للسرآآآبــ

الملم ضايع حروفي شعر يحمل غلا انسان
واسولف للسراب اللي فهم كامل معانيها

بديت احلى قصيدة حب .. نويت اكتب لها عنوان
واشوف حروفي العذرى تناثر .. قبل انا ابديها

تهامل من الالفاظ .. احبك او انا شفقان
او انسان انذبح بالشوق .. ولا وده يوريها

ثرى لو طيبتك تاطاه .. ابد مايجحدك نسيان
وانا اللي بطيبتك منداس .. تبين اجحد مواطيها؟!

جرئ بوصفي لحبي .. كذا يشبه غلا البزران
اذا مره زعلت ارجع عشر مرات اراضيها

حياوي لابغيت اطلب رضاها .. والخجل خجلان
اجي طاير على بالي .. وتكلم قبل احاكيها

خذيت من الامل يأس .. وخذيت من الفرح احزان
وبقى من حبها همومي .. تسليني واسليها

دفى ياجونا الماطر .. طلبتك ترحم الظميان
تهاوى كلي الواقف ولا مدت اياديها

ذرف من نظرتي سيل الدموع وغرّق الاوجان
انا اللي معتقد منها تجيني قبل انا اجيها

رحلت من الحبيب اللي تركني بالمطر غرقان
انثّر بالرياح تراب .. واروح اتبع مواريها

طوتني رحلتي بين الهجر .. ومعاتب الخلان
هقيت ان العتاب ارحم وانا ماقدر اخليها

سنين غيابها طالت وانا اللي احسب الازمان
تعبت من السنين اجمع دقايقها وثوانيها

شروني من البشر واجد وانا للي بالغلا كسبان
وابيع اللي شروني بالغلا لاجل اني اشريها

صراحه لو نظر عيني لمحها ماني بخسران
تلوموني اذا قالت احبك ليش اهاديها؟

ضروري تفهمي معنى جروح الضايع الولهان
اذا انتي مافهمتيني .. جروحي وين اوديها

طلبتك طلبتن ماقد صرخها ادمي او جان
طلبتك طلبتن لو نتطق الدنيا تلبيها

ظلمتيني وانا اجهل مبادئ عالم الهجران
نسيتيني وانا اذكر زهورك لو نسيتيها

عجزتي تنحني لاجلي وانا اللي مانيب عجزان
لكن مارفعت رقيبتي لاجل اني احنيها

غريبه كلمتي ادري .. تواضع ماهوب إذعان
انا اللي مامشيت بذل .. ولا ودي امشيها

فرح بعد العتب عيشي .. وانا يمكن بعد فرحان
عتب في نظرة الغالي ولا الهجران يعميها

قوانين الهوى تحكم علي اني انا الغلطان
طلبتك . . امسحي دفتر قوانينة واكتبيها

كملتي لاحشا والله ابد مايلحقك نقصان
الا يالعنبو هذا الكمال اللي يحليها

لعينك افتل الدنيا ولا اخلي بها زعلان
ازاعل كل هالعالم .. واروح ارجع واراضيها

ننام وحلمنا يصحى .. سوات الفاقد السكران
اذا مانامت جفونه فلا ظني يصحيها

هويتك قبل تهويني ورجح في كفتي الميزان
وعكستي كفة الحب ونسيتيني ووزنتيها

وعد مني على حبك .. وانا ماظنتي خوان
انا وشلون اخون اللي .. معي لا ماتسويها

يجوز يغيبتك هذي عرفتي منهو الندمان
واذا عينك حكت دمعة .. انا مجبور اواسيها


سلامتكم واسف على الاطالة

ggsvNf