هااااااااااي واخيرا خلصت الفصل الثالث .....
واتمنى انه يعجبكم......




الفــــــصـــــل الــثـــــــالـــــــث:

عنان وكان معصب حدددده..وهو طالع من الصاله ضرب بعبيرالي جات تركض من سمعت الزعيق والصياح....
عبير:آآآه..وشفيك؟؟
عنان مشى ولارد عليها..عبير:وش فيه هذا كذا معصب؟؟
ام عنان وهي تشرب الشاي ومن غير ماتناظر بنتها:لاني خطبت له..

عبير مصدومه:والله من جد.؟؟ومن هذي؟؟
ام عنان لفت عليها وقالت باهتمام..تبي تعرف راي بنتها:تعرفين شوق..بنت خالة جارتنا ام مناف؟؟
عبيروهي تحاول تتذكر:أي وحده ماما ..؟مااذكرها؟؟
ام عنان:اااف.هذيك الي شفنها بالعشى الي ببيتهم الاسبوع الي فات..؟تذكرتيها؟؟
عبير:ايييه .تذكرتها ماما..والله هذيك حلوه وااايد..والله لووافقو لافتخر فيها قدام الناس كلهم بالخصوص صحباتي..بس ماما ...مو صغيره ..

ام عنان وهذا الي تبيه...لان تفكيرها قدييييم مثل اهل زمان ورجعي..وهي تبي وحده صغيره عشان على قولتها ( يربيها على ايده ومثل مايبي)....وهي اصلا ماعندها الا عبير وعنان بس وزوجها متوفي من زمان وهي الي ربتهم ....
ام عنان:وليش مايوافقون.. والله لهم الشرف وماراح يلقون احسن من ولدي..وبعدين هي لاهي صغيره ولا شي..عادي كلنا تزوجناوحنا صغار الا اصغر منها بعد....

(عبيرعمرها 19 سنه ومخطوبه لولدعمها ) عبيرسكتت لانها عارفه تفكير امها الرجعي وماعارضت لانها لوتكلمت راح تدخل في نقاش له اول ماله اخرررررررر.....


@@@@@@@@@@@@@@@@@@@@@

عنان بغرفته وموووولع من التعصيب....لو بحر مايطفي ناره..مقهور من امه..ليه تروح تخطب له وحده من وراه ولاحتى اخذت رايه...بس تبي تحطه امام الامر الواقع...

راح لكمبيوتره وفتح ايميله وشاف مسج جاه عالايميل...فتحه وقراه..وابتسم من قلب ..كان ينتظر المسج هذا من الصبح ..ويوم جا.. نساه كل همومه... والتعصيب وامه وكلللل شي...


^^^^^^^^^^^^^^^^^^^^^


في البر وبالاخص عند الشباب الي جالسين يتسابقون....

فازنواف وفيصل بتعادل..وجا دور فارس ومناف...حسان:واحد ..اثنين ..ثلاثه ...
وانطلقوا الاثنين بقوه وسرعه رهيييبه....

البنات بحماااااااااااااااااااااس...من فوق الهضبه القريبه من موقع السباق....يصارخون ويشجعون ...
الكل يهتف باعلى ماعنده ....الا وحده ...ساكته وجالسه تتامل الي يسابق .. وشكله كيف وهو فوق الخيل بجد فاااارس اسم على مسمى...
تكلم نفسها:آآآآآآآه ..صدق من سماك فارس..ليتك تحس فيني بس وتاخذني بالخيل بعيد عن كل الناس ..واعيش انا وانت وحدنا ...آآآآه بس آآآه..

*****************************

فازفارس على مناف بفارق بسيييط جداا...
وانهو السباق لان الباقي انسحب ولان الخيول تعبت ...واخذالجائزه فارس الي فاز بجداره....

راحو الرجال عشان يجهزون عدة المندي الي بيسونه هم ويذبحون الذبايح.....وشوي يلمحون سياره جايتهم من بعيد...وقام مناف يستقبل خويه لانه توه مكلمه وقايله انه جايه في الطريق...

وصل بدر خوي مناف(بدر كانت ملامحه حلوه وسيم ...شاب طموح ويشتغل مع مناف في نفس الشركه وخويه من ايام الثانويه وماافترقو عن بعض ابد...حبوب وطيوب.. )

استقبله مناف بحراره..ودخله وعرفه على اهله الي قاموا ورحبو فيه...
ابومناف:هلا والله..ببدر حيالله ولدي ...كيفك وكيف الوالد عساه بخير؟؟.
بدر:الحمدلله ..بخير والله وتراه يسلم عليك كثيير السلام..
ابومناف:الله يسلمه ان شاء الله..

حسان انتبه بفيصل الي من اول ساكت وماتكلم:فيصل عساماشر...اش فيك ساكت؟؟!!!
فيصل الي كان سرحااااان وبعالم اخر:هلاا؟؟ لا ابد بس اسمعكم...
اشوي قام فيصل عنهم:عن اذنكم اجيب القهوه...؟
مناف:خلك ياخالي انا اجيبه..
فيصل وقد طلع من الخيمه:لا خلك انت ...

وطلع وهو مقهوووور من بيت خاله سالم...ليه ماجو..؟؟؟؟
مشى لحد ماوصل لخيمة الحريم ونادى على خواته ..طلعت له غرام...
ومن غير مايناظر:هاتو القهوه ...
غرام وهي تناظر اخوها الي كان باين عليه انه متضايق:فيصل ..اخوي..ايش فيك..؟؟؟

فيصل التفت ولقى غرام وكانه ماصدق عشان يسالها:غرام جابك الله .؟؟؟
غرام فهمت السالفه..:هلا اخوي اش فيك زعلان.؟؟
فيصل تردد يقولها فقال(بلاش اسالها الحين بتتريق علي ومدري ايش) ..:خلاص ولاشي مافيني شي ..بس جيبو القهوه بسرعه عشان الرجال...
غرام تسوي نفسها انه ماهمها :اووكي اخوي الحين اجيبه...

فيصل ماقدر يمسك نفسه:غرام ..اصبري؟
غرام كانت عارفه انه ماراح يسكت:هلا ..
فيصل بتردد:بسألك..اممممم ....هم.. ليش ماجو؟!!
غرام تسوي موفاهمه:من هم ..؟؟مافي احد ناقص ماشاء الله الكل موجود..موناقص الا سيف..تصدق والله وحشني من زمااان عنه ...الله يحفظه يارب ويحميه....
فيصل عرف انهافاهمه بس تستغبي عليه:اقول الشره مو عليك على الي يسألك..خلاص مابي لاقهوة ولا غيره...ارسلوها مع أي واحد من الخدم...
غرام وهي مييييته ضحك على اخوها:هههههههههههههههه ...خلاص خلاص...عرفت....بقول..
سكتت اشوي تاخذ نفس:يقولون انهم معزومين ببيت خالتهم ..عشان كذا ماجو..؟؟

فيصل سوى نفسه ماسمع ومطنش ومشى عنها..رغم انه سمع كل كلمة قالتها.....
غرام تصارخ عشان يسمعها لانه بعد عنها شوي:هذا جزاتي..؟ مافي شكرا ...اي شي..؟؟
سكتت وبعدين رجعت قالت بخبث:اوكي براحتك ..بس ماراح اقولك وش قالت عنك امس..؟؟؟
لف عليها بسرعه وهومصدوم:على انا؟؟!قالتلك شي عني انا؟؟؟
غرام وهي تلف تبي تدخل :ايه وماراح اقولك..
يركض لها بسرعه قبل تدخل:غرام حبيبتي ..اختي الدلوعه انتي...قولي اش قالت عني.؟؟؟

غرام وهي تحط يدها على خصرها:لا الحين سرت حبيبتك ودلوعتك.؟..
فيصل:يله عاد لاتسيرين بايخه قولي..؟؟
غرام حزنت على اخوها :ابد تقول انك تغيرت اشوي...
فيصل عقدحواجبه:تغيرت؟؟ اشلون يعني..؟؟
غرام ترفع اكتوفها:مدري عنها ..تقول تغيرت وبس..حتى ماقالت للاحسن والا الاسوء...بس تبي الصدق...؟شكله للاسوء..

فيصل باستغراب:ليش؟؟؟
غرام:لانها يوم قالتها كانت مكشره ومشمأزه بعد..
فيصل برفعت حاجب:من جد .؟؟
غرام وهي ماسكه نفسها من الضحك:ايه ..حتى يوم اصريت تقولي كيف.. قالت فكينا منه ...
فيصل هنا مااات من الغيض والقهروتمنى انه ماعطاها الورقه امس ..ولف عنها يبي يروح وهموم الدنيا كلها فيه...بس غرام ماقدرت تمسك نفسها اكثروانفجرت ضحك..

لف عليها معصب:اش يضحك الحين.؟؟
غرام لسه تضحك وتحاول تتكلم ماقدرت ...لمن شافت اخوها معصب خافت ومسكت نفسها بالقوه:والله يافيصل كنت امزح معاك..(ورجعت تضحك من شكله ...وبسرعه رجعت مسكت نفسها)..بس انت صدقت....

فيصل طالعها بعين حاقده ...وقرب منها..غرام خافت انه يضربها ..وحاولت تشرد منه الا انه مسكها وشالها وهي تصارخ..وصار يدووووور بها..
غرام تصارخ:خلاااااص..والله اتوب ..اتوووووووب..
وهو ولا كأنه سامع شي ..جلس يدور فيها لين تعب...وجلسو يضحكون...


وعدت الثلاث ايام حلوه على ناس ...ومحزنه على ناس ثانيه.......


_()*&^%$#@!ّ+_()*&^%ومن الحــــب مــاقــتـــــل_()*&^%$#@!@#$%^&*)(_

بعد يومين من رجعتهم من البر ...في بيت ام حسان ...
وفي صالة المعيشى وهم جالسين يتقهون..
ام حسان: يابو حسان.. ترى جاعريس لبنتك شوق...
ابو حسان يناظرها مستغرب:عريس لشوق.؟؟؟
ام حسان:ايه وانا قلت برفضه..تدري البنت صغيره على الزواج..
ابوحسان:من هم ...؟
ام حسان:جارت بنت اختي ام مناف...شافتها مره واحنا عندها وعجبتها شوق وكلمت ام مناف تقولنا..
والولد ماسك شركة ابوه بالشرقيه ..يعني بتعيش هناك...وكان يدرس بامريكا 4سنوات..
وهو في سن مناف وخويه بعد..
ابو مناف:يعني الولد مافي شي ينعاب ..خلاص خلينا نسأل عنه وبعدين يصير خير..

ام حسان:أي نسأل؟..اقولك بالشرقيه بتعيش ..تقولي نسأل ؟؟؟وبعدين البنت توها صغيره ...؟
ابو حسان:اقول خلنا نسأل واذا ماشفنا فيه عيب ..ليش نرفضه البنت احسن شي لها الستر ..اذا جاها ولد الحلال ليش ينرفض...وبعدين انا مدري بعيش لها لمتى ...ابي ارتاح بشوفتها في بيت زوجها؟
ام حسان:الله يطول بعمرك ياارب ..ويخليك لنا..
ام حسان جلست تفكر بكلامه ...نفس الكلام الي قالته ام مناف ..وبعدين ام مناف تمدح فيه ...:خلاص الي تشوفه ..الراي رايك...

&&&&&&&&&&&&&&

في بيت ام فيصل....

خلود:غرام وين البلوزه الفوشي حقتي الي خذتيها مني ذاك اليوم .؟؟؟
غرام سرحااااااانه..... ولاهي حاسه بخلود الي دخلت عليها ......عيونها على التلفزيون وبالها بعييييييد:.....
خلود:غرام.....غرام اشفيك..؟؟
غرام توها تنتبه:هاا..هلا ..نعم..؟؟؟
خلود:هلا ...نعم؟؟؟؟ لاااااا.. الموضوع فيه ان ...خير رورو..من ماخذ عقلك.؟؟؟اهاااا اكييييد..عبدالمجيد ..عبودي ..عبادي.(قالتها بدلع).؟؟

غرام عصبت من جابت طاري عبدالمجيد:عبادي بعينك؟؟؟خير ان شاءالله اسرح فيه.؟؟
خلود وهي تغمز:لااا ..يعني ليش تسرحين فيه موخطيبك..وخلاص قريب بتملكون...!

غرام وهي واااصل حدها:من عندك تقولين خطيبي انا لسه ماوافقت عليه ....اقول...ابعدي عني وخليني بحالي احسن لك..لاارتكب فيك جريمه الحين..

خلودبهدوء:غرام ابي اسألك سؤال بس تجاوبين بصراحه ....من غير لف ودوران..انا اختك واكثر وحده فاهمتك....؟؟ابي اعرف انتي ليش ماتبين عبدالمجيد.؟؟؟

غرام:بس كذا...كيفي ماابيه....- هدأت اشوي واخذت نفس ...لانها حست ان عصبيتها مالها داعي-...خلود افهميني ..انا مابي من العيله...وهذا ولد عمك باين عليه دمه ثقيييييييل ...وغلس....وحتى الرومنسيه ماااعنده...

خلود:الحين انتي اش دراك عن كل هذا؟؟يعني انتي كلمتيه او عرفتيه عشان تحكمين عليه بكذا..؟؟ ....وبعدين لاتنسين ان ابوي كان متفق مع عمي الله يرحمه من زمااااان قبل لايموت ...وكان معطيه كلمة...يعني يرضيك اننا نكسر كلمة ابوي ..؟؟ واكيد هو ماسوا كذا الا انه عارف مصلحتك وين..ويبيلك الاحسن..؟؟صح؟؟؟؟
غرام بعصبيه:يوووووووه....انتو قايمين قاعدين على هذي الكلمة......كلمة ابوك وكلمة ابوك...طيب انا وين راي..هذي حياتي موحياتكم عشان تتحكمون فيها....وبعدين انتي مجربه زواج الغصب...والا نسيتي ...—على طول قطعت كلامها وحست على نفسها-- ....خلود ..انا اسفه ماكنت اقصد ...بس.....

(صحيح..خلود كانت متزوجه من قبل 5 سنوات.. وماعاشت معاه اكثر من 4شهور بس..)...خلود حست بالجرح من هذي الكلمة بس مابينت:غرام هوصحيح اناجربت بس وضعك غيرعن وضعي..
وبعدين مين قالك اني كنت مغصوبه ..كل شي كان برضاي ...ابوي عمره ماغصب احد ولا جبرني على شي...وبعدين عبدالمجيد ولد عمك وماراح يسوي فيك مثل ماسوى فيني سلطان....

غرام:ايه ..بس بعد كان يقرب لنا...
خلود:ايوه ..بس من بعيد وهذاغير..هذا ولد عمك ...يعني رح يخاف عليك ويصونك ...واخواني يمدحون فيه دايم...ولاتنسين انه يحبك ياغرام من كنتو صغار..وهذا شي مرررررره مهم ...

غرام سكتت ولا علقت.....

_()*&^%$#@!@#$%^&*)(_ ومن الحب ماااقتل +_()*&^%$#@!!@#$%^&*)(_

بعد اسبوع ....

يوم الاربعاء وكالعاده....العايله كلها تتجمع في بيت ام فيصل.. لانها هي كبيرة العايله..يعني اختها ام حسان وبناتها كلهم ..بس بيت اخوها سالم مودايم يجونهم بسبب امهم ..ماتخليهم دايم يجون...
وكان الكل مجتمع....وطبعا كالعاده البنات لحال والحريم لحال.....

ومن عادة البنات لمن يجتمعو لازم يسون شي غير..اي نوع من انواع الاستهبال والاكشن...وفي هذا اليوم ....
قرروا البنات يلبسون ثياب مصريه (زي حقت نانسي عجرم في اغنية اه ونص) كانت جايبتها لهم ام حسان من مصر لمن سافرت مره ..

لبسوها كلهم ماعادا اريج لبست مثل رجال الصعايده ورسمت شنبات واخذت عصاية جدها ...
ونزلو عند الحريم بزفه مصريه..العريس اريج والعروس غرام....والباقي وراهم بالطيران(الطبول ..او الدفوف) ...وشوق تغني وترقص"كانت تتميز شوق بصوتها الرااائع "...وخلود كانت تصورهم بكاميرا الفيديو...

راحو لعند الحريم وهناك جلسو يرقصون ويستهبلون ...والحريم ميتين ضحك عليهم ....
اكابر وشوق يسون حركات يقلدون فيها الرقاصات المصريات ....
وبعد الرقص والمجهود الكبير في التقليد ...جلسو اشوي من التعب وهم يضحكون ....

هيا:ايوه ياغرام محد قدك....تتدربين على الزفه من الحين ....هههههه
ام حسان:ايوه صح ...شكله كذا..الا هو ايش اسمه...( قالتها بغمزه يعني انها ماتدري)...
غاده:يقلون ان اسمه عبدالمجيد...صح يمه...

غرام بعصبيه:يممممه شوفيهم ....خليهم يسكتون...
ام فيصل:خلاص ..بسكم عاد اتركو بنتي بحالها ....
والكل جلس يضحك على كلامهم وعلى غرام....غرام اتنرفزت وطلعت على غرفتها منقهره....


!@#$%^&*)+_()*&^%$#@!ومن الحب ماقتل _()*&^%$#@!_)*&^%$#@!ّ

في مجلس الرجال ...في الملحق
كانو فيصل وفارس ونواف ولد عمهم صالح وعبدالمجيد ولد عمهم سعود جالسين يتابعون مباراه بين الاهلي والاتحاد......

بعد ماخلصت...لف عبدالمجيد على فيصل:اقول فيصل عندكم النت كيف ؟؟؟شغال تمام؟؟
فيصل:ايوه تمام ...ليش ؟؟
عبدالمجيد:لا ابد بس ....انا مدري ايش فيه عندي مايشتغل ...فاذا ماعندك مانع ابي النت اشوي ...انتظر...

ويقطع كلامه فيصل:عيب عليك...انت تامر ..قول ابي وبس..من غير ماتقول السبب...
عبدالمجيدانحرج اشوي:تسلم والله يافيصل...ماتقصر..!!
فيصل قام:يله اطلعك فوق..عندالكمبيوتر..

قامو عبدالمجيدوفيصل على غرفة فيصل..طبعا من الباب الخلفي الي يودي على الغرفه عدل..
بعد مادخلو وفتح له الكمبيوتر والنت...
فيصل:يله عن اذنك ..اخليك تاخذ راحتك اشوي....

عبدالمجيد:وين وين..؟؟!...ترى عادي مافي شي سري...
فيصل:لامو القصد..بس ابي ادخل الحمام الله يعزك...يعني لازم الاحراج...ههههههههه
ضحك عبدالمجيد على فيصل:هههههه دام كذا اوكي ...
طلع فيصل من الغرفه وراح على الحمام..


******************************

غرام وهي خارجه من غرفتها تبي تغسل وجهها من المكياج ....مرت على غرفة اخوانها وتشوف لمبة الغرفه مفتوحه والباب مقفل...
قالت اكيييييد هذا فيصل هنا والا فارس...خلني ادخل عليهم واخرعهم اشوي.....
فكة شعرها..وجابته على وجهها..وراحت عند الباب..وفتحته بقوه ودخلت وهي تصارخ وتهز براسها:بوووووو

...يوم وصلت في نص الغرفه ورفعت راسها وهي تضحك..(مسكينه على بالها انهم اخوانها...خخخخخخ)..كان تصنم في مكانها....ولااااااحركه.....

عبدالمجيد ميل راسه..من ورى الكمبيوتر..وعيونه تبي تطلع من مكانها...(مسكين مفجووووووع من الكائن الغريب الي دخل عليه..خخخخخخ)....

غرام وهي مفجوعه:مين انت ....؟!!
عبدالمجيد:انا ..انا..(نسي من هو من الخرعه.....خخخخ)
غرام:انت حرامي ...(مسويه فلم .....)
عبدالمجيد استغرب منها :حرامي.؟؟؟!!
غرام:ايوه حرامي ....قالتها وطلعت بسرعه تبي تصرخ...
عبدالمجيد:لحظه ..انتي فاهمه غلط...

وهي ولا هي ساااااامعه شي ...يوم وصلت للدرج تضرب بفيصل وهي واصله حدها من الخوف....
فيصل:غرام .؟ايش فيك ...ايش صاير؟؟؟؟
غرام ماهي عارفه تتكلم:ح..ح..حرامي ..

فيصل عاقد حواجبه :حرامي وين ..؟؟
غرام:حرامي في غرفتكم ...
فيصل سكت اشوي .....وبعدين:ههههههههههههههههههههههه ههه
غرام مستغربه منه :اقولك حرامي تضحك...!!!
فيصل:وانتي اش دراك ان في حرامي ..الله يقطع سوالفك... لايكون دخلتي الغرفه....
غرام عرفت ان الموضوع فيه شي:ها ..لا بس شفت اللمبه مفتوحه وسمعت حركه جوا وانا عرافه انكم كلكم في المجلس....

فيصل:اهااا ....لا هذا ولد عمك عبدالمجيد..طلب مني النت ...
غرام في نفسها:يااااااااااااااااويلي ...ومالقيت غير عبدالمجيد....ياربي الحين وش يقول عني ...يالله انا ايش سوت في نفسي....ايش اليوم النحس هذا...)
فيصل:غرام ..غرام ايش فيك؟؟؟ لي ساعه اناديك....؟

غرام:هااا ..لا ولا شي....
راحت عنه ..وجري على غرفتها وسكت الباب ورمت نفسها على سريرها...وجلست تبكي......
وكان نفسها تصرخ ..باعلى صوتها من القهر.....

فيصل دخل على عبدالمجيدوهو يضحك على هبال اخته...وشافه واقف ويطالع على الباب...
فيصل:تصدق غرام هذي شيييييي....
عبدالمجيد وهويبي يتاكد اذا كان يقصد الي دخلت عليه ولا لا..:ليش..ايش سوت..
فيصل:ههههههه على بالها انك حرامي ...ههههههه...وسالتها ليش ..قالت بس شفت المبه مولعه قلت اكييد حرامي....خيالها وااااااااااااااسع ماشاءالله عليها..ههههههه..من كثر ماتشوف افلام..هههههههه

عبدالمجيد ضحك معاه بس عشان مايحس فيصل انه في شي..وقال في نفسه(بلاك ماتدري انها دخلت وبغت تطيح قلبي....بس هذي غرام ...مااصدق...والله وطلعت شي ...اخ والله...الا طيرت عقلي ..)...


*********************************** ***

عند الحريم...
غاده:ماقلتيلي ياخالتي وش ارد على الناس ...تراهم ينتظرون الرد ...ومستعجلين...؟؟
ام حسان:قوليلهم حياهم الله ....
غاده :من جد يله مبروك وان شاء الله يكون لهم خير ياااارب...
ام حسان:بدري على مبروك...- وقالت بتنهيده-....والله يقدم الا فيه الخير...

شوق دخلت في السالفه عرض:على ايش مبروك..؟؟؟ قولولي في احد ثاني انخطب..؟؟
ام حسان تضرب بنتها على كتفها:مالك شغل في كلام الحريم....يله قومي روحي مع البنات...

شوق استحت من نفسها...وحست ان السالفه تخصها...وخافت.. بس سمعت كلام امها وقامت...عشان لاتفشلها مره ثانيه....
واشرت لاماني عشان تلحقها ....وراحو الاثنين على غرفه البنات الي فوق ....

اماني:ايش فيك شوشو..صاير شي..؟؟!
شوق بخوف وهي تناظر بعيد:ماادري والله يامنو..انا حاسه انه في شي...
اماني:شي زي ايش يعني.؟؟ومن مين؟؟؟
شوق:امي يامنو ...احسها غريبه هذي اليومين...واحسها مخبيه عني شي...
اماني :كيف يعني؟؟؟
شوق:مدري؟؟...بس اشوفها تتساسر مع ام مناف...والاخالتي ..واذا دخلت عليها تسكت والا تطردني من عندها ..

اماني:وانتي شاكه بشي..؟؟وبعدين ...ليش الخوف ..ان شاء الله مافي الا الخير...
شوق بخوف وقلبها يقولها غير كذا:ان شاءالله..
اماني:وبعدين..تعالي هنا ...يمكن الموضوع مو عنك...يمكن عن احد ثاني وهي ماتبغاك تسمعينها...يعني ماتعرفين خالتي ...تحب تكبر السالفه ..
شوق:والله مدري...بس حاسه غير كذا..احس الموضوع يخصني...والله يسسسسسسسستر....

***************************

في الليل وبعد ما الكل راح بيته ...

غرام مسدوحه على سريرها وتفكر في الي صار لها اليوم....:الحين انا ليه زعلانه كذا...خليه ينفجع احسن...بس..انا اول مره اشوفه ...من زمااان عليه ..اممممممم ..شكله حلو نوعا ما..يعني مملوح..
و..و....سكتت اشوي وبعدين تذكرت شكله يوم انه يطالع من ورا الكمبيوتر...وانفجرت من الضحك...
قامت عليها خلود تهزءها...لانها صحتها من النوم....(خلود وغرام مع بعض في غرفه وحده...)

*********************

وفي نفس الوقت ..وفي مكان اخر ....
كان عبدالمجيد يفكر في الانسانه الي دخلت عليه اليوم....:اااااااااااه ...ياغرام ..من يومك حلوه...وزدتي جمال....حتى وانتي...مسويه انك تفجعين.....ههههههههه...بس والله خرعتني...طيحت قلبي............ااااه ..هي مطيحته من زمان والحين كملت على عقلي....


+_()*&^%$#@!ّ+_()*&^%$ ومن الحب مااااااقتل +_()*&^%$#@!ّ+_()*&^%$#


اليوم الثاني..يوم الخميس...في بيت غاده..

غاده:هلا بك يا ام عنان...
ام عنان:كيفك وكيف الاهل ...ان شاءالله بخير...؟؟
غاده:والله بخير..انتي كيفك وكيف اهلك وعيالك ؟؟؟
ام عنان:والله كلهم بنعمه....
غاده:دوم ياارب ..دومهم بخير..
ام عنان:تسلمين ...اقول يام مناف ماقلتيلي ردت عليك خالتك والا لسه..؟؟؟
ام مناف:الا ردت ..وتقول حياك الله في أي وقت...
ام عنان والوناسه والفرحه مو سايعتها:الله يبشرك بالخير ياام مناف...وبلغيها يوم الاربعاء ان شاءالله احنا عندها...خير البر عاجله..
ام مناف:ان شاءالله ...يوصل وحياكم الله....
ام عنان:الله يسلمك...يله استاذنك..خلني ابشر عنان...ونسمع صوتك على خير..
ام مناف:ان شاءالله...سلمي على عبير...يله مع السلامه
ام عنان:يوصل....مع السلامه

ّّّّّّّّّّّّّّّّّّّّّّّّّّّّّّّّّّّ ّّّّ

فيصل كان سرحان ....بكره يرجع لتبوك...اجازته الي مدتها 3 اسابيع خلصت...وماهو عارف كيف يفاتح امه في الموضوع...كل ماجايكلمها ...يجي شي يخرب عليه...
بالاول روحت البر ...وبعدين خطوبت غرام ....قال في نفسه خلاص ااجلها لمن ارجع المره الجايه والله يستر.....

يقطع عليه تفكيره الصراخ الي بالغرفه الي جنبه في غرفة خلود...طلع بسرعه وشاف فارس طالع من غرفة خلود ومعاه الهارديسك تبع الكمبيوتر....وخلود خرجت وراه تناديه يرجعه لها....
وقف فيصل.:..ايش صاير ياخلود..
خلود بعصبيه:اخوك هذا اخذ مني الهارديسك..اقوله لا اصر واخذه...
فيصل باستغراب:ايش يبي فيه...؟؟؟!!!
خلود بعصبيه اكبر:مدري عنه اقوله حقي مالك شغل فيه...ولاكأني اتكلم ..اخذه وطلع....
فيصل:ماعليه الحين اشوفه...

طلع فيصل من عندها ونزل على طول... لقى فارس جالس بالمجلس ومعاه الهارديسك....
فيصل:انت ايش تبي فيه..؟؟
فارس بعصبيه:ابد بغيته اشوي...ابي اسوي كم شغله....
فيصل:طيب ليه ماطلبته منها باسلوب احسن بدل الهواش وتاخذه بالغصب..
فارس:انا طلبته منها بالطيب بس هي استفزتني على طول...وماعطتني فرصه...اصلا اناماابغاه ضروري بس اخذته عشان اوريها ..ماتستفزني مره ثانيه...
فيصل استغرب هذا مو اسلوب خلود ابد الا اذا فيها شي:ماعليه انت اعطيني هوالحين وبعدين يصير خير...


اخذه فيصل وطلع لها....وصل عند باب غرفتها ..دق الباب ودخل وحطه لها على المكتب...وراح جلس جنبها على السرير...
كانت جالسه هناك وهي تلعب بشي بيدهاوباين عليها الضيقه ....
فيصل:ممكن اعرف ايش فيك؟؟؟ لاتقولين سالفة فارس...هذي ماراح تمشي علي....
خلودوهي عينها لسه على الي بيدها:ولا شي ..مافيني شي..
فيصل:والله ..وتخبين علي لوده...
خلود:قلت فيصل ..مافيني شي..
فيصل ماحب يضغط عليها اكثر وخلها براحتها احسن:خلاص طيب يله قومي خلينا نتغدى...
خلود:لا انا مالي نفس....روح انت اتغدى...
فيصل:لااااا مافي..الحين تنزلين تتغدين ..ولاتخليني احلف...
خلود:لابليز فيصل..ماابي..ماشتهي اكل...
فيصل قام من جنبها وبسرعه شالها وصار ينزل جري على تحت...وهي ماسكه فيه وتصارخ ...خايفه تطيح.....وهو جالس يضحك ...
وصلو تحت وجلس الجميع على طاوله الطعام ...وبعد العصر سلم فيصل على امه واخواته وطلع سيارته وسافر على تبوك .....


+_()*&^%#@!ّّ!@#%^&*) ومــــن الـــحـــــــب ماقــتل +_()*&^%#@!ّ!@#$%^&

انتظر ردوووودكمـ الحلووووووووووه....