راكب اللي والطيـور الحايماتي=في مداها ما تحوم المروحية
عسف جنٍ سرعته با الميغاباتـي=لا ذلول ولا ملول ولا بطية
لا تزَّهل فوق ما أدري.. ذبذباتي=حام .. وَّلا ؟! مادريت إلا مجيه
في وريده مثل ضبح العادياتي=وفيه قدح الموريـات المعنكية
"دي .إس .إلٍ " يا نديمي يا غناتي= يا عضيدي بالعصور البربريه
إسأل اللي هي عنود المترفاتي=وش عليها ذبحة النفس الزكيه ؟!
ماحسبت إني معـك هذا جزاتي=ولا هقيت تشمِّـت قلـوبِ شفيـه
آه من لي؟! والسيوف المرهفاتي=ما أنذبح بأغمادهـا روحٍ بريـه
وانت عيونك بالمحاجر ذابحاتي=ولو تسلهـم مابقـى منـي بقيـه
لا دخيلك يـا ربيـب المحصناتي=لا تدقـق بـالأمـورٍ الهامشـيه
ماغزينـا والخيـول مهجراتي=ولا عرفنا الطيبة لـولا الرديـه
عين قلبك دامها تعرف صفاتي=ليه غضت طرفها في الجوهريـة
أيه أحبـك يـا رذاذ المعصراتي=ولك لسان .. ولي همومٍ سرمدية
ولك طلوعٍ والكواكب شارقاتي=ضايعاتٍ في وهج شمـسٍ سطيـه
ولك عيونْ ولي عيـونٍ متعباتي=ولك رموشٍ جارحاتٍ مستحيـة
يعلم الله والقصايـد شاهداتي=قبلها ما دري وش معنى الجاذبية ؟!
منجرف لك وأعشقك على عماتي=ولا طريت إلا مع أنفاسٍ عذيـه
ياعيوني يـا جنوني يـا ثباتي=يا ندى غيـم الليـال السمهريـة
أشهِد الله موتي با يدينـك حياتي=ألف موته بك ولا بيـد أجنبيـة
يادفاك ويا الكفوف البارداتي=ويا شذاك ويـا حنيـن السامريـه
ويا غلاك ويا الجوار الكًنساتي =لا دخيلـك لاتضَيقـهـا علـيـه
حالتي ماهي بـ..حالة حب ذاتي =ولا تكرر فـي حياة البشريـه
شي ما أدري هو دماري أو نجاتي=فجـر بقلبي براكـينٍ قـويـة
يا شفـايّ بجمر دلالٍ والماتي =دلةٍ فنجالهـا عـن تسع ميـة
وياعناي ويـا شقاي ويا شناتي=مـن همـومٍ بارحـات جرهديـة
وش اقـول وتايهـاتٍ مفرداتي=ولا تكفيِّ بـك حروف الأبجديـه
في زمانٍ ماسألني عن خطاتي=ولو سألني ماعلى العاشق خطيِّة
جادك الله من خلاتي في خلاتي=انتدبني للاقدار العنجهية
والمعاني با القلوب الحالماتي=تلتقي بأحلامها ماهـي قضيـه
لو حكت بعيونهـا متفاهماتـي=ما تضيّع الواردة والنـار حيـه
والقلـوب الفاهياتـي فاهياتـي=ما تشوف من الخلا إلا المهمهية
ما يساوي المختلف متشابهاتـي=ولو تساوت ..ما تعامل بالسويِّه
وخاتمتها ياسلامي مع صلاتـي=للحبيب الهاشمـي خيـر البريـه


دمتم بسلام ومحبه

مع أعذب تحيات


أخوكم

الألـoـاس

vh;f hggd ,hg'd,v hgphdlhjd >>!!