الســـــلام عليكم
بهذه المتواظعه نعود لكم بعد غياب
نأمل ان تحوز على رضا الجميع ولكم ارق تحيه...........

غطرفي يا قوافي والمعي يا سيوف=افرحي يا بوادي نجد وتلالــــــــــــها
رش يا عيد عطرك من قزاز الحروف=وانثره في بشوت العيد ورجالـــــــــها
كل عام ٍ وعيني في غلاكم تشــــــوف=فرحة العيد للشاري وكيّالــــــــــــــــها
اقضي العيد قرب مخضبات الكفـــوف=والعيون النواعس حض من طالــــــها
باشري يامعازف فن ضرب الدفــــوف=يا عسا روح روحي ينشرح بالـــــــها
اطرقي باب قلبي واقلطي يا هنـــــوف=وادركي نفس محبوبك برا حالـــــــــها
زلزلي شاعر ٍ يطرب لهزّ الكتـــــــوف=واصلي ليلة المسحوب وهبالــــــــــــها
صفقي يا مشاعر وارقصي يا عطـوف=واسمعي يا عراص الارض خلخالــــها
القوافي تغرّد والمشاعر ضيــــــــــوف=والحنايا تغازل فيض زلزالــــــــــــــها
المدامع تغني والمحاجر كهــــــــــــوف=والعباير ترازم نوّ همّالـــــــــــــــــــــها
تقهرين الجمال وعين ربعه تشـــــــوف=والمحاسن من اجلك خـّـلت اشغالـــــــها
من زكاة المباسم وزّعي للضعــــــــوف=يغفر الطرف للبسمه من افعالــــــــــــها
نضرة العين تذبحني وتقتل صفــــــوف=وغمزة الرمش تشرحلي عن احوالـــــها
قام قاضي الدلع يشكي لشيخ الضــروف=لكن الحرّ الأجدل قبلهم شالــــــــــــــــها
وصل قدره بقلبي لين حدّ السّـقــــــــوف=يا مخازن خفوقي رصّي احمالـــــــــــها
المعاليق تبني من ضلوعي رفـــــــــوف=والشرايين تنشز عرش منزالـــــــــــــها
لو بدا الغدر حربه واعلنه بالكشـــــــوف=للوفا فيه حكمه عندنا قالـــــــــــــــــــــها
هالزمن عاد فيه الودّ عدة صنــــــــــوف=والردى والخيانه غصب نغتالـــــــــــــها
من جليد العواطف سرت له فرو صـوف=ومن هجير الصبابه عشت بضلالـــــــها
ريحة المسك والعنبر ونفــــــحات دوف=والـمـعـتــّق وريــحـه فـــاح من شــــالـها
لو تجي منية المفتون حسب الشـــــفوف=كان دينار حبي صـــاب مثقالــــــــــــــها
يوم جابت لي الذكرى حسين الوصــوف=صــاف قلبي وعـصـر العيد غنـّا لـــــــها

.;hm>> hgathdt