يارماح لو جيتك مع الناس عِبْري = مثل البشر تقطع من هناك وتروح
وقفت عند الباب من قوّ صبري = وقفت أعدّ ذنوب عمري على اللوح
يامنزل الأحباب ضيّقت صدري = وشنوح منت اللي عرفناه وشنوح
وين الحبيب اللي سكن فيك بدري = وأيّامنا اللي كانت أفراح ومزوح
أبيه يسمع من بقاياي عـذري = وبصوتي اللي من له سنين مبحوح
أبيه يسمع آخر أبيات شعري = وآخر قصيده أسمها ( آخر البوح )
ليش أفترقنا ليش والله ما ادري = غير القراده لابغت تذْهِب الروح
أخفيت حبي له من أيّام صغري = ياما غدت حتى الليالي له تنوح
الشمس غابت قبل نجمات فجري = والليل طوّل قبل ما اشوف له ضوح
غاب الصباح وشيّب الراس عصري = والليل يجرح في مشاويري جروح
أمشي واوقّف كل ماجيت كبري = أتذكّر أيّامي معه وين ما اروح
هي لحظة أيامي وساعات عمري = هي الغلا والحب والقلب والروح
هي أول أوراقي وخطّي وحبري = والمرسم اللي يكتب الحب بوضوح
جوني يبوني بعدك أدبّر أمري = وسمعت صوتك بأذني يقول مسموح
يمكن نسوك وطعتهم يوم أنا أشري = من عقب ماني دافعن شيك مفتوح
والله لو أنّك حيّ ماتشوف غدري = لو شابت سنيني على غير مصلوح
هاذي هي الأيّام بالناس تجري = أقدار تومي كل عامن لها طوح
مالي على الأقدار ديوان زهري = أزرع به الدنيا قصايد من الروح
لاتصدّقين الناس من خلف ظهري = العذر لك والا الغلا ماله شروح
يارماح خطّي بين الأعشاب قبري = الهقوة أني عندك اليوم مذبوح
يارماح لو جيتك مع الناس عِبْري = مثل البشر تقطع من هناك وتروح
يامنزل الأحباب ضيّقت صدري = وشنوح منت اللي عرفناه وشنوح
وقفت عند الباب من قوّ صبري = وقفت أعدّ ذنوب عمري على اللوح



بقلمي




إبن رشيــد

Hov hgf,p