اشـرق نهـار فراقنا وغطّت محبتنا غيـوم = وغاب الوفا ما بيننا واكتئبت ايام الغرام
وتفجّر اللي كان مخفي داخل الصدر الكتوم = مل الورق مما شكيت ومل من صمتي الكلام
ياللي سقيتك راحتي واسقيتني منك الهموم = وياللي وهبتك ود قلبي وانت توهبني الملام
هـذا جزاي امد لك كف الوفا بصدق الخدوم = قطعتها ومدّيت لي كف الجفا دون احترام
مـن علمك للحـب خيّبته وضـيّعت العلــوم = ومن درّسك طبع الوفا جازيته بغدر اللئام
اللي يعلمك الرمايه بالعنايه كــل يـوم = يوم ان ساعدك اقتدر قمت ورميته بالسهام
ماهو خطاك ولا عليك بكلمتي اعتب والـوم = اعتب على من قدرك والا انت مثلك مايلام
اعتب على اللي كنت عنده عالي القدر محشوم = واعتب على من حط لك معنى واعطاك اهتمام
اقـدر اجـازيك بعمايلك المثايل بالرسـوم = واقدر اخلي كل من شافك يردد ياحرااااام
واقدر اهينك واحقرك لكن بي قلب(ن) رحوم = باطلق سراحك ثم اقابل غدرك بعفو الكرام
وان شفت طيرك من بعدها في فضى صدري يحوم = قصيت جنحانه ولا حقق من آماله مرام
خلاص بنسى كل لحظاتي معك وانسى الهمــوم = وارجوك يالخوان تنساني وتبعد والسلام

havr kihv tvhrkh