأمل لامـن بنيتــه فيك خــاب
خلنا نرتـاح من اقدر ومـا اقـدر
وحيرة تملى شعـــوري بالعــذاب
قلبـي اللي لو بنسيانـك تـأخـر
مالقى لاسلـوبك الغامـض جــواب
أنس عرفـي مـرة أبعـد لاتـذكر
خاطري بالحيل من رجواك طــاب

~تقيمكم يالغلا~

تحيااتي’’{عااشق المحبه}

---

>> rwhz] ( lpfi>> a,r>> ujhf) >>

يسلموو كتيررررررر على المواضيع الحلووووه
ويعطيك الف عاافيه على الطرح الرائع تقبل مروري

يعطيك الف عافية
غالي الأثمان
يسلموووووووو كتير على المواضيع الرائعه تقبل مروري