عن حب غيرك باب قلبي قفلته

السلام عليكم ومساكم الله بالخير وامل ان تقبلوا مشاركتي

ياصاحبي وشفيك ماترحم الحال
وتعطف على قلبن لحالك ملكته

تشعل بكبدي نار وتزيدها إشعال
وقلبي على صالي جحيمك حرقته

يا بوشعر ضافي على المتن منهال
آموت وأحيا بس لامن لمسته

أنت الجميل وللعشاشيق قتَّال
يشهد بها عاشق بزينك قتلته

من شاف زولك يالغضي صابه إهبال
وعزّي لمنهو في عيونك نظرته

يشهد عليّ اللي عليمن بالأحوال
اللي إليا ضاقت عليّه طلبته

ماريد غير الوصل ياطيّب الفال
عساه يرجع عقلي اللي سلبته

همّن بقلبي منك ماتشيله جبال
كاس المراره من يدينك شربته

وإختامها بقول هذا هو الحال
وعن حب غيرك باب قلبي قفلته

وصلاة ربّي عد ماهل همّال
على نبيّن بالشريعه تبعته

وسلامتكم

---

uk pf ydv; fhf rgfd rtgji

عاشق المحبة
راائع يعطيك العافية خيو

صح لسانك وسلمت يمينك

لاهنت