انا مالي دخل مالي دعوه

أنا ما لي دخل

ما لي دعوة

أيش اللي دخلني

ما لي فضول

ما يخصني

وأنا ليش اتعب نفسي

ليش اتعب حالي

أنا كذه مرتاح

وانا مالي

ما يهمني

أنا مش فاضي

انا بعيد جداً عن هذا الموضوع

ما أقدر أسوي شي لوحدي

صعب مستحيل لا أستطيع
كلمات كثيراً ما نسمعها .. وكثيراً ما نعايشها..
كلمات مؤلمة فعلاً .. تنم عن جهل مركب بحقيقة المسئولية والتعاون والإخاء والمودة والتراحم..

تدل على أن وعيينا ما زال قاصراً عن فهم حقيقة العمل التطوعي والعمل الخيري..


في الحقيقة آلمتني تلك الكلمات التي دائماً ما أسمعها وتسمعونها أنتم أيضاً فقلت سأكتب حول

هذا الموضوع الهام وبينما أنا أبحث في الجوجل عن هذه الكلمات وجدتها تعدت الآلاف على اختلاف كبير في طريقة استخدامها.

الكل يقول : لماذا أتعب نفسي وغيري سيقوم بالمهمة ..
و(غيره) هذا سيقول نفس الكلام ..
وسيبقى المسلمون في حالهم ..
لا زيادة ..
وممكن نقصان ..



كلنا نعرف المثل اللي بيقول :


اللي ايده في الميه مش زي اللى ايده في النار



يعني بنسمع كتير كلمة وأنا مالي ..


خد عندك مثلاً .. بيحصل ساعات وتلاقي واحد يقولك تعرف فلان الفلاني تقوله آه يقولك مش خسر كل فلوسه يا عيني وفلس .. تقوم انت تقول .. لا حول ولا قوة الا بالله .. يقوم صاحبك يقولك : عايزين بقي نلم فلوس للراجل عشان يقوم على رجليه تاني .. تقوم انت بكل بساطة تقول : يا عم انا مالي .. اللى فيا مكفيني .. انا هشيل همي ولا هم غيري .. والغريب في الموضوع ان اللى بيتكلم معاك 99,9% هيقتنع بكلامك ويقولك : آه والله .. هو الواحد هيحل مشاكله ولا مشاكل غيره..



بعد المقدمة الطويله دي تعالوا نشوف القصة دي و نربطها بالكلام
في مزرعة بعيدة بعيدة .. كان فيه فار صغير واقف ورا فتحه صغيره في الحيط وبيتفرج على الفلاح ومزوجته اللي كانوا جايبين لفة وفيها حاجه ..




وكان الفار يتمنى انهم جايبين أكل .. لكن للأسف لما الفلاح فتح اللفة .. كان فيها مصيدة فيران ..




الفار .. خاف جداً ومات من الرعب وجري على الحظيرة ..

واستمر يجري بين الحيوانات ويقول البيت فيه مصيدة فيران .. البيت فيه مصيدة فيران..

و راح للديك وقاله البيت فيه مصيدة فيران .. قاله الديك .. أنا عارف انها مصيبه بالنسبه لك يا فار .. لكن أظن ان الموضوع ما يخصني ابدا...




جري الفار للخروف وقاله : البيت فيه مصيدة فيران .. قاله الخروف .. انا زعلان علشانك أوي يا فار .. لكن .. انا بعيد جداً عن موضوعك ..



جري الفار على البقرة .. وقالها .. البيت فيه مصيدة فيران .. قالتله : ربنا يصبرك يا فار .. حاول تاخد بالك وانا هادعيلك .. بس برضه اظن المصيدة مش مصيدة بقر .. عشان كده الموضوع ميخصنيش




وباليل في المزرعه .. الكل سمع صوت المصيدة في قلب الليل ..


جريت الفلاحة على المصيدة علشان تشوف هي اش مسكت .. لكن لما قربت فى الضلمه تشوف المصيدة .. طلعت المصيدة مسكت ثعبان ..آه ثعبان مش الفار .. وبسرعه الثعبان قرص الفلاحة وغرس فيها سمه ..


وصرخت الفلاحة وجري الفلاح بها على المستشفى لكن بعد ما رجعت من المستشفى .. كانت محمومة جداً وحرارتها مرتفعه .. قالها الفلاح انتي مش هتبقي كويسه الا لما تاكلي الديك .. وفعلاً ذبح الديك وأكلته الفلاحة ..


لكنها بقيت تعبانه .. و أهلها وأهله كلهم زاروها في المزرعة علشان يتطمنوا علي الفلاحة وعلشان كذه الفلاح ذبح الخروف علشان كلهم ياكلوا ..


لكن تعب الفلاحة زاد .. وللأسف ماتت .. وكل البلد جا علشان يعزي في الفلاحة .. والفلاح ذبح البقرة .. ووزع لحمتها رحمه على روح الفلاحة ..


كل ده والفار بيراقب من ورا الفتحه الصغيره اللى في الحيط .. وكله أسف وحزن ...



النهاية

احد فهم اللي مقصود ..

أوعى في يوم تقول مالي دعوة .. أو انا مالي ........

بالعكس أهتم جداً ..... لأن الموضوع اللي ممكن تحس أنه بعيد كل البعد عنك ممكن يكون أقرب ليك أكتر مما تتصور




قفلة:

الجهود المطلوبة كبيرة ممن نحسبهم أناساً واعين ومثقفين وتشتعل فيهم الرغبة الصادقة بالنهضة بمجتمعهم وأمتهم.

---

hkh lhgd ]og lhgd ]u,i

[motr]
كلمات قمت الروووووووعه
[/motr]

موضوع رائع جدا
يعطيك العافيه
تقبلي تحياتي