السلام عليكم ورحمة الله وبركاته
بعض المواقف تحّتم عليك الكتابة
اترككم مع هالمتواضعة



زلزلي يا هجوسي واتركيه الغرام = اسرديها مثايل نَعْشَقْ افنونها
منت ابكفو للمراجل يافريخ الحمام = وانا صعوط المجنن وانت مجنونها
خفّاش مستصقرٍ قومه طيور الظلام = والبوم ياكبر عين البوم واجفونها
والله ماودي اغلط مير عندي كلام = ابكشف السالفة وابليس ملعونها
لاشفتلي صايعٍ يبشر بحد الحُسَام = يقّص روسٍ يطّيرها عن امتونها
العلم علم وكلام الجهل جعله حُطَام = وانت الجهل والعلوم اتعيش مغبونها
كذوب ماتنتصدق هذا طبع اللئام = مثل الفقاعة هروجك وسط صابونها
ياعاشقين المهونه وضعكم مايَرَام = انفوسكم عندكم ياقوم ياهونها
الذل والعار فيكم وايضاً الانهزام = صفاتكم ياقلوبٍ ساءت اظنونها
حليم بس احذر إليا من غضب ياغُلام = والعافيه ياسفيه الناس يشرونها
انا ليا من سردت العلم عندي زُمَام = وّلا انت تجهل علومٍ طاب مضمونها
وانا احمد الله على درب المراجل هُمام = ماهوب ناسٍ دروب الميل يمشونها
وانا احمد الله عزيز ومن سلايل حشام = وّلانت معروف دارك ويش مقطونها
انا حفيد الرجال اللي لهم ذكر دام = امجادهم فالجزيرة موثق اركونها
امجاد صدقٍ وماهي كذب وّ لا حلام = امسّجلة في صحاري نجد ديدونها
اهل مواقف شريفة فالسجايا كرام = وحقوق جيرانهم دايم يِحَفْظُونها
والضيف لامن لفاهم شاف طيب المقام = ذبّاحة الحايل الضيفان يَدْعُونها
المحترم ينتجازى عندهم باحترام = والكلمة الطيّبة للقرم يِبْدُونها
والعايل إليا تعويل رده الالتطام = لطّامة العايل اجدادي يِسَمُّونها
احدٍ بجنبه يداحم وقت فيه الزحام = ماهوب جثة نهار الزحف ياطونها
وحدٍ يجي ثانياً واحدٍ بطيبه أمام = والناس ماهي سوا كلٍ وقانونها
وحدٍ بطيب الذكر صيته خلد واستدام = وّلا الرخوم العوارف دوم يَنْسُونها
المجد يبغى عيونٍ ساهرة ماتنام = ترا المراجل ماكلٍ جاب عربونها
ودنياك منته عليها يافتى بالدوام = مادامت إلزاهدٍ وّلا لمفتونها
كلٍ يبا يرحل ويسكن قبورٍ جهام = قبورٍ الله عليم ابحال مدفونها
احدٍ بوسط القبر يلقى براد وسلام = روضة وخيرٍ يعيشه جوف مبطونها
وحدٍ بقبره يلافح نار ماله رحام = عارف مصيره قبل داره يِحَفْرُونها
هذي مشاعر وماتكتب قصيدة غرام= من شاعرٍ شالها وازدانت إلحونها
واعيدها ياكثير الهرج عندي كلام = منت ابكفو للمراجل ياصغيرونها



تحياتي وتقديري : صعوووووووط المجانين

wu,' hgl[kk