السلام عليكم شحالكم طبعا راجع بعد غيبه طووويله عن المنتدى بسبب ظروف سفر ودراسه ولكم وحشه وتوني راجع للوطن وهذي قصيده ابي رايكم فيها

اقول

عزمت بشرح وصف خللي ببيتين...يعنــي ابــوصف ابــرز مميزاته
امــا دقيــق الوصف يبغى دواوين...وصعب تكتب في قصيده صفاته
انيــق فــي ذوقـــه ولبـس الفساتين...والسحر في ثغره وحمرة شفاته
وجهــه قمــر مشــرق وليلته ففتين...ولا تعيــق النــور ظلمــة عباته
وشعــره مثــل الليل للوجه تحسين...كثيــف يلمــع من خصوبة نباته
والعنــق مثــل الريم فالغنج واللين... تــحسبه يـطاول على صاحباته
بستانه المثــمر ثمــر يشبـــه التين...مــن يــقترب منه يحصل جزاته
الجــسم كلـه جامع الحسن والزين...مــن تاج راسه لين تاصل حذاته
فحصت كـم عمره وسويت تسنين...حـصلت مـعشوقي بزهرة حياته
تـــدرون ليش الذهب يبلغ ملايين؟...لانـه فصيــله مــن اصابع يداته
سبحان رب الكون سواه من طين...وبــالمظهر الجـذاب خصه بذاته
لا في دبي مثله ولاحتى في العين...والشــام كــله أيــش تسوى بناته
صــحيح تعجبـــني هويدا ودارين...لكــن حبيبـــي منـفرد في غلاته
فــي ضحكته مليون نغمه وتلحين...اهذي بدون شعور بعض اغنياته
ومــفتكر لبــسه ومشي السلاطين...واتــذكر الشنــطه وكل ملحقاته
حتــى جهــازه ان خمسه وتسعين...شكلــه يشابه صاحبه في حلاته
هــذا اقــل وصف لأغلى المحبين...يالله عسـاني كون اغلى امنياته

hk olsi ,jsudk